المبروشة على طريقتي
المبروشة على طريقتي
المقادير
- 2 بيضة بدرجة حرارة الغرفة
- 2 معلقة صغيرة فانيلا بودرة
- 2 معلقة صغيرة بيكنغ باودر
- كاسة الى ربع سكر
- كاسة الى ربع زيت قلي
- طحين حسب العجينة يعني ما في مقدار محدد لحتى تصير عندك عجينة تتكور انا هون تقريبآ أخدت مني 3 كاسا
- للحشوة:
- مربى أي نكهة بتحبوها انا هون حطيت مربى عنب أنا عملتو قبل فترة لهيك حطيت منو
الخطوات
أول شي منحط البيض والفانيلا والسكر ومنخفقهم بالخفاقة اليدوية ما بتحتاج الكهربائية بعدين مننزل بالزيت بالتدريج منحطو بعدين منحط البيكنغ باودر والطحين ومنبلش نعجن فيهم ومنحط جوز الهند لحتى تصبح عنا عجينة ما بتلزق باليد هون منقسمها بالنص نص منفردها بالصينية المدهونة بزيت القلي بعدين منحط طبقة من المربى بعدين العجينة القسم التاني منبلش نبرش في بالمبرشة على كل وجه الصينية بعدين منرش على الوجه رشة جوز الهند وعلى الفرن المحمى مسبقآ على حرارة ١٨٠ لحتى تتحمر الأطراف وبعدين منشغل الغاز من فوق ومنحمر الوجه وهيك بتكون جهزت منتركها بالفرن لحتى تبرد تمامآ بعدين منقطعها وتقدم بالهنا والعافية مع كاسة شاي بالنعنع وانسي الوضع بتشهههههههههي جد حربوها ورح تحبوها كتيييير
( ملاحظة هاي الكمية عملت عندي صينية تيفال حجم وسط )
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️♥️
