الملوخية واسرارها ملكة المطبخ

المقادير

• الملوخيه اطيب اكله

الخطوات

الله يسعد اوقاتكم جميعا

كل وحده فينا الها طريقه معينه بفرم الملوخية وتفريزها…

انا كنت افرم عالسكين وكنت انبسط بالنتيجه.. بس من كم سنه صرت افرمها عالفرامه الكهربا..

سريعه ونتيجتها ممتازه

بس طبعا الافضل عالايد..

نيجي للاسرار

اهم اول سر غسل الملوخيه من التراب وتنشيفها تنشيف تام.. وعدم فرمها وهي فيها اثر مي..

عند الطبيخ لازم المي او مرق الجاج يكون بغلي ابدا مابينفع الفاتر او البارد ع طوول بتفصل.. لازم مي بتغلي سواء خضره او مفرزه

حتى نتهلص من المطه الموجوده افضل حل هو حبة بندوره او قطعه من الثلج ممتازه جدا

مابينفع نضل نطبخ الملوخيه عالغاز.. يادوب نشيل الرغاوي البيضا وغلوتين ثلاث.. وخلص♥️

وبنكون مجهزين قدحة الثوم.. وياسلاااااااااام عالصوت الطشه

كمان من الاسرار لازم مانستنى أكياس الملوخية تفك عن الثلج لاااا أبداً

لازم ع طول من الفريزر ع الماء المغلي..

من شان هيك بنفرزها بشكل مستطيل مش مكعبل فوق بعضه.. منه بتفك بسرعه بالطبيخ ومنه مابتوخد ابدا حيز بالفريزر..

الملوخيه اسرارها كثيره.. شاركوني طريقتكم بالتفريز خليني اتعلم

انا بفرزها بعدة طرق

1.؛#ورق زي ماهي.. وعند الطبيخ ع طول عالفرامه الكهربا وهي بارده بطلع لونها بجنن

2.#.بنخط معلقه ك سكر مش مليانه مع نص معلقه كربونات الصوديوم بحركها كثير منيح وبعبيها باكياس

3..#كاسة ماء ساخن جدا مع معلقه ك سكر وبحركهم منيح بس ليتغلفوا مش يسيروا شوربه لا ابدا.. وع طول بالاكياس

من الاسرار ايضا.. عدم تغطية الطنجره أثناء الطبخ

وتفريزها باخر مكان من الفريزر مش عالباب او عالوجه

بتمنى تشاركوني اسراركم الخفيه بالملوخيه لنتعلم من بعض

♥️♥️