كبة مقلية مقرمشه لأخر حبة

46 7٬806
 

كبة مقلية مقرمشه لأخر حبة

كبة مقلية مقرمشه لأخر حبة

كبة مقلية مقرمشه لأخر حبة

كبة مقلية مقرمشه لأخر حبة , معكم صديقة زاكي الشيف الموهوبة ,

المقادير

  • العجينه :
  • برغل ناعم (رفيعة)كيلو
  • نصف كوب سميد
  • ملح
  • فلفل حسب الرغبه
  • بودرة ماجي
  • نبته الغسله موجوده بمحلات العطارة
  • ملعقه كمون
  • 3 ملاعق طحين
  • الحشوة :
  • بصل نص كيلو مفروم ناعم
  • كيلو لحم مفروم ناعم
  • ملح
  • فلفل
  • بهار مشكل

الخطوات

السلام عليكم ورحمه الله وبركاته لأحلى صبايا

وصفه اليوم هي كبه مقليه

في ناس كتير بتحط للعجينه لحمه بس أنا بصراحة ما بحط ابدا وكل حدا والو طريقتو

اول شي بنبلش بالعجينه

لكل كيلو برغل بديري 2لتر مي بتغلي وبنتركو وبنغطي حتى يشرب كل المي بعدين بنضيف الطحين والطحين والسميد حتى يعطي قرمشه

والملح والفلفل وبهار الماجي والغسله والكمون وبتفرمو بفرامه اللحمة وإذا ما في فرامه بنفركو بايدنه كتير كويس

وبتكون جهزتي الحشوة

بنحوس البصل بالزيت مع الملح والبهار وبنضيف اللحمة وبنتركها حتى تستوي اللحمه ثلاث ارباع سوه

وبنبلش بالشغل

اول شي بندهن بشوية زيت ما نكتر حتى ما تلزق العجينه بايدنه وبناخذ كرة من العجين حسب الحجم يلي بتحبو وبتكون مجهزة صحن فيو شويه مي لما نعمل فجوة بالكرة بنغمس اصبعنا بالمياه حتى ما يلتسق بإصبعنا ما بنغمسو بالزيت لأنو الزيت حيخليها تفرط أما المي إذا ما زبطت عادي بتقدري تعيدي بنلف بالأصبعنا حتى توصل للسمك المطلوب بنضيف الحشوة وبعدها بنسكرها ببطن الايد

وهيك حتى نخلص الكميه

وبعدها بنحمي الزيت مزبوط وبنضيف الكبه شوي شوي وبنتركهم حتى تمسك الحبه بشكله كويس وبس تاخد شوية لون بنقلبهم شوي وبس يتحمرو بننشلهم من الزيت وصح وعافيه

بعرف انو الكل بيعرف يعمل كبه بس ممكن كون فدة البعض هههه

صبايا لا تنسوني من دعواتكن ربي يسعدكن ويعطيكن كلشي بتحبنو ؛)

عرض التعليقات (46)