حكايه ع السريع

79 3٬999
 

حكايه ع السريع

حكايه ع السريع

حكايه ع السريع

حكايه ع السريع, معكم صديقة زاكي الشيف الموهوبة ,

اليوم وانا بالمستشفى وولادي وأحفادي حوالي وبستنوا فيي اموت… وقبالي وحدة بعمري جنبها صديقتها بتضحك هي وياها

صفنت بحياتي !

قبل 50 سنة لما كنت بالمدرسة مقضيتها 24 ساعة دراسة لحتى اجيبها الأولى، وما كنت اجتمع بالناس بالمرة ، وما اطلع مع امي ولا اشوف حدا لحتى اجيب اعلى علامة، وبتذكر ايامها كان في بنت شاطرة كثير وبتنافسني بس عايشة حياتها طول بللعرض، وبتطلع عالفرصة وبتضحك!

خلصت المدرسة وجبت بال90 بالتوجيهي وبعدها دخلت الجامعة، ومن اول يوم بالجامعة وانا ادرس مثل الانتحار، وما بشارك بأي نشاط ولا بروح على جيم ، ولا بقضي وقت بالسوق، لازم ادرس منيح لحتى اتفوف واجيب انر واخد منحة لاكمل ماستر، 4 سنين بالجامعة وانا من الجامعة للبيت وبالبيت لا اقعد مع قرايبي لما يجو ولا اشي …

كان عندي بنت خالتي ، تضلها تحكيلي ولك عيشي حياتك شوي ، احكيلها لا انا بدي اخلص ويصير معي وظيفة محترمة واجيب مصاري ، خلصت جامعة وتفوقت ؛ وبلشت ادرس ماستر؛ وقتها تقدملي دكتور بالجامعة، انا بعد تفكير وافقت، وخطبنا واتفقنا نتزوج ب ما اخلص ، وخلصت وتزوجت، طبعا خلال مرحلة الخطبة انا كنت مشغولة بالدراسة، ويعني اطلع احيانا معه؛ وهو كمان كان مشغول كتير بشغله، تزوجنا وعشان شغله ما رحنا شهر عسل، بعدها انا توظفت وصارت حياتي بين الوظيفة والدار وابني الي حملت في من ثاني شهر زواج، صرت اركض اركض مش ملحقة، وضعنا المادي كتير منيح ، شغلي مرهق كثير، كبروا ولادي ، صرت اهكل همهم ، بدنا نزوجهم ، بعدها اجاهم ولاد، تقاعدت، بدي ادير بالي عولاد ولادي ….

وهيك بعد 50 سنة وانا عايشة ومش عايشة !

قاعدة بطلع على مرت ابني ، ومتمنية ارجع لعمرها؛ لحتى البس واتزبط وادير بالي عحالي، بطلع عبنتي، وهي تنطنط حوالي ورشيقة واتمنى لو ارجع اعيش هالمرحلة، ، او بنتي الي بالجامعة بدها تطلع مع صاحباتها، يجي عبالي ارجع واطلع معهم …

50 سنة كان فيي شغلات كثير لازم اعملهم، بس قضيت حياتي اركض ورا الدراسة!

حتى اعمال لآخرتي قصرت فيهم، كانت تروح علي الصلاة، ما كنت اقرأ قرآن ، ولا بحياتي رحت عمل تطوعي، كان معي مصاري كتير بس ما تصدقت ولا حتى سافرت لانه انعجقت بالحياة ، هيني رح اموت بعد ما مات ابوهم وتركلهم ورثة كبيرة؛ وانا رح اتركلهم ورثة اكبر؛ واطلع من هالدنيا ولا بإشي ؛ الا بحسرة على مراحل طفولتي الي ضيعتها، شبابي الي ضيعته؛ وكل لحظة كان بقدر استمتع فيها وضيعتها ، حتى بحياتي ما فكرت يكون عندي صديقة حقيقية تختير معي !

الانسان الناجح مش بس الي متفوق بجامعته ، بمدرسته، بشغله، الناجح هو الي بعرف يعيش الحياة صح بكل مراحلها … الفشل بالدراسة مو نهاية العالم ..

عيشوا حياتكم، وازنو بين الدنيا والآخرة؛ لا تضيعوا لحظات بحياتكم ومراحل ما رح ترجع !

منقول

عيشوا حياتكم

استمتعو باهلكم واحبابكم

الدنيا بتسرق منا كثير

عرض التعليقات (79)