عجينه الدونات الرهيبه

129 23٬098
 

عجينه الدونات الرهيبه

عجينه الدونات الرهيبه

عجينه الدونات الرهيبه

عجينه الدونات الرهيبه , معكم صديقة زاكي الشيف الموهوبة ,

المقادير

  • ١ م ك خميره ممسوحه
  • ٢ م ك سكر
  • ١ كوب حليب دافئ
  • ١ صفار بيض
  • م ص فانيليا
  • ١ م ص بيكنج بودر ٥٠ غرام زبده بحرارة الغرفة
  • رشه ملح
  • ٢ ونصف كوب طحين
  • للقلي:
  • زيت غزير
  • للتزيين:
  • ٣ م ك شوكولاته نوتيلا
  • نصف كوب سكر بودره

الخطوات

السلام عليكم ورحمه الله وبركاته

كيفكم حبوباتي اشتقتلكم كوميات كوميات …غيبتي عنكم والله لشديد القوي بس ما النا غنى عن زاكي وعيلة زاكي

جايبتلكم وصفه بعد الدمار بنتفه …جربت كتيييير وصفات دوناتس بس الا ما يكون فيها مشكلة ….هالوصفه مضمونه الحمد لله ميه بالميه

ويلااااااااا نبلش

نخلط الحليب الدافئ مع صفار البيض مع الخميره والسكر….خلطا جيدا جدا ونتركها عشر دقائق حتى تفور الخميره

ثم نضع الطحين والملح والبيكنج باودر ونعجن … العجينه حاليا دبقه وغير قابله للتشكيل

نضع فوقها الزبده ونعجنها جيدا بدها عشر دقائق تقريبا تعجين …وتصبح عنا عجينه ملساء قابله للتشكيل وطريه جدا

نتركها ساعه بمكان دافئ

ثم نبدأ التشكيل بتقطيع العجينه لقسمين …ثم كل قسم الا عده كرات بحجم مناسب مع مراعاه انها رح تخمر كمان

نضع ورق زبدة او ورق عادي ونرشو بالطحين ….ونشكل الكرات بشكل املس …ونقطعهم باله الدونات او متلي بغطاء علبه .( بالصور تتوضح اكتر )

ونتركهم يخمرو كمان نص ساعه…..نسخن الزيت يكون سخن نوعا ما

ونبدأ بوضع حبات الدونات ونهدأ النار بعد دقيقتين واول ما تبلش تنفش بنقلبها كل دقيقه حتى تتحمر من جميع الجوانب وتنضج من الداخل ايضا

ثم تزززين بالسكر البودرة او شوكولا نوتيلا

شوفوها من جواااا شو هشه وطريه وبتنثني بكل سهولة ونافشه . . تبارك الله 😍😍

وعليكم بالف عافيه وهنا 😘😘

عرض التعليقات (129)