طريقة تحضير القشطه الكريميه للحلويات ملكة رمضان

47 5٬353
 

طريقة تحضير القشطه الكريميه للحلويات ملكة رمضان

طريقة تحضير القشطه الكريميه للحلويات ملكة رمضان

طريقة تحضير القشطه الكريميه للحلويات ملكة رمضان

طريقة تحضير القشطه الكريميه للحلويات ملكة رمضان , معكم صديقة زاكي الشيف الموهوبة ,

المقادير

  • لتحضير جبنة الحليب :
  • 2 لتر حليب
  • ربع كوب خل
  • لتحضير خليط القشطه :
  • 1 لتر حليب
  • نص كوب طحين
  • نص كوب نشا
  • 2 ملعقة سميد متوسط او ناعم
  • 2 ملعقة سكر
  • بكيت قشطه 125غ
  • معلقة فانيلا

الخطوات

السلام عليكم ويسعد اوقاتكم بكل خير يا رب

بقدملكم اليوم طريقة القشطه الكريميه لجميع انواع الحلويات رااائعه وطعمها زااكي وسهله وبسيطه

بتنفع للكنافه وللبسبوسه وللقطايف والبقلاوه ولعدة انواع من الحلويات ان شاء الله بتعجبكم واكيد اذا جربتوها راح تعتمدوها

يلااا نشوف الطريقه …..

& اول شي بنضع لترين من الحليب عالغاز عالنار وسط ولما يقرب يغلي الحليب بنضيفله ربع كوب من الخل وبحركه ولما يغلي بطفي الغاز وبتركه شوي ليفصل الحليب تماما

وبعد ما اشوفه فصل بالكامل باخذ الجبنه وبضعها بمصفايه

عشان تتصفى من المي لحتى احضر خليط القشطه…

(ممكن استخدام الحليب السائل الجاهز وممكن استخدام لترين ماء عليهم حليب بودره كل لتر اربع اكواب من الماء عليهم 8 معالق حليب )

& هلا ببلش بتجهيز القشطه بضع لتر حليب وعليهم نص كوب من الطحين ونص كوب من النشا والسميد والسكر وبخلطهم سوا لحتى يذوب النشا والطحين ثم بضعه عالنار وسط مع التحريك المستمر لحتى يثقل الخليط ويبلش يغلي بضيفله بكيت قشطه ومعلقة فانيلا وبحركهم مزبوط وبرفعهم عن النار وبضيفلهم الجبنه يلي حضرناها من الحليب وبحركهم وبضعهم بالخلاط الشاف وبخلطهم مزبوط لحتى ينعم الخليط

لما ينعم بضعه بصحن وبغطيه بالنايلون بخليه يلامس وجه القشطه عشان ما يصير عليها طبقه

وبخليها لحتى تصبح بدرجة حرارة المطبخ بدخلها الثلاجه لحين وقت الاستخدام

بالفعل طريقه روووعه وبسيطه وسهله وكثير طيبه مع الحلويات ان شاء الله راح انزللكم اكثر من وصفه للحلويات بالقشطه

هالمقدار بعمل كميه ممتازه من القشطه

ممكن وضع ماء الزهر بدل الفانيلا لاضافة النكهه للقشطه

دمتم بكل الخير

عرض التعليقات (47)