خلية النحل بالشوكولاتة لعشاق الشوكولاتة ملكة المطبخ

189 4٬837
 

خلية النحل بالشوكولاتة لعشاق الشوكولاتة ملكة المطبخ

خلية النحل بالشوكولاتة لعشاق الشوكولاتة _ملكة المطبخ_

خلية النحل بالشوكولاتة لعشاق الشوكولاتة ملكة المطبخ

خلية النحل بالشوكولاتة لعشاق الشوكولاتة ملكة المطبخ , معكم صديقة زاكي الشيف الموهوبة , السلام عليكم ورحمة الله وبركاته كيفكن وكيف كروشاتكن اللطيفة؟
طبعاً بدي اتشكر أم علي لأنو هية اللي لفتت انتباهي لخلية النحل بالشوكولا وبالتالي بحملها مسؤولية الوزن اللي زدتو كمان
فحبيت شارككن هالوصفة البسيطة واللي مفعولها نووييييي بناء على طلب الأمورة عائشة وان شاء الله بتعجبك وبتسمني معنا أنا وأم علي ههههه مارح طول أكتر تعالو نشوف المقادير:

المقادير

  • كوب ماء دافئ
  • ثلاث أرباع كوب حليب
  • 3 ملعقة كبيرة سكر
  • ملعقة كبيرة خميرة فورية
  • ملعقة كبيرة ونصف لبن
  • ثلث كوب زيت
  • بياض بيضة (والصفار لدهن الوش)
  • نصف ملعقة كبيرة بيكينغ باودر
  • نصف ملعقة كبيرة ملح
  • ربع كوب كاكاو
  • حوالي ثلاث ونصف كوب طحين وممكن أكثر (حسب الحاجة ونوع الطحين) المهم نوصل لعجينة طرية بتلزق نتفة
  • للحشوة:
  • شوكولا نوتيلا وماشابه وأنا حشيت قسم بزبدة البندق طلعت طيبة كتير كمان وطبعاً كمية الحشوة حسب الرغبة
  • للوش المقادير التالية مخلوطين مع بعض:
  • صفار البيضة
  • ملعقة حليب
  • نصف ملعقة خل

الخطوات

☆بسم الله الرحمن الرحيم☆

* منحط الماء والحليب مع السكر والخميرة ومنخلطهم ليدوبو منيح

منضيف كوب ونصف طحين ومنخلطهم ليمتزجو منيح، منغطيهم ومنتركهم ربع ساعة ليرتاحو وتتفاعل الخميرة

منضيف الزيت واللبن وبياض البيضة ومنخلطهم ومنضيف وراهم البيكينغ باودر والملح والكاكاو والطحين بالتدريج لنحصل على عجينة طرية وملمومة على بعضا

* منعجنها حوالي عشر دقايق ومنغطيها ليتضاعف حجمها، بتاخد حوالي نصف ساعة أو أقل بهالشوبات وبتصير جاهزة للشغل

* منحشيها بالشوكولا متل مامنعمل خلية النحل عادة ومندهن الوش بصفار البيضة

* مندخلها الفرن المحمى على درجة حرارة ٢٢٠ لتستوي وتتحمر منكون نحنا استوينا كمان

* منضيف خطوط من الشوكولا عالوش مع أي إضافة تانية حابينها وبسسس

ان شاء الله تكون عجبتكم وتجربوها وتدمنوها هههه

*ملاحظة*

((في كرات أغمق من كرات بالصورة لأني استخدمت نوعين كاكاو فما تستغربو هههه))

أستودعكم الله حبيباتي..

189 تعليقات
  1. Om AMR :

    لك ردي علي يا أختي ول يا حبيبتي ما عم بقدر أتواصل معك غير هيك طمنيني عنك يا قلبي ان شاء الله تكوني بخير لس ابعتيلي كيف انتي وغيبي شي فترة لحتى ترتاحي ول يا عمري انتي

  2. Om AMR :

    رح ظل فوت على وصفتك هاي وأطمن بلكي بعتيلي شي يطمن قلبي عليكي

    أستودعتك الرحمن التي لا تضييع ودائعه أختكم في الله أم عمرو 😥😥😥😥😥😥😥

    1. أية 🌹 :

      إن شاء الله بتجي وبنطمن عليها وأنا وديتلها هون

    2. Om AMR :

      ان شاء الله يا رب

  3. ام عبود وحبيب 🌹🌹R♡H :

    نور بالله عليكي ردي علي 😢😢

  4. أم عبدالله الفارس :

    وينك نور إن شاء الله تكوني بخير يا رب. والله شفت اسمك و افتقدت منشوراتك خيرك حبيبتي. وينك

    لا يكون الحجي مضايقك. بس قولي. نجيكي و نقف جنبك 👊👊👊
    امزح معك يا اختي . الله يطمنا عليكي

  5. خواااطر :

    اتمنى تكوني بخير وصحه وعافيه …..راح بنستناكي لمى ارثجعي مشتاقتلك ي نواره زاكي🥺

  6. joudi :

    وينك يا نوارة زاكي والله شتقتلك طمنينا عليكي لو بكلمة كتير شتقنالك الك وحشه
    ان شاء الله تكوني بخير وصحة يا قلبي
    اذا بتشوفي منشوراتنا بالله عليكي ردي لو بكلمة نطمن عنك😔😔

    1. ماما عايدة المغربية :

      و الله ياريت تطمنا عليها أنا شخصيا بالي دايما معاها يارب تكون بخير و ترجع تفرحنا بوجودها معنا 😞 هي و الأخت رشا غيابهم طول بزاف

    2. أية 🌹 :

      السلام عليكم كيفكم حبيباتي نور الحمد لله بخير هدهد طمنتنا عنها وحكت نور صار عندها قناة على يوتيوب

اترك رد

لن يتم نشر عنوان بريدك الإلكتروني.