الخبيصه من حلويات زمان

47 13٬660
 

الخبيصه من حلويات زمان

الخبيصه من حلويااات زمان

الخبيصه من حلويات زمان

الخبيصه من حلويات زمان , معكم صديقة زاكي الشيف الموهوبة , السلام عليكم ورحمه الله وبركاته الخبيصه احنا بنسميها ما بعرف انتو شو بتسموها زاااكيه كثير هي من الحلويات التراثيه ومكوناتها سهله وبسيطه بتذكر جدت امي الله يرحمها ويغفرلها كانت تعطيني منها دايمن وانا صغيره من ذلك الزمان بلشت قصه خحبي للخبيصه وكان نفسي امي اتكون تعرف تعملها ولكن للاسف الست الوالده ما كان عندها الشغف انها تعمل هالاشياء ومن بعد ما توفت جدة امي وانا محرومه من حلوي المفضل لحد ما اتزوجت وصار عندي بيت صرت ادور وابحبش على المكونات والطريقه لحلوياتي المفضله والحمد لله نجحت معي من اول مره واستمتعت بالطعم الزاكي وكل ما اعملها اترحم على جدت امي ربي يجمعني فيها بالجنه قد ما كانت غاليه على قلبي خلونا نبلش بالطريقه وكل وحده تعرفها تكتبلنا شو بيسموها وكيف طريقتكم لصنعها لانه اكيد فيه الها طرق مختلفه وحابه اجرب ب اكثر من طريقه

المقادير

  • عنب
  • نشا
  • سمسم
  • حب قريش( بذورنبات اللزاب )
  • حبه البركه

الخطوات

بسم الله نبدأ اول شي بنجيب هالعنبات ونفرطهن حبه حبه انا بستعمل العنب القديم اللي بيكون طول بالثلاجه وما اكلناه وع الخلاط بنعصرهن وبنصفيهن بقطعه قماش او مصفايه وبعدها ع الغاز لحتى يغلي طبعا بدون اضافه لا سكر ولا مي بس عصير العنب لحاله بعد الغليان بنضيف باقي المواد السمسم وحبه البركه والقريش حسب الرغبه اثناء مهو ع الغاز بنكون مجهزين كوب مي وسط ومذوبين فيه اربع معالق نشا ومع التحريك المستمر نصب النشا فوق العنب وهو لسا ع الغاز بحاله الغليان لحد ما يثقل تقريبا زي المهلبيه انطفي الغاز تحته ونكون داهنين سدر بشويه زيت بسيطه عشان مايلزق ونديره بالسدر ونتركه بالشمس لينشف بده تقر يبا من اربع ايام لاسبوع حسب سماكته وحسب قوه الشمس وهيك خلصت حكايتي مع الخبيصه ان شاء الله تعجبكم لانها مفيده للاطفال وللكبار ودمتم سالمين استودعكم الله

عرض التعليقات (47)