بان كيك خرافي من اختراعي بالشوفان والسبانخ دورة الطبخ 5

109 3٬941
 

بان كيك خرافي من اختراعي بالشوفان والسبانخ دورة الطبخ 5

بان كيك خرافي من اختراعي بالشوفان والسبانخ _ دورة الطبخ 5_

بان كيك خرافي من اختراعي بالشوفان والسبانخ دورة الطبخ 5

بان كيك خرافي من اختراعي بالشوفان والسبانخ دورة الطبخ 5 , معكم صديقة زاكي الشيف الموهوبة , مرحباااااا سمعو من أولها اللي أولو شرط آخرو سلامة هالوصفة اختراع كامل من مخي العزيز أولا بدون موز كرمال ماما عايدة الغالية وتانيا لجواد الله يعافيه ويطمنا عليه (بس بدون طحين اذا حبيتي تجربيها استبدليه بشوفان مطحون هههه) وتالتا الكم كلكم ولأطفالكم لتحصلو على وجبة فطور رائعة ولذيذة وصحية ومفيييدة بقى بتحطو ببالكن انو طعمة السبانخ مابتبين والبان كيك بتطلع بتجننن ولازم ولازم ولاااازم وكمان لازم تجربوها وشكلين مابحكي
هلمووو نرى المقادير أيها العرب

المقادير

  • بيضة
  • باكيت فانيليا
  • ملعقة ونصف ك عسل أو ملعقتين سكر
  • ثلثين كوب حليب
  • ثلثين كوب سبانخ مطحون
  • ملعقة ونصف زيت
  • ثلاث أرباع كوب شوفان مطحون
  • ثلثين كوب طحين
  • باكيت بيكنغ باودر
  • رشة ملح

الخطوات

“بسم الله الرحمن الرحيم”

* أول شي منطحن كمية من السبانخ مع ملعقتين مي بالخلاط لينعمو

* بعدا منخفق البيضة مع الفانيليا والعسل أو السكر

* منضيف الحليب والسبانخ والزيت ومنخلط

* منضيف الشوفان والطحين والبيكينغ باودر ورشة ملح ومنخلط لتمتزج المكونات تمام

* منحمي صاج أو مقلاية لتسخن منيح منوطي النار ومندهن دهنة خفيفة بالزبدة ومنبلش نصب قراص البان كيك بفنجان معين ليطلعو نفس المقاس مو أشباح ههههه

* أول ماتبلش الحواف تنشف ويتكون عنا فقاعات عالوش منقلبها عالطرف التاني شوياية بس ومنشيلها على جاط ومنغطيها لحتى ماتنشف

* منقدمها مع العسل أو الشوكولا أو المربى حسب مابتحبو بس طبعاً العسل هو الخيار الصحي

* طعمها رائع ولونها مبهر صراحة وبتضل طرية وبدي نتفها اللي مابتجربها

طبعاً اذا كانت من قدي وأصغر مني أما اللي أكبر مابسترجي هههههه

* سبق ونزلت زمان كيك السبانخ وبتمنى الأدمن تمار تحط الرابط هون بركي بتستفيدو منها

* بحبكن كمشاااات كمشات وماتنسوني من دعواتكن الحلوة

عرض التعليقات (109)