img
الرئيسة / كيكات / كيكية الجيلي ولا أروع

كيكية الجيلي ولا أروع

/
/
/
1531 مشاهدات
 

كيكية الجيلي ولا أروع

كيكية الجيلي ولا أروع 😋😋

كيكية الجيلي ولا أروع

كيكية الجيلي ولا أروع , معكم صديقة زاكي الشيف الموهوبة ,

المقادير

  • 4 بيضات بدرجة حرارة الغرفة
  • كاسة سكر
  • كاسة الى ربع زيت قلي
  • 3 فانيلا
  • 3 بيكنغ باودر
  • كاسة حليب سائل
  • معلقة صغيرة خل
  • كاستين طحين
  • 3 ملاعق كبيرة من النشا
  • 3 باكيتات جيلي بنكهة الفراولة( نباتي ) سريع التجميد
  • للتزيين:
  • تفاح أو فراولة

الخطوات

اول شي منخفق البيض مع الفانيلا والخل والسكر لحتى يصيرو على بياض منحط الزيت ومنخفق والحليب بعدين مننزل بالطحين المنخول مع البيكنغ والنشا بالتدريج لحتى انتهاء الكمية منحط الكيكة بقالب مدهون بالزيت ومرشوش بالطحين وعلى الفرن مباشرة لمدة ٣٥ دقيقة ومنترك الكيكة بعد ما تجهز أقل شي ساعتين او تلات لحتى تبرد كتييييير منيح (طبعآ لا تخليها مكشوفة غطيها بعد ما تفتر )

وهسا منجيب القالب منحط بالقاع تفاع مقطع قطع كتييير رفيعة أو فراولة ع حسب الرغبة أو بدون ما في مشكل بعدين بكون عاملة باكيت جيلي بكاسة ونص مي مغلية بحطهم فوق التفاح وبتركهم شي نص ساعة بالتلاجة بعدين اعملي باكتين جيلي ب٣ كاسات ماء مغلي وحركيهم لحتى يذوب الجيلي ظلك كل شوي حركي الجلي لحتى تحسي بطل يطلع منو بخار هسا رجعي الكيك ع القالب فوق الجيلي ورصي شوي بهدوء لتحت بعدين اعملي ثقوب بالكيك لحتى يتشرب الجيلي كتييييير منيح وظلك شربي بجلي لحتى تنتهي كل كمية الجيلي وعلى التلاجة مباشرة لمدة لا تقل عن ٥ ساعات انا هووووون عملتها قبل بيوم

تاني يوم بطلعي القالب من التلاجة وبتحطي بصينية أكبر منو فيها ماء مغلي جدآ لمدة ٤ او ٥ ثواني لحتى يسهل خروج الكيكة مع الجيلي وما تغلبنا

وقدميها لحبايب قلبك بالهنا والعافية

جربوها كتييييير لزيزة ورح تعجبكم

ودمتم في حفظ الرحمان أختكم في الله أم عمرو

♥️♥️♥️♥️

115 تعليقاً

  1. أم نبيل
    يممممممميي يعيشوا هالايدين ويعطيكي ألف عافية وصحتين وهنا ع قلوبكم يارب
    زماان القمر ما طل بصراحه فقدت وصفاتك وهيك نزلتي وصفه رووووعه
    غابت وجابت 😋 😋 😋 😋 😋 😋 😋 😋 😋 😋 😋 😋 😋 😋 😋 😋 😋 😋

  2. تسلم الايادي حبيبتي روووووعه طالعة معك..ومنظرها بتشهي كتير ..يعطيكي العافية يا عسل..
    زمان القمر ما بان …سألنا عنك كتير ..حبيبتي بس تغيبي ضلك طمنينا عنك..الله يرضى عليكي😍🌹❤

  3. ماشاء الله عليك يا أم عمرو على هالكيكة اللي لونها لحاله بيفتح النفس.. يسلموا إيديك حبيبتي على هالإبداع.. وصفاتك دايماً مميزة
    صحة وهنا 💞💖💞

  4. ياعمري انتي ووصفاتك😢😢
    والله اشتقتلك كتير كتير كتير
    ليه طولتي الغيبة وشغلتي بالي عليكي
    كنت ضل استفقد اذا الك تعليقات😢
    الله يجعل غيابك لخير ياخيتي⁦♥️⁩
    والوصفة بتجننننن متل صاحبتها اللهم بارك
    خرافية ومنعشة وشكلها أنيق ولطيف كتير
    تسلم ايديكي غلاتي ربي مايحرمنا طلتك وإبداعك😘⁦♥️⁩

    • يا حبيبة قلب أختك والله والله اشتقتلك وغيبتي كانت للشديد القوي الحمدلله على كل شي

      كيفك انتي طمنيني عنك ان شاء الله بخير مشتاااااقيتلك كوميات لو أظل أقرقر هههههه يعني (أحكي) لبكرة الصبح ما رح أشبع منك ولا من كلامك

اترك تعليقاً

لن يتم نشر عنوان بريدك الإلكتروني.