طريقة الحلبة

38 8٬652
 

طريقة الحلبة

طريقة الحلبة تلبية لطلب صديقة زاكي طلبتها مني على وصفة فطاير الجبنة والنقانق ان شاء الله تنال اعجابها 😊

طريقة الحلبة

طريقة الحلبة تلبية لطلب صديقة زاكي طلبتها مني على وصفة فطاير الجبنة والنقانق ان شاء الله تنال اعجابها , معكم صديقة زاكي الشيف الموهوبة ,

المقادير

  • اربع كاسات سميد خشن
  • فنجان قهوة سكر
  • كاسة من مية الحلبة
  • معلقة كبيرة خميرة
  • كاسة شاي حلبة
  • معلقتين كبار ينسون (اختياري)
  • نص كاسة زيت زيتون
  • لدهن السدر:
  • معلقتين كبار طحينية
  • للقطر :
  • اربع كاسات سكر
  • ثلاث كاسات ماء
  • عصرة نص ليمونة

الخطوات

السلام عليكم صديقاتي كيفكم شو اخباركم ان شاء الله الجميع بخير يا رب

هاي الوصفة طلبتها مني صديقة بدون اسم على وصفتي فطاير الجبنة والنقانق ان شاء الله تشوفها وتجربها وتنول اعجابها يا رب

على فكرة انا ما بحب الحلبة ولا بعملها عندي بالبيت ولاكن عشان خاطر صديقتي عملتها عن روح والدي ووزعتها ان شاء الله تكون مقبولة واعتبرو الطريقة عن روح والدي والي بتعملها وبتعجبها تدعيلو بالرحمة والمغفرة ومجاورة النبي محمد بالجنة

طولت كتير بالحكي يلا ع الطريقة هههههههه

اول شي بنقع الحلبة قبل بيوم ولازم اكون مغسلها منيح وبغير عليها المي مرتين ثلاث وبعدين بغليها مع معلقتين اليانسون اليانسون هون عشان يخفف من نكهة الحلبة القوية اذا حبيتي ضيفي ما حبيتي استغني عنو ما في مشكلة بعد ما بغلي الحلبة بتركها حتى تفتر وبعدين بحط السميد وبحطلو الزيت ممكن الزيت تستخدمي زيت زيتون لحالو او ممكن تخلطي زيت ذرة مع زيت زيتون متل ما انا عملت بفرك السميد بالزيت منيح وبعدين بحطلو حبوب الحلبة وهون حسب ما بتحبي يا بتحطي الكمية كاملة او بتقللي كيف بتحبي انتي فيها الكمية وبعدين بتحطي الخميرة والسكر وبتنزلي بكاسة من مية اليانسون وبتعجنيها بطريقة التقليب حتى تختلط كاملة غطيها واتركيها تخمر نص ساعة على الاقل وبعدين بتجيبي السدر وبتدهني طحينية وبتفردي العجين بالتساوي وبتقطعيها وبدخليها الفرن الحامي مسبقآ على نار متوسطة حتى تشوفي الاطراف كلها تحمرت بتحمري وجها وبس تطلعيها من الفرن بتشربيها القطر واتركيها تبرد وصحتين وهنا ع قلبكم

القطر

فقط احطي السكر والمي والليمون وحركيهم شوي وعلى الغاز بس يغلي وطي تحتو وخلي عشر دقايق وطفي وخلي يدفا بتسقي الحلبة سخنة والقطر دافي

ملاحظة

هاد العيار عملي السدر مقاس ٤٥ سم

اعذروني على قلة الصور بتعرفو التدريس عن بعد وبس عملتها تليفوني كان مع بنتي وما قدرت اصور اشي من الطريقة صورتها فقط عن التقديم

عرض التعليقات (38)