كيكه بنص كوب طحين وبنكهه وطعم مميز ملكة الكيك

47 977
 

كيكه بنص كوب طحين وبنكهه وطعم مميز ملكة الكيك

كيكه بنص كوب طحين وبنكهه وطعم مميز وجديد # ملكة الكيك #

كيكه بنص كوب طحين وبنكهه وطعم مميز ملكة الكيك

كيكه بنص كوب طحين وبنكهه وطعم مميز ملكة الكيك , معكم صديقة زاكي الشيف الموهوبة ,

المقادير

  • نص كوب طحين
  • كوب الا ربع زيت ذره
  • كوب حليب سائل
  • 2 كوب بسكوت ( كوفي جوي ) مطحون ناعم
  • كوب سكر
  • 4 حبات بيض
  • م.ك.فانيلا
  • م.ص.خل
  • م.ك.بكنج باودر
  • رشة ملح
  • ربع م.ص كربونات الصوديم
  • لتسقية الكيك:
  • كوب ماء دافئ
  • م.ص.نسكافيه
  • م.ك.ونص سكر
  • للكريما :
  • بكيت قشطه
  • 3 ملاعق سكر بودره او حسب الرغبه
  • ظرف كريما بودره
  • 2 م.ك.حليب سائل مع نص م.ص.نسكافيه
  • للتزين :
  • بسكوت مطحون

الخطوات

السلام عليكم ويسعد أوقاتكم بكل خير

اليوم بقدملكم كيكه راااائعه المذاق وطريقه جديده عملتها بالبسكويت استبدلت الطحين بالبسكوت استخدمت بالوصفه نص كوب طحين فقط،،،وطعمهااا جد روووعه

ان شاء الله بتعجبكم وبتجربوها

يلااا نشوووف الطريقه ……

& بخفق البيض والفانيلا والخل لحتى يتضاعف الحجم ثم بضيف السكر والزيت وبخفقهم لحتى يذوب السكر ثم ببلش باضافة المواد الجافه الطحين والبكنج وكربونات الصوديم ورشة الملح مع الحليب السائل وبقلبهم بالمضرب اليدوي وبضيف البسكوت المطحون وبقلبهم سوا لحتى يتجانس الخليط ( اذا كان الخليط سائل كثير بنزيدله 3 ملاعق طحين او ممكن بكيت بسكوت مطحون ) انا شفته سائل شوي زدته طحين ،،،وهيك خليط الكيك صار جاهز بضعه بصينيه حجم وسط مدهونه بالزيت ومرشوشه بالطحين وبدخله الفرن عالدرجة حراره 180 عالرف الثاني من الفرن ..اخذت معي 35 دقيقه وكانت جاهزه بنختبر استوائها بعود خشبي وبخليها ترتاح عشر دقائق

& بعد ما ترتاح بقلبها من الصينيه وبسقيها كوب صغير دافي نسكافيه ( ماء دافئ عليه نسكافيه وسكر ) وبتركها تتشربه وتبرد تماما لحين وقت التقديم

& خلال ما هي الكيكه بالفرن بنعمل الكريما ..بخفق بالخلاط الكهربائي قشطه والسكر البودره وظرف كريما بودره وبخفقهم سواا لحتى تشتد الكريما وبضيفلها معلقتين حليب سائل عليهم نسكافيه لاضافة النكهه واللون وبخفقهم سوا وبدخلها الثلاجه لحين وقت التقديم

& البسكوت المستخدم بالوصفه هو الكوفي جوي بطعم القهوه اعطى لون وطعم للكيكه حلوو كثير ،،

( ممكن تسميتها كيكة الكوفي جوي )

& ممكن عمل عيار اقل من يلي بالوصفه لصينيه اصغر وهو باستخدام بكتين بسكوت وربع كوب طحين و2 بيض ونص كوب زيت ونص كوب حليب سائل ونص كوب سكر

& الكيكه تحفظ بالثلاجه افضل للكريما وكثير زااكيه وهي بارده

& زينت الكيكه بالكريما وعملت عليها ضربات بالسباتولا عشان تعطي شكل حلوو ورشيت عليها بسكوت مطحون ،،،

وصارت جاهزه …طعم ولا اروع

بتمنى تعجبكم واكيد بنصحكم تجربوهاا

وصحه وعافيه

دمتم بكل الخير

47 تعليقات
  1. هياء :

    يسلمو ايديكي رووووووووووووعة 👍

    1. 🍒أم محمّد🍒 :

      الله يسلمك ويسعدك يا رب

  2. ماما عايدة المغربية :

    ماشاء الله كيكاتك دائما مشهية 😋😍 الله يعطيك الصحة ❤

    1. 🍒أم محمّد🍒 :

      الله يعافي قلبك ويسعدك يا رب
      دائما منوريتني

  3. ام زكريا :

    تبارك الرحمن روعة في التزيين والتصوير

    1. 🍒أم محمّد🍒 :

      نورتيني ام زكريا ربنا يسعدك بالخير يا رب

  4. ربداوية😍😍 :

    ماشالله عليكي فعلآ ابدعتي ❤️ الله يسلم اديكي يارب 😍 منظر روعه 👍

    1. 🍒أم محمّد🍒 :

      الله يسلم قلبك ويسعدك بالخير يا رب

  5. ام عبد الرحمن ولين 💓💓 :

    والله العظيم عرفت أنه هاي الالوان وهاي الأناقة عنوانها حبيبة قلبي ام محمد 💗💗💗
    ابدعتي كالعادة 👌👌منظرها روووووووووعة واكيد الطعم اروع
    صحة وهنا عقلبكم يارب

    1. 🍒أم محمّد🍒 :

      اهلا ام عبد الرحمن
      دائما منوريتني بتعليقاتك المشجعه والداعمه
      ربنا يسعدك بكل الخير ياا رب
      ويعافي قلبك ويكرمك بالخير
      مشكووره عالتعليقك

    2. ام عبد الرحمن ولين 💓💓 :

      يخليلي إياكي ياقلبي هاد حقك علي ، بالعكس انتي اصلا مابيوصفك كلام وقلتلك قبل هيك وصفاتك والوانك مبهجة متل روحك المبهجة 😘😘😘😘😘😘

    3. 🍒أم محمّد🍒 :

      كلامك شهاده بعتز فيها الله يسعد قلبك يا رب
      يا اصيله مش عارفه ايش احكيلك ام عبد الرحمن ربنا يخليكي ويريح بالك ويكرمك بالخير يا رب

  6. وردة الأردن(الجبل) :

    ما شاء الله عليك يا أم محمد كيكة روعة وجديدة كمان يسلملي الإبداع ربنا يوفقك بالمسابقة شغلك فعلا مميز

    1. 🍒أم محمّد🍒 :

      الله يسعد قلبك بالخير يا رب
      نورتيني بتعليقك اهلا فيكي
      ربنا يكرمك يا رب

  7. فوفه🥀🥀 :

    وعليكم السلام ورحمة الله… ان شاء الله صحه وهنا عليكم 🌹

    1. 🍒أم محمّد🍒 :

      الله يعاافي قلبك ويسعدك ام علي يا رب

  8. فوفه🥀🥀 :

    ام محمد.. بعرف انه رقم ام جاسم معك.. وصليلها سلامنا وامنياتنا بالشفاء العاجل.. وطمنينا عنهم.. بستنى جوابك هون ان شاء الله

    1. 🍒أم محمّد🍒 :

      ام علي تسال عنك العافيه يا رب
      ام جاسم الحمد لله بخير وبتوصل سلامها للجميع ..ان شاء الله بترجع قريبا عالخير يا رب والجميع بخلص من هالمرض ياا رب

    2. فوفه🥀🥀 :

      الله يسلمها.. ويسلمك
      ومايضر اي انسان

    3. 🍒أم محمّد🍒 :

      اللهم آمين يا رب

  9. الاء محمد :

    ما شاء الله تبارك الله عنك ام محمد ما قدرت اشوف الوصفة من دون ما اعلق فعلا شي فخم من بداية الوصفة لاخر الوصفة ل تقديم شي مميز يسلم هالانامل

    1. 🍒أم محمّد🍒 :

      ربنا يسلمك ويسعدك بكل خير يا رب
      نورتيني بتعليقك اهلا وسهلا فيكي

  10. ناي :

    ما شاء الله،،، ريته عافيه،، وتسلم هالانامل وع المفضله ااكيد

    1. 🍒أم محمّد🍒 :

      الله يسلمك ويسعدك بالخير يا رب
      نورتيني

  11. ام جنى :

    رووووعاتك حبيبتي ام محمد دائما مبدعه 🌷🌷🌷

    1. 🍒أم محمّد🍒 :

      الله يسعدك بكل الخير ويسلمك يا رب
      نورتيني

  12. رذاذ المطر 💦💦 :

    ما شاء الله ام محمد انتي الابداع بحد ذاته الله يسعد زاكي الي عرفنا على وحده مثلك عن جد لازم تفتحي قناة وانا اول المتابعين الك

    1. 🍒أم محمّد🍒 :

      الله يسعد قلبك ام محمد مثل ما تعليقك اسعدني والله زاكي عرفنا عالاخوات عزيزات الله يسلمك يا رب ويكرمك بكل خير
      مشكووره عالكلامك الرائع وتشجيعك واذا ربنا يسر الامور راح افتح قناه وبشرفني تكوني من المتابعين للقناه ….مشكووره مره ثانيه

  13. ام ملك.... :

    ما شاء الله
    يسلمو ايديكي يا قلبي 💖

    1. 🍒أم محمّد🍒 :

      الله يسلمك ويسعدك يا رب

  14. أم عبدالله الفارس :

    روووووووعه تسلم ايدك إن شاء الله حبيبتي. شو رايك تعالي اعملي يوتيوب و بهذا شرحك و خطواتك. تنجحي بإذن الله

    1. 🍒أم محمّد🍒 :

      يا اهلا بام عبدالله نورتيني بتعليقك ربنا يسعدك ويسلمك يا رب

      ربي يكرمك عالتشجيع وعالكلامك الرائع الفكره موجوده انه افتح قناه بس لسى والله قيد التفكير والتجهيز ان شاء الله ربنا بيسرها

      بتمنالك التوفيق والنجاح بقناتك بتستاهلي النجاح لانك مبدعه

  15. ياسمينة قلبي 😍😍😍 :

    ما شاء الله عنك ابدعتي ام محمد يعطيكي ألف عافية ويسلمو هالايدين يا رب
    فكرة حلوة واكيد زاكيه لانه هاد البسكوت بحبه كتير 👍👍

    1. 🍒أم محمّد🍒 :

      الله يعااافي قلبك ويسعدك يا رب
      بالفعل كثير زاكي هالبسكوت واعطى الكيكه طعم راائع

  16. joudi :

    ابداع بالشكل والتصوير والترتيب واكيد ابداع بالطعم ما شاء الله عليكي

    1. 🍒أم محمّد🍒 :

      الله يسلمك ويسعد قلبك بالخير يا رب

  17. 🌷❤ غزل ❤🌷 :

    ما شاء الله روووعه بتشهييي يسلمو ايديكي

    1. 🍒أم محمّد🍒 :

      الله يسلمك ويسعدك بالخير يا رب

  18. um saleem :

    يسلمو ايديكي حبيبتي وصحة وعافية يارب

    1. 🍒أم محمّد🍒 :

      الله يسلمك ويسعدك يا رب

  19. نسرين بارافي :

    تسلم الايادي المعدلة ألف صحة وهنا

    1. 🍒أم محمّد🍒 :

      الله يسلم قلبك ويسعدك يا رب

  20. إم الحلوين :

    يسلمو الأيادي كتير شغلك متقن ومرتب بدي إسألك كم مقاس القالب اللي عملتيه

    1. 🍒أم محمّد🍒 :

      الله يسلمك ويسعدك يا رب

    2. 🍒أم محمّد🍒 :

      مقاس الصينيه وسط 35ف30

    3. إم الحلوين :

      يسلمو حبيبتي ع الرد😍

    4. 🍒أم محمّد🍒 :

      العفوو نورتيني

اترك رد

لن يتم نشر عنوان بريدك الإلكتروني.