حلا الشمواه ملكة الكيك

12 1٬542
 

حلا الشمواه ملكة الكيك

حلا الشمواه ملكة الكيك

حلا الشمواه ملكة الكيك

حلا الشمواه ملكة الكيك, معكم صديقة زاكي الشيف الموهوبة ,

المقادير

  • للكيكة
  • تلاتة بيض بدرجة حرارة الغرفة مع ملعقة فانيلا سائلة و ملعقة صغيرة خل أبيض
  • كاسة سكر
  • نص كاسة زيت نباتي
  • كاسة حليب بدرجة حرارة الغرفة
  • كاستين طحين
  • خمس ملاعق كبيرة كاكاو خام
  • تلات ملاعق صغيرة بيكنغ باودر
  • رشة ملح
  • لطبقة تانية
  • ظرفين كريم كراميل باودر
  • كاستين حليب سائل
  • نص كاسة حليب باودر
  • ملعقة كبيرة نسكافية بلاك
  • رشة فانيلا باودر
  • 20حبة بسكوت شاي
  • علبة قشطة 170 غم

الخطوات

بتنخلي الطحين مع رشة ملح و كاكاو و بيكنغ باودر

بتخفقي البيض مع الفانيلا و الخل بتضيفي السكر بالتدريج بعده الزيت

بتضيفي الحليب

بتضيفي الطحين على دفعتين

بتصبيه بقالب مدهون وبتدخليها بفرن حامي من قبل درجة 180 من الوسط بدها تقريباً 45 دقيقة

بس تبرد الكيكة بتشربيها نسكافية

*للطبقة التانية

بطنجرة بتحطي الحليب السائل و الباودر والنسكافية، الكريم كراميل بتحركيهم سوا حتى يغلوا بتضيفي رشة فانيلا

بتحطي البسكوت و القشطة بالخلاط و بتصبي عليهم الخليط وهو سخن وبتخلطيهم ليصير ناعم بتحطيه على الكيكة وبتدخليها التلاجة

بعد ما تبرد بتزينيها بكاكاو منخل

بالهنا والشفا

12 تعليقات
  1. ام عبد الرحمن ولين 💓💓 :

    بتشهي ماشاء الله عنك
    صحة وعافية عقلبكم يارب

  2. ماما عايدة المغربية :

    الله يعطيك الصحة عجبتني ❤ بصحتك و راحتك

  3. ام ملك.... :

    يسلمو ايديكي 💖

  4. 🍒أم محمّد🍒 :

    منظرهاا بشهي يسلم ديااتك يا رب

  5. أم عبدالله الفارس :

    ررااااائعه تسلم ايدك إن شاء الله

  6. ياسمينة قلبي 😍😍😍 :

    ابدعتي يعطيكي ألف عافية

  7. ام حمزه :

    يسلمو ايديكي حبيبتي الف صحه وهنا عليكم

  8. رزان :

    منظرها بشهى صحه وعافيه وعلى المفضله

  9. ام زكريا :

    منظرها شهي جدا بالتوفيق ان شاءالله

  10. um saleem :

    منظرها روووووووعه 👍🏼 👍🏼
    قيد التجربة
    يسلمو ايديكي حبيبتي وصحة وعافية

  11. joudi :

    خرافيييييبة

  12. نسرين بارافي :

    ماشاءالله تسلم الايادي

اترك رد

لن يتم نشر عنوان بريدك الإلكتروني.