فطيرة التفاح

80 5٬567
 

فطيرة التفاح

فطيرة التفاح

فطيرة التفاح

فطيرة التفاح , معكم صديقة زاكي الشيف الموهوبة ,

المقادير

  • عجينة البف بيستوري جاهزة
  • للحشوة بلزمنا ٢ حبة تفاح كبيرة مقشرة ومقطعة مكعبات صغيرة
  • معلقة قرفة صغيرة
  • نص كوب سكر ابيض
  • معلقة كبيرة جوز الهند
  • للزينة طبعا حسب الزوق الزينة:
  • سمسم
  • لوز شرائح
  • حبة بركة

الخطوات

السلام عليكم واخواتي

طبعا كلكم طلبتو هاي الوصفة اليوم راح اعطيكم الطريقة بتفصيل يلا نبلش

بسم الله الرحمن الرحيم

اول شي انا استخدمت عجبنة البف بيستوري في المرة الاولى على طريقة الشيف المبدعة نور احمد بتقدرو تشوفو ملفها

والمرة هاي استخدمت العجينة الجاهزة

اول شي بنبلش في التفاح بنحطو في طنجرة على الغاز مع السكر حتى يتذبل وتنشف الماء التفاح وتصير طرية وتستوي وبنضيف القرفة وجوز الهند وهيك بتصير جاهزة بنتركها تبرد بنبلش في العجينة وبنحشيها وطبعا الشكل متل ما بتحبو في ناس بتعمل اشكال كتير من هاي العجينة وبعد الحشي بنضغط عليها في الشوكة حتى نسكر جميع الجهات وعلى الفرن بنكون محمى مسبق على درجة 160 بنحمر ها من تحت وبعدها شوي من فوق حتى توخذ لون الذهبي. وصحتين وعافية

ملاحظة :بخصوص الحشوات بتقدر ي تحطي اي حشوة بتحبيها وبتشوفيها مناسبة متل تفاح مع القرفة مربي او شوكلاتة او قشطة او كاسترد او زبدة الفستق او جوز الهند مع القرفة والزبيب وعين الجمل او معجون التمر او فواكة مطبوخة متل الفرولة او المانجا يعني كل شي بتقدر تحشيها .

وبتمنى تكون عجبتكم الوصفة سهلة كتير وزاكية كتير لا تنسونامن دعواتكم الحلوة متلكم والسلام عليكم بنشوفكم بوصفة الجاي

ملاحظة: عندي وصفة خبز الفوكاشيا الايطالي كتير طيبة اذا بتحبو انزلها اكتبو في التعليقات تحت وراح احطلكم صورها تحت

وسلااااام

عرض التعليقات (80)