طريقة عمل كوسا باللبن ملكة رمضان

46 10٬566
 

طريقة عمل كوسا باللبن ملكة رمضان

طريقة عمل كوسا باللبن ملكة رمضان

طريقة عمل كوسا باللبن ملكة رمضان

طريقة عمل كوسا باللبن ملكة رمضان , معكم صديقة زاكي الشيف الموهوبة ,

المقادير

  • 1 ك لحمة مخليه من العظم قطع صغيره
  • 2 ك لبن رايب
  • 2 معلقة نشا
  • 1 راس بصل مفروم
  • زيت قلي لتقلاية البصل واللحمه
  • كوسا مقطعه دوائر
  • ملح
  • فلفل أسود
  • للتقديم :
  • أرز قصير الحبه مفلفل مع الشعيريه

الخطوات

السلام عليكم ويسعد أوقاتكم بكل خير

اليوم بقدملكم وصفه كوسا باللبن طيبه وجديده وسهله كثيير وبتنفع كتغير بالافطار بشهر رمضان

يلااا نشوف الطريقه …..

& اول شي بنقلي البصله لحتى تتذبل وتاخذ لون وبعدين بنضيفلها اللحمه ( المغسله ومصفيه ) وبنقلبها سوا عالنار عاليه وبنضيفلها ملح وفلفل أسود وبنستمر بالتقليب كل شوي ولما تاخذ اللحمه لون بنضيفلها الكوسا المقطعه دوائر وبنقلبهم سوا وبنوطي النار وبنغطيها وبنضل نقلبها كل فتره لحتى تتذبل الكوسا

& بنضرب اللبن عالخلاط مع اضافة معلقتين نشا وبنغليهم مع التحريك المستمر وبعد ما يغلي بضيفه عالكوسا واللحمه وبقلبهم وبتركهم يتسبكو وممكن اضافة الملح حسب الطعم

وممكن تخفيف اللبن بكوب من الماء الساخن اذا كان ثقيل كثير

اللحمه يلي استخدمتها اصغر من راس العصفور

(يلي هي قطع صغيره )

ممكن استخدام اللحمه المفرومه حسب ما بتفضلوو

& قدمتها مع الارز المفلفل مع الشعيريه

وهيك الوصفه جاهزه معنا كثير طيبه وسهله

دمتم بكل خير

عرض التعليقات (46)