العوامة

88 4٬952
 

العوامة

العوامة

العوامة

العوامة, معكم صديقة زاكي الشيف الموهوبة ,

المقادير

  • كاستين طحين
  • رشة ملح ( ربع ملعقة صغيرة)
  • ملعقة صغيرة خميرة
  • ملعقة صغيرة سكر
  • ملعقة كبيرة نشا
  • ملعقة كبيرة فانيلا
  • كاسة وربع ماء او اكثر قليلا ( حسب نوع الطحين )
  • قطر

الخطوات

بسم الله الرحمن الرحيم والصلاة والسلام على سيدنا محمد وعلى اله وصحبه اجمعين

السلام عليكن ورحمة الله وبركاته اخواتي العزيزات

اولا :

توضع المقادير الجافة فوق بعض وعجنها بالماء الدافىء حتى تحصلي على عجينة قوامها اشبه بقوام الكيك لكن اجمد قليلا

نترك العجينة ترتاح لمدة ساعة حتى تخمر

ثانيا :

يحمى الزيت وتقلى بزيت غزير على نار عالية

عند القلي ضعي صحن صغير فيه زيت نباتي … وامسكي العجينة براحة اليد اليسرى واضغطي حتى تخرج من بين الابهام والسبابة … باليد الاخرى قومي بوضع ملعقة صغيرة بصحن الزيت ومن ثم خذي فيها العجينة من بين اصابعك وضعيها بالزيت الحامي وكرري

طبعا الملعقة تمسح في حال التصقت فيها العجينة

استمري في تقليب العوامة اثناء القلي

ملاحظة ***

العوامة حتى تصبح مقرمشة تقلى مرتين

المرة الاولى لا تجعليها تاخذ لون

وبعد قلي كل الكمية … ارجعي العوامة على دفعات بنفس الزيت الحامي حتى تتحمر .. ثم اخرجيها وضعيها بالقطر

ثالثا :

القطر … كل كوبين سكر بحاجة الى كوب من الماء وعصرة ليمون وشرحة ليمون او شرحتين حتى يظهر طعم قشر الليمون … وعندما يجهز القطر .. ضعي الفانيلا اي نوع … لكن اذا كانت بودرة ذوبيها اولا في القطر الحامي ومن ثم ضيفيها ..

… انا بذوبها بغلاية قهوة لانها بتتحمل حرارة القطر الحامي … باخد شوي من القطر الحامي وبذوب الفانيلا وبرجعهن على القطر

الفانيلا لا توضع من البداية لان القطر يفور عند الغليان

والان اترككن مع الصور

اخواتي سامحوني لانه لا يوجد صور اثناء التحضير وللعجينة وكيفية القلي

88 تعليقات
  1. خواطر :

    تسلم الايادي رووووعاتك يا قلبي

    1. taj :

      واديكي حبيبتي

  2. ماشاء الله منظر مغري 😍 تبارك الله عليك دايما اشوفها بالقنوات و الان الوصفة بفضلك مفضلتي ان شاء الله اجربها 😋 بصحتكم

    1. taj :

      اشكرك عزيزتي على تعليقك الرائع … لكن الفضل دائما وابدا لله وليس للبشر يا غالية

  3. القدس عربية :

    يممممممميي يعيشوا هالايدين ويعطيكي العافيه ما شاء الله شكلها رووووعه هلأ بهاد الجو ازكى اشي العوامه وخاصه اللي بتنعمل بالبيت ازكى من الجاهزة بكتير

    1. taj :

      الله يعافيكي

  4. ميسون أم إسماعيل :

    يسلمو لديكي ويعطيكم العافيه والله جو بارد وبدو حلويات

    1. taj :

      واديكي عزيزتي .. ربي يسلمك

  5. 💖 أم جيلان💖 :

    ربي يسلم ايديكي الاخت الصديقة تاج منظر العوامة بشهي والله شهيتينا جزاكي الله كل خير ومبارك تنزيل اول وصفة استمري يامبدعة 👍👍

    1. taj :

      الله يبارك فيكي اختي الحبيبة … اطعمك الله من ثمار الجنة واسقاك من الكوثر

  6. ريحانة🌿 :

    وعليكم السلام ورحمة الله وبركاته
    اللهم صل وسلم وبارك على نبينا محمد وعلى آله وأصحابه أجمعين
    اللهم بارك ما ألذها .. تسلم إيدك يا صديقتي الرائعة
    وسعيدة جدا بهالوصفة الجميلة وننتظر منك المزيد
    جزاك الله خيرا ونفع بك🌹

    1. ام عبود وحبيب 💕 :

      حبيبتي ريحانه روحي ردي على التعليق تبع التذكير

    2. taj :

      الله يرضى عليكي ويسعدك يا غالية … بفضل الله وتشجيعكم نزلت اول وصفة وباذن الله رح انزل وصفات اخرى باذن المولى عز وجل

  7. ام عبود وحبيب 💕 :

    ماشاءالله تبارك الرحمن
    الله يعطيكي العافيه صحتين وهنا…

    1. taj :

      الله يرضى عليكي

  8. om hasn :

    ما شاء الله شكلهم بفتح النفس الف صحة وهنا يا رب💖💖💖

    1. taj :

      على قلبك حبيبتي

  9. ام احمد :

    ما شاء الله ابداع اساسا لما تطلع معك متل الطابة بس في ناس ما بتزبط معهم الطابة هههههه روعة يا حلوة صحة وهنا على قلبكم

    1. جوري :

      اه والله في ناس تطلع معهم اشكال هندسيه

    2. taj :

      تسلميلي يا قلبي … والله لا اخفي عليكي طلع معي كم شكل هندسي بس سلكوهم الاولاد وما حد داري عنهن 😉

  10. ماشاء الله تبارك الله تسلم ايدك رووووعه المنظر لايقاوم والله
    هاتي لك كم حبه
    🤣🤣🤣🤣😜

    1. taj :

      حبيبة قلبي … ربي يرضى عليكي
      تعالي خديهن كلياتهن ❤

  11. om’ali💐 :

    صحتين وعافية

    1. taj :

      عقلبك يا عسل

  12. وعليك السلام ورحمة الله وبركاته
    اللهم صل وسلم وبارك علي سيدنا محمد وعلي آله وصحبه أجمعين
    يسلم اديكي حبيبتي شكلهم حلو ولذيذ وانا من عشاق العوامة
    صحة وعافية يارب 💗💗💗

    1. taj :

      واديكي حبيبتي .. لو انك قريبة مني الا الك احلى صحن عوامة

  13. 💓EMAN💓 :

    يسلموا اديك تاج
    روووعة ماشاءالله
    صحة وهنا 🌹

    1. taj :

      وصحة عقللك حبيبتي .. الله يرضى عليكي

  14. hhh :

    يسلمو يا تاج المنظر بيشهي والمذاق أكيد زاااااااااكي ربنايباركلك ياعمري صحتين هنا 💖💖💖

    1. taj :

      عقلبك حبيبتي … المذاق خرافي .. احلى وانضف من تبعت السوق من غير مبالغة

  15. الآء محمد :

    تسلم ايدك منظرها بيشهي

    1. taj :

      واديكي يا قمر

  16. نائله :

    زاكي

    1. taj :

      تسلمي حبيبتي

  17. أم صبحي :

    يا عيني عليك يا تاج منظر العوامة روووووووعة والإ القطر اللي بشر من العوامة 😋.. أبدعتي يا قلبي وصفتك بتشهي يسلموا إيديك 💞

    1. taj :

      تسلميلي يا غالية عكل كلمة حلوة بتدعميني فيها … دائما تعليقاتك الي كل واحد احلى من الثاني
      الله يرضى عليكي ويسعدك سعادة الدارين وجعلك الله ممن يدخلون الجنة بلا حساب او عذاب

    2. أم صبحي :

      حبيبتي تاج.. اللهم آمين يارب العالمين وإياااكم يارب 💞 بتستاهلي كل خير يا قلبي 🥀🥀

  18. جوري :

    ما شاء الله عنك تاج عواماتك يفتحن النفس والقطر شرشر قلبي معاه صحه يا قلبي على عوامه

    1. taj :

      سلامتو لقلبك … تسلميلي ع كلامك العسل

  19. أم جود :

    ما شاء الله تبارك الله..يسلم اديكي حبيبتي

    1. taj :

      واديكي غاليتي

  20. ورد جوري :

    يسلموا حبيبتى منظر بشهي
    بس عندي سؤال بس تقلي العوامه
    ما بتطلع من الزيت حاب اجربها بس بخاف
    من القلي عشان ناس كتير انحرق منها

    1. taj :

      الله يسلمك حبيبتي …. باذن الله ما بتفقع معك ولا حبة ولا رح تحرقك يا قلبي … لاني بغطس المعلقة بزيت مش مي وانا بشتغل لانه الزيت الحامي اي نقطة مي بتيجي فيه بتعمل مشاكل وبتحرق لا سمح الله
      اتوكلي على رب العباد وسمي بالله واشتغلي … وصحة وهنا مسبقا

    2. ورد جوري :

      تسلمي حبيبتى على الرد
      جزاكي الله كل خير

    3. معلش احكي كمان شغله اسمحيلي تاج حبيبتي ….لمن تخمر عجينه العوامه ..وبدك تبلش تشكلي ….قبل ما تشكلي حركيها كتييير منيح حتى تطلعي منها الهوا كويس ….لانو هي بتفقع احيانا بتكون مليانه هوا ..ورح تشوفي وانتي بتحركي قديش فيها هوا

      وبرجع بعتذر منك تاج ياقمر …بس علمك بلاش تفقع معها …واشكرك مقدما ⁦❤️⁩

    4. taj :

      حبيبتي ام ادم … خدي راحتك واحكي يلي بدك اياه … بالعكس بكون سعيدة لما نتشارك الافكار مع بعض وبنتعلم من بعض غاليتي

    5. ربي يسعدك ويبارك فيك يا مزووقه .. تسلمي حبيبتي 😘

    6. ورد جوري :

      الله يسعدكم ويبارك فيكم حبيباتي
      على المعلومات القيمة
      انشاء الله كلو بميزات حسناتكم

  21. ريوووم :

    يا سلااااااام ولا اروع …ومنظر القطر شلع قلبي ..يسلموو ايديكي حبيبتي بتشهيييي ..

    1. taj :

      سلامة قلبك حبيبتي … والله يرضى عليكي

    2. ريحانة🌿 :

      سلامة قلبك أم حمزة😂

    3. ريوووم :

      ههههههههههه حبيباتي الله يسعدكو

  22. أم حسنين :

    ماشاءالله تجنن واكيد الطعم لايقاوم….عااااشت ايدج حبيبتي❤😍🌷

    1. taj :

      واديكي حبيبتي … ربي يسعدك

  23. ♥AmSaif♥ :

    .ما شاء الله شكلهم طيبين صحة وهنا

    1. taj :

      على قلبك يا قمر

    2. ♥AmSaif♥ :

      والبك يا روحي

  24. أمي جنتي :

    ماشاءالله
    تسلم يدك .

    1. taj :

      واديكي اختي العزيزة

  25. اووووووووووبااااا 😍😍😍😍😍 جد كتييير هيك سقسق قلبي مع القطر المسقسق 😍 مش قادر 🤤🤤🤤🤤🤤🤤

    تسلم ايدك حبيبتي كل حبه واختها تبارك الله ولووون تحفه 😍

    1. taj :

      حبيبتي ام ادم .. الله يرضى عليكي ويرضيكي . وسلامتو لقلبك يا غالية

    2. يخليلي اياكي يا مزوووقه 😘

  26. Farah Masoud :

    يميي صحتين وعافية يارب

    1. taj :

      على قلبك

  27. إم مصطفي 😉 :

    وعليكم السلام ورحمة الله وبركاته يا هلا بالاطايب😍
    بسم الله ما شاء الله عليكي يا عسل بتشهييي يسلمووو يا رب وصحه وعافيه يارب 😍
    مبارك تنزيل أول وصفه بنجاح بإنتظار كل جديد منك يا ورده أنتي 🌷

    1. taj :

      الله يبارك فيكي يا قلبي .. ربي يسعدك ويرضى عليكي

  28. 💠أم جاسم💠 :

    ما شاء الله منظرهم روعة وشكلهم مقرمشين الف صحة وهنا يارب

    1. taj :

      على قلبك حبيبتي

  29. رشا رشا :

    ماشاء الله اللهم بارك
    شكلهم بشهي
    يسلمو اديكي يا قلبي
    الف صحه وهنا 😘🌹

    1. taj :

      عقلبك حبيبتي … تسلميلي

  30. تسلم الأيادي الحلوه و بألف صحة وعافية عليكم إن شاء الله حبيبتي

    1. taj :

      تسلميلي يا عسل

  31. أنتقِ دائماً ما تكتب ..
    فأنت تكتب و الملائكة تكتب.. ؛و ما من كاتب إلا سَيفنى .. و يُبقي الدهر ما كتبت يداه ُ..
    فلا تكتب بكفك غير شيءٌ
    يسرك في القيامة أن تراهُ ..
    .

    1. taj :

      بارك الله فيكي

  32. ام البنات :

    تسلم يمينك ……روووووووعه وزاكيه كتييييير بس ما عندي الجرأه اعملها ….

    1. taj :

      الله يسلمك حبيبتي .. تعالي عندي وانا بعملك

    2. ام البنات :

      يسعدك يارب ما تقصري

  33. أم عبدالله :

    ما شاء الله يسلمووو
    شكلها بشهي 😍😍😍

    1. taj :

      الله يسعدك حبيبتي

  34. ام اصيل :

    شوووو اخرررر صوووورة دمااااااااررر حقيقي شووو هاد يا قلبي ربي يسسلم دياتك وعنياتك يعطيكي الف عافية يا حبيبتي

  35. joudi :

    يميييي شكلها بسهي وخاصه بهل برد بدها 😋⁦♥️⁩صحة وهنا

  36. 📮📮 :

    يسلموا ايديك ويعطيك العافية

    1. taj :

      الله يعافيكي

  37. 📮📮 :

    ‏{كذلكَ لنُثبِّتَ بهِ فُؤادَكَ}
     ثبات قلبك وفكرك
    ثبات دينك وخُلقك
    ثبات قدمك وقلمك
    كلها في إقبالك على كتاب ربك
    تلاوة.. ومدارسة.. وعملا ،

    🌷اللهم اجعلنا من أهل القرآن الذين هم أهلك وخاصتك..🌷

    ‎ ┈┉┅━✺❁┋🍃🌸🍃┋✺❁━┅┉┈

  38. ام عبد الله :

    يسلمو ايديكي انا جربت طريقتك بس للامانة انا زدت ملعقة صغيرة سميد على مقدارك وطلعت بتشهي الحلو فيها انو مقدارها زغير وما بوخد وقت بالشغل مشكورة يا قلبي 😘

    1. taj :

      صحه وهنا حبيبتي.. خدي راحتك… بس المهم انها عجبتك… وانها طلعت متل ما بتحبي… بالطعم والشكل
      واهم اشي انها ما غلبتك
      بشكرك من كل قلبي انك جربتيها
      اسعدك الله سعاده الدارين

  39. مسك وعسل :

    الشكل روعة والطعم اكيد اروع عاشت الايادي👍

    1. taj :

      الله يرضى عليك ويسعدك حبيبتي

اترك رد

لن يتم نشر عنوان بريدك الإلكتروني.