طريقه عمل الشيشبرك

93 6٬042
 

طريقه عمل الشيشبرك

طريقة عمل الشيشبرك

طريقه عمل الشيشبرك

طريقه عمل الشيشبرك , معكم صديقة زاكي الشيف الموهوبة , اسلام عليكم ورحمة الله وبركاته كيفك أخواتي جميعآ دون استثناء حفظكم الباري ودمتم سالمين بخير حبيت أجي اليوم وأجيب معي وصفة ما في حدا بتوقع تنو ما بيحبها الشيشبرك وما أدراااااك ما الشيشبرك لذاذة لا تووووووصف طعم خيااااال انا من عشاقها طبعآ وعلى بركة الله نبدأ اول شي المكونات

المقادير

  • نص كيلو لحم عجل مفروم خشن
  • 3 رووس بصل كبااااار
  • فلفل أسمر
  • كاري
  • ماجي بودرة باكيت
  • طحين 4 كاسات كبار
  • ملح 3 أو 4 معالق كبار
  • مي للعجن
  • وللبن منحتاج:
  • كيلو لبن قطيع ما بعرغ ازا بتعرفو نحنا موجود عنا بجرش بالأردن بس ازا مو موجود عادي أي لبن موجود عندكم ومنحتاج فوق لبن:
  • معلقة كبيرة نشا
  • ماجي مكعبين
  • رشة صغيرة صغيرة عصفر

الخطوات

أول شي منحوس اللحمة والبصل مع زيت زيتون ومنحط عليهم الكاري والماجي البودرة مدة ربع ساعة بعدين منطفي عليهم ومنصفيهم بمصفاة لأنو بكون عليهم مي كتير من اللحمة بتكون زااالة

وهون منجيب لطحين ومنحط علي الملح ومنعجنهم بالمي لحتى مشوفها صارت عجينة حلوة ومو قاسية ولا رخوة

هوووووون اجا وقت التشكيل منشكل حبات الشيشبرك ومنحطهم بالسدر لحتى ننهي الكمية كاااااملة ( طبعآ السدر الي بدو ينحط في الشيشبرك بدك ترشي في طحين كمية وفيرة )

واجا وقت اللبن منحط اللبن والنشا بالمونيلكس ومنخلطهم خلطة خفيفة ومنحطهم بالطنجرة ومنحط الماجي ومنظل نحرك لحتى يغلي مندير عليهم شي 3 أكواب كبار ماء ومنخليهم يغلو غلوة بعدين منحط حبات الشيشبرك بالطنجرة حبة حبة لحتى ننهي الكمية منغطيهم نص تغطاي ومنوطي عليهم لحتى يستو طبعآ انا اخدو معي وقت تقريبآ ساعة وربع بالطبخ

طبعآ لاااااااا ننسى قبل ما نحطهم باللبن منشويهم او منقليهم او منحطهم متل ما همي الك حرية الخيار انا بالنسبة لإلي شويتهم

وتوتي توتي خلصت الحتوتة والله تعبت قد ما كتبت ما بستحق تعلقولي بتعليق حلو متلكم

حبيبات قلبي اسفة على الإطالة بحبكم كلياتكم كليااااااااتكم كوووووووميات ربي ما يحرمني منكم دمتم في حفظ الرحمان غالياااااااتي ♥️♥️♥️♥️

عرض التعليقات (93)