معجنات متنوعة ملكة المعجنات

31 4٬251
 

معجنات متنوعة ملكة المعجنات

معجنات متنوعة ملكة المعجنات

معجنات متنوعة ملكة المعجنات

معجنات متنوعة ملكة المعجنات, معكم صديقة زاكي الشيف الموهوبة , معجنات متنوعة ملكة المعجنات يعطيكم العافيه حبيباتي حبيت اليوم اشاركن بوصفة لمعجناتي وعجينتي القطنية المعتمدة عندي بكل انواع المعجنات

المقادير

  • 3 اكواب طحين
  • معلقة كبيرة خميرة
  • معلقة كبيرة سكر
  • نص معلقة ملح او اقل بشوي من النص
  • 3 معالق حليب بودرة
  • معلقة صغير بيكنج باودر
  • 3معالق لبن زبادي(لبن رايب)
  • معلقة كبيرة خل
  • زيت ربع كوب

الخطوات

الخطوات

بتخلطي كل النواشف سوا بعدين بضيفي الخل والبن والزيت وبتحركيهن بإيدك يعني بتبسيهم ببعض وبعد هيك بضيفي المي الفاترة وبتعجني فيها منيح بدها اقل شي عشر دقايق عجن ودعك وبتخليها شوي لينة مو ناشفة يعني بتكون تلزق بايدك شوي بتدهنيها بشوية زيت وبتحطيها بطبق نضيف وببتركيها تخمر مدة ساعة

انا بحطها بالميكرويف وبشغلو عليها نص دقيقة ل دقيقة وبغطيها وبخليها بالميكرويف بتخمر بنص ساعة

(يعني اختصار الوقت وازا كنتي مستعجلة ههههههههههه)

الحشوات

انا عملت مناقيش زيت وزعتر

جبنة بيضا بتهرسيها و

بتخلطيها مع حبة البركة

ونقانق بتمدي قطعة عجين بشكل مستطيل وبتدهنيها كاتشب وتحطي اصبع النقانق وبتسكريها

بتخبزيهم بالفرن لما بيتحمرو من تحت وبتحمري وجهن

وصحتين وعافية على قلوبكم يا حلوين

بس نصيحة اعتمدو وصفتي بالعجين لانها بتكون قطنية وبتنفع لكل انواع المعجنات

عرض التعليقات (31)