طريقة اللبن الرايب بالبيت ملكة رمضان
طريقة اللبن الرايب بالبيت ملكة رمضان
المقادير
- ثلاثة كيلو حليب بقر طازج
- علبة زبادي صغيرة
- علبة لبن رايب صغيرة
- معلقة سكر (السكر بساعد على تماسك اللبن ما بصير سائل )
الخطوات
السلام عليكم صديقاتي يعطيكم العافية يا رب
اليوم جبتلكم طريقة ترويب اللبن انا بعرف انو كتير منا بعرف يروب وطبعآ مع الحظر الكل صارو معلمين بكل شي بس اليوم انا حبيت اشاركم طريقتي لبعض التكات الاضافية الي انا بعملها يمكن تستفيدو منها وتدعولي دعوة حلوة متلكم
اول شي بغلي الحليب مع التحرك المستمر وبعدين بتركو تنزل حرارتو لدرجة اقدر اتحملها بس احط اصبعي واعد للعشرة اتحمل الحرارة تبعتها بس ما يكون بارد لازم يكون فوق الدافي بشوي وبعدين باخد بصحن على جنب مقدار مغرفتين او ثلاث وبحط اللبن والزبادي والسكر وبخلطهم منيح حتى يدوب كل الزبادي واللبن وبعدين بنزلهم على الحليب وبحركهم وبوزعهم على التبرويرات الوالزبادي الي بدي اروب فيهم وبشكل سريع بعبيهم عشان ما يبرد منك وبعدين التكة الي انا بعملها التانية من بعد تكة السكر ليساعد على التماسك انا هون ما بغطيهم بغطيهم التبرويرات لأ بغطيهن ببشكير نضيف او شاشة بيضة ليش هاي الحركة ؟؟
هاي الحركة عشان البخار الي بطلع من الحليب ما يجمع ع الغطا ويرجع ينزل باللبن ويعملي سوائل كتير ع اللبن هيك رح البشكير او الشاشة رح تمتص كل البخار ورح تحصلي على لبن قالب بدون سوائل زيادة طبعآ بغطي بالبشكير وبحط فوقهم غطا ثقيل عشان يضل دافي وبتركو من خمس لست ساعات وبعدين بطلعو وبحطو بالثلاجة من ثلاث لأربع ساعات عشان يبرد ويتماسك وبالصحة والعافية عليكم يا رب
ملاحظة:
ممكن تستخدمي اللبن والزبادي نص علبة نص علبة مو شرط كاملة بس هي بتعزز النكهة اكتر
وبالنسبة للحليب الطازج ممكن تستبدلي بحليب بودر تحطي كل كاس حليب علي معلقتين كبار مليانات حليب
وكمان ممكن تروبي الحليب بفرن محمى ومطفي وتغطي الحليب ببشكير وتحطي بالفرن لمدة من خمس لست ساعات
طبعآ لازم تختاري نوع اللبن الي بدك تروبي في والزبادي يكون ممتاز لانو بعتمد طعم اللبن على النوع الي روبتي في
