اثريات في مطبخي ملكه المطبخ

السلام عليكم ورحمه الله وبركاته
اليوم ما في وصفه بس خلال تعزيل المطبخ صرت شوف شغلات الها زمااان عندي اخذيتها من عند امي او من تيته الله يرحمها وحبيت شاركم فيها
مين منا ما عنده قطع قديمه كثييير وصارت اثريه فعلا وكل ما يجدد ويجيب احسن برجع يستخسر يكبها
يمكن ما بنكبها لانها عزيزه علينا او من اشخاص عزيزين حبيت قدملكم اكم قطعه اثريه من مطبخي وبتمنى تشاركونا باثاركم المخبيه
كل غرض مصورته كاتبه قديش عمره وكيف حصلت عليه بس طنجره الضغط اخذتها بقصه بتضحك
قلت لامي اييييي يا ماما بعدك ع هاي القديمه جيبي وجددي شو بدك بالفلوس جددي مطبخك وهاي الهناتيك كبيها قالت لااااا هالطنجره من جهازي ما بكبها غاليه علي قمت انا استخدمت فطنتي وذكائي قلتلها ليش تكبيها خلص انا بخبيلك اياها عندي كل ما بدك بتشوفيها ههههههع طبعا هي جددت وندمت وانا اخذتها وكيفت ما شاء الله احسن من الجديد ١٠٠ مره
يمااا قد ما حكيت يله صورولنا شو مخبى بخزاينكم وقديش الهن عندكو
دمتم بحفظ الله ورعايته

اختكم اللزيزه بلبله