كعك بعجوة متل شغل المخابز واطيب

44 6٬376
 

كعك بعجوة متل شغل المخابز واطيب

كعك بعجوة متل شغل المخابز واطيب

كعك بعجوة متل شغل المخابز واطيب

كعك بعجوة متل شغل المخابز واطيب , معكم صديقة زاكي الشيف الموهوبة ,

المقادير

  • خمس كاسات طحين
  • كاستين حليب دافي
  • ربع كوب سكر
  • نص معلقة صغيرة ملح
  • معلقة كبيرة خل ابيض
  • معلقة صغيرة فانيلا
  • ربع كاسة زيت
  • معلقتين كبار خميرة
  • معلقة كبيرة بكنغ باودر
  • معلقتين كبار كريمة بودرة
  • للحشوة :
  • تمر معجون
  • شكولاتة قابلة للدهن

الخطوات

السلام عليكم صديقاتي عزيزاتي الغاليات كيفكم اتمنى ان تكونو الجميع بخير

طبعآ مع دخول المدرسة بنحتار شو نقدم لأولادنا فطور بسيط ياخدو معهم للمدرسة واكيد كلنا بنحب نجدد للأولاد حتى ما يملو وطبعآ بنشتريلهم مرات مخبوزات من المخابز كنوع من التجديد بس بعد اليوم ما بدنا نشتري بدنا نعمل لولادنا كل شي من تحت ايدينا حتى نشعرهم انا بنحبهم وبنحب نعمللهم كل شي مميز عشانهم ويلا مع بعض لنشوف بكل بساطة كيف رح نعمل هالنوع من المخبوزات

اول شي كالعادة بنحط الحليب والسكر والخميرة وبنتركهم خمس دقايق وبعدين بنزيد عليهم الكريمة والفانيلا والبكنغ باودر والخل والزيت وبنخلطهم منيح وبعدين بنزل بالطحين والملح وبعجنهم منيح حتى تتكون عجين طرية متماسكة وما بتلزق باليد وبعدين بدهن جاط بشويت زيت وبحط العجين وبغطيها وبتركها تخمر من نص ساعة لساعة الا ربع

هسة للتمر لازم يكون طري اذا كان عندك ناشف شوي التمر حطيلو شوية مي واعجني منيح مع شوية زيت او زبدة واذا حبيتي تحطي رشة قرفة او هيل او اي شي هاد اختياري انا بحبو سادة لهيك ما حطيتلو شي وبعدين بجيب العجينة بقطعها كرات حجم وسط وبعدين باخد الكرة وبفردها مستطيل وبحط الحشوة على الطرف وبعدين بلفها وببرمها وبسكرها منيح وبلفها كعكة وبعدين بسكين بعمل فتحات من اطراف الكعكة متل ما موضح بالصورة واهم شي لازم تخلي محل ما سكرتي العجين من تحت عشان ما تفتح معك او بتقدري تفردي العجينة وتدهنيها بالتمر وتطبقيها على بعض وتقطعيها متل ما موضح بالصورة طبعآ انا هدول عملتهم مرة لحال والمدور مرة لحال وبس اعمل كل الكمية بغطيها بتركها تخمر كمان نص ساعة وللشكولاتة بفرد العجين مستطيل وبعمل فتحات بالعجين متل ما موضح بالصورة وبحط الشكولاتة وبلفها وبسكرها منيح او كمان بتقدري تعمليها ع شكل كرات بس خدي الكرة وافتحيها من النص وحطي فيها معلقة شكولاتة وسكريها منيح وحطيها بصنية الفرن وكمان نفس الشي بتركها تخمر نص ساعة وبعدين بدهن الوجة ببياض بيضة مع شوية حليب سائل وبدخلها الفرن الحامي بس تتحمر من الاسفل بتحمري الوجة وطلعيها وغطيها بفوطة مطبخ نضيفة مدة عشر دقايق وبعدين طلعيهم يبردو ورح تدوقي اطيب كعك بحياتك وصحتين وهنا على قلوبكم وقلوب اطافيلكم ياااا رب وان شاء الله ربي يوفقهم وينجهم جميعآ

ملاحظه

اذا بدك تعملي التمر بطريقة اللف ما بقسم العجين لكرات بقسمها لنصين فقط وبفرد كل نص مستطيل كبير وبفرد عليها التمر وبلفها بطريقة التطبيق مش برم وبعد هيك بقطها قطع وبحطها بصنية الفرن وبغطيها وبتركها تخمر نص ساعة وبعدين بدهن الوجة وبشويها ع نار حامية ونفس الطريقة التانية بغطيها عشر دقايق وبعدين بترهم يبردو وبقدمهم

وبس

عرض التعليقات (44)