خبز التورتيلا ملكة رمضان

35 4٬406
 

خبز التورتيلا ملكة رمضان

خبز التورتيلا ملكة رمضان 😋

خبز التورتيلا ملكة رمضان

خبز التورتيلا ملكة رمضان , معكم صديقة زاكي الشيف الموهوبة , اليوم جبتلكم وصفة خبز سهلة وسريييييعة وبتنفع لكل شي للأكل للشاورما للفاهيتا لكل شي بتحبو وبدكم ايا ان شاء الله تحبوها وتعجبكن الوصفة خلينا نبدأ بالمقادير

المقادير

  • كاستين ونص طحين أبيض
  • ربع ملعقة صغيرة ملح
  • كاسة ماء مغلي

الخطوات

أول شي نضع الطحين والملح بجاط ومنحط عليهن الماء المغلي ومنحركهم بالملعقة لحتى يصل الماء لكل الطحين منبلش نعجن باليد لمدة ٧ الى ١٠ دقائق

تاني شي منقطع العجين ل ٦ كرات أو حسب ما بتحتاجي وبتحبي وبترشي تحتهم طحين وبترشي عليهم رشة طحين وبتغطيهم وبتتركيهم لمدة ربع ساعة

تالت شي منجيب كرات العجين ومنفرد كرة كرة بشكل دائري بمساعدة الطحين والشوبك

رابع شي منجيب مقلاة غير لاصقة ومنحطها على الغاز لحتى تحمى منبلش نخبز الرغفة على نار عالية ومنظل نحرك فيهم وكل شوي منقلبو ع الجهة التانية لحتى نخلص كل رغيف منغطي ببشكير

وهيك خلصو خبزااااتنا لليوم ههههه يا رب يكونو أعجبوكم ولا تنسو تحطوها بالمفضلة عندكم

أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️

عرض التعليقات (35)