img
الرئيسة / دورة حلويات العيد / طريقة معمول هش وطري

طريقة معمول هش وطري

/
/
/
1533 مشاهدات

 

طريقة معمول هش وطري

 طريقة معمول هش وطري

طريقة معمول هش وطري

طريقة معمول هش وطري , معكم صديقة زاكي الشيف الموهوبة ,

المقادير

  • كيلو سميد ناعم جدا
  • ٤٠٠ جرام زبدة
  • كاسه طحين
  • نص كاسه زيت ذرة
  • سمنه تلات معالق كبار
  • تنين فانيلا
  • تنين باكنج بودرة
  • نص فنجان سكر
  • فنجان حليب بودرة
  • بهارات المعمول كل من هدول معلقه كبير معلقه دقت كعك معلقه يانسون ومعلقه مستكه ومحلب مطحون
  • رشه قرفه رشه هيل مطحون
  • عجوة خاصه بلمعمول بحط بهرات الكعك عليها نص معلقه دقت كعك نص معلقه يانسون رشه قرفه رشه هيل ونص فنجان سمنه جامدة بعجنهم بحطهن على جنب
  • كاسة حليب لا تاني يوم بعجن فيها المعمول

الخطوات

السلام عليكم ورحمة الله وبركاته جبتلكم معمولات بشهووو طرين كتيررر لا نبلش طريقه اول شي بحط كل البهارات على السميد وبحط طحين وسكر والحليب البودرة بحركهن بجيب مقله بسخن فيها زبدة بس تذوب بنزل سمنه وزيت بس يحمو شوي بحطهن فوق سميد وبحرك بعملقه خشب بتركهن لا تاني يوم او اقل شي ٧ ساعات تاني يوم بعجن المعمول بكاسه حليب ما بحطها كلها شوي شوي اشوف ان مسكت حبه مدورة وبتجربيها بلقالب ان طلعت من القالب معنها وقفي المي بجهزهن وبشويهن على الفرن العربي على حرارة وسط مش عاليه بس يجهزو يبرد شوي برشو بسكر ناعم الف صحه وهنا

96 تعليقاً

  1. اشتقنا للمعمول وبصراحه جاي على بالي هو والكعك بعجوه بدنا إنعيد ههههه ضروري بس بالعيد نعمل ان شاء الله كل أيامنا خير وسعاده وهداة بال اللهم امين❤❤
    ومعمولاتك ا م ساره بياخدوا العقل تسلم ايدك ويعطيك العافية💟💟💟💟💟💟

  2. ذكرتينا بأجواء العيد صراحه..ورح اعمل قريبآ معمول ان شاء الله..شهيتينا صراحه..يسلم اديكي يا عسل..الله يعطيكي الصحه والعافية

  3. بسم الله ما شاء الله عليكي يا عسل بشهييي يسلمووو يا رب وصحه وعافيه 😍
    إشتقنا للكعك والمعمول طالع معك تحححححفه أللهم بارك ربي يسلم ديادك ويبارك فيهم ياااعسسسسل🌷😘

  4. يا الله يا ام سارة لو تعرفي شو مشتهيته
    يعني كعكاتك متل الملح ع الجرح. 😭😭😭
    يسلموووووو ايديك شكلهم والله بفتح النفس
    ويعطيك العافية وصحة وهنا يارب

  5. (( إذا عَمِلْتَ سيئةً فأتبِعْهَا حسنةً تَمحُهَا ))

    ▪️ قَالَ رَسُولُ اللَّه ﷺ :

    (( إذا عَمِلْتَ سيئةً فأتبِعْهَا حسنةً تَمحُهَا
    قالَ : قلتُ يا رسولَ اللهِ ! أمِنَ الحسَناتِ لا
    إلهَ إلَّا اللهُ ! قالَ : هيَ أفضَلُ الحسَناتِ ))

    📚 صحيح الترغيب – رقم : (3162)

اترك تعليقاً

لن يتم نشر عنوان بريدك الإلكتروني.