قنبلة الحظر كيك بالاكواب الورقية والطعم فوق الخيال ملكة الكيك

28 1٬748
 

قنبلة الحظر كيك بالاكواب الورقية والطعم فوق الخيال ملكة الكيك

قنبلة الحظر لهل اسبوع كل كيك بالاكواب الورقية والطعم فوق الخيال ملكة الكيك

قنبلة الحظر كيك بالاكواب الورقية والطعم فوق الخيال ملكة الكيك

قنبلة الحظر لهل اسبوع كل كيك بالاكواب الورقية والطعم فوق الخيال ملكة الكيك , معكم صديقة زاكي الشيف الموهوبة ,

المقادير

  • ٣ بيض
  • كوب ونص طحين
  • كوب سكر
  • رشه ملح
  • نصف كوب ماء
  • فانيلا ضرفين
  • بيكنج باودر ظرف
  • التزين:
  • كريمه باودر
  • كريم كراميل
  • فارمسي

الخطوات

السلام عليكم ورحمه الله وبركاته

يلا صبايا بدي تشجيع واكيد لازم تجربة

اليوم عملت كيكه الاكوب وبجد ما شاء الله طلعت روعه وقلت لازم تنزل ع ملفي ع زاكي واكيد بمناسبة مسابقه ملكة الكيك كمان لازم لازم تنزل

الطريقه كتير سهله

بنخفق البياض مع رشه الملح حتى يصير كريمي وإذا ما صار مو مشكله بنكمل طبيعي وبنعتبرها صارت كريمه

بنخفق الصفار مع الفانيلا وبعدين بتضيفي المي وبنخفقي و بعدها بنضيف الطحين والبيكنج باودر بعد ما ننخلو وبنضيف خليط البياض بالتدريج وبنخلط من تحت لفوق حتى تخلص الكميه بنكون جهزنا الاكواب الورقيه اكواب متوسطة الحجم يلي انا ستخدمتها وطلعو ١٣كوب بندهنهم بالزيت وبنرتبهم بالصينيه وبندير الخليط بالاكواب نصف الكوب فقط وبنشغل الفرن على درجة حرارة ١٨٠

أخذت معي بالفرن ٣٥الى٤٠دقيقه لا تفتحي الفرن ابدا بالرف الوسط وهيك بتكون جاهزة بتركها تبرد شوي وبقص الاكواب بهدوء وبردهم وبتنزينيهم زي ما بتحبي وصحة وهنا

صبايا اسفه ع التقصير بحقكم لأنو بتأخر حتى فوت ع وصفاتكم الرائعه

والصبايا الغايبات شتقنالكم كتير ما بدي اذكر حدا حتى ما انسا ولا وحدة وتزعل مني ان شاء الله تكونو بخير يا رب

واكيد لا تنسونا بصالح دعائكم لي

28 تعليقات
  1. ام زايد :

    تسلم ايدك حبيبتي

    1. joudi :

      تسلمي يا عسل مشكورة على مرورك يا قلبي

  2. ما شاء الله عنك يعطيكي ألف عافية وصحة وعافية

    1. joudi :

      ع قلبك حبيبتي تسلميلي يا رب ع قلبك

  3. هيام :

    ماشاء الله عنك روعه تسلم اناملك

    1. joudi :

      حبيبتي تسلميلي هذا من زوقك

  4. ام ايهم :

    ما شاء الله لا قوة الا بالله ويسلم ايديكي يا رب بس بدي اسأل عادي كاسات الكرتون ينحط بالفرن ما بيصير له اشي

    1. joudi :

      تسلمي حبيبتي اه عادي مابيصير الهم اي شي وانا استخدمتهم لأنو ماعندي قالب كب كيك الاكواب بتصل زي ما هي

  5. الله يعطيك الصحة أحبيبة فكرة رائعة لأعياد الميلاد و حفلات الأطفال ❤ بصحتكم و راحتكم

    1. joudi :

      تسلميلي يا غاليه ويبارك فيك يا قلبي اه فكرة حلوة للحفلات وضيافه ممتازة

  6. ام زكريا :

    فكرة حلوة والوان جميلة ربنا يباركلك

    1. joudi :

      تسلمي حبيبتي يبارك بعمرك يا رب

  7. 🌺 غفران 🌺 :

    الله يجزاك الخير ويبارك فيك.. بينفع أحطهم بالميكرويف

    1. joudi :

      بصراحة ما جربت إذا بينحط بالمكرويف

    2. joudi :

      وياك حبيبتي يبارك بعمرك

  8. فوفه🥀🥀 :

    ممممم هو في زي الكيك وع كاكاو😋😋😋😋

    1. joudi :

      لا والله ما في نوريني يا غاليه

  9. زهوووور :

    صحة وهنا يا رب ويسلمهن ايديك يا قلبي

    1. joudi :

      ع قلبك زوزو حبيبتي دياتك يا عسل

  10. كتير لذيذ كيك الاكواب الورقية جربته مرتين وعجبني
    وطالع معك بيشهي
    يسلم اديكي

    1. joudi :

      هذا من زوقك توتا حبيبتي

  11. um saleem :

    ما شاء الله عليكي منظر خراااااافي 😍 😍 😍 نفس طريقتي
    الف صحه وعافيه يارب عليكم

    1. joudi :

      ع قلبك حبيبتي تسلميلي يا رب

  12. 🍒أم محمّد🍒 :

    روووعه ..صحه وعافيه يا رب

    1. joudi :

      ع قلبك حبيبتي نوتيني

  13. ام احمد العزاوي :

    يسعد مساكم
    مافي بالمقادير كاكاو ولا حليب🙄🤔

    1. joudi :

      ام احمد حبيبتي نفس المقادير بتعمليها بتكون ع فانيلا
      واذا بدك ع كاكاو نقصي نصف كوب طحين وبدلي ب كاكاو وبتصير بالكاكاو
      جربتها مرتين بزات الاسبوع خرافيه وبتشهي بدون اي تزيين وبتضل طريه ما بتنشف

  14. 😍😍😍 :

    ام سيف
    يسلمو اديكي حبيبتي وصحتين وعافيه يارب 😘😘😘

اترك رد

لن يتم نشر عنوان بريدك الإلكتروني.