أعشاش السباغيتي الرائعة ملكة الطبخ

67 1٬430
 

أعشاش السباغيتي الرائعة ملكة الطبخ

أعشاش السباغيتي الرائعة _ ملكة الطبخ

أعشاش السباغيتي الرائعة ملكة الطبخ

أعشاش السباغيتي الرائعة ملكة الطبخ , معكم صديقة زاكي الشيف الموهوبة , السلام عليكم ورحمة الله وبركاته يسعد أوقات الغاليات .. رجعنا بعد غياب طويل لدرجة انو حاسة حالي مستحية ههههه كأني أول مرة بشارك وبنزل وصفات ويمكن مارح أعرف اكتب متل العادة ههههه
الوصفة عبارة عن خطوات بس كل خطوة أسهل من التانية والطعم بالأخير غرااام
المهم حولو معي نشوف المقادير:

المقادير

  • نصف كيلو معكرونة سباغيتي
  • لصلصة اللحم والطماطم منحتاج :
  • ربع كيلو لحم مفروم ناعم (يمكن استبداله بالدجاج)
  • بصلة متوسطة مفرومة
  • خمس حبات بندورة متوسطة مفرومة ناعم
  • رشة فلفل أسود
  • رشة قرفة مطحونة
  • ملعقة بهار مشكل
  • ملح
  • قشقوان أو موزاريلا (اختياري)
  • صلصة بشاميل مكونة من:
  • ملعقتين زبدة
  • ملعقة ونصف طحين
  • 3 كوب حليب
  • رشة هيل وفلفل أسود وملح طبعاً)

الخطوات

“بسم الله الرحمن الرحيم”

* أول خطوة منسلق السباغيتي بماء وفير فيه ملح وشوية زيت بس لمدة ربع ساعة بعدين منصفيها ومنغسلها بمي باردة لحتى ماتلزق ببعضا

* الخطوة الثانية أثناء سلق المعكرونة منجهز صلصة البندورة

منقلي البصل بشوية زيت وبس يدبل منضيف البهارات واللحمة ومنقلبها لتستوي

وبعدا منضيف البندورة المفرومة ومنحركهم سوا ومنترك الصلصة تتسبك على راحتا لحتى تتكثف

* الخطوة الثالثة تجهيز البشاميل

مندوب الزبدة ومنضيف الطحين ومنقلبو فيها شوي بعدين منضيف الحليب بالتدريج والبهارات ومنضل نحرك باستمرار لحتى يبلش يغلي بدون تكتلات

* آخر خطوة هي تطبيق كل شي سوا مع شمشمة الروايح اللذيذة اللي عم تهفهف مع بعضا متل سيمفونية رايقة

منحط السباغيتي بطريقة ملفوفة على شكل أعشاش والأطراف أعلى من المنتصف ومنعبي بالنص من صلصة اللحم والطمطمطماطم وآخر شي منصب خليط البشاميل بين الأعشاش وعلى أطراف الصينية ومندخلها عالفرن لحتى يندمج كل شي سوا وبالأخير منضيف القشقوان

أنا بحب حمرو وحمر السباغيتي من فوق بيعطي قرمشة غير شكل بس طبعا هاد شي اختياري حسب الرغبة

وبهيك بتكون وصفتنا اللذيذة خلصت وكانت معكم ننوشة المنفوشة وأراكم في الوصفة الجاية إن شاء الله ^__^

67 تعليقات
  1. إم الحلوين :

    يمي يمي😋يسلمو دياتك وصحتين وعافية

    1. 💖نور💖أحمد💖 :

      عقلبك ياعسل
      الله يسلمك ويسعدك 😍

    2. ام غزل :

      زمان عنك وعن وصفاتك الزاكيه يمكن انا ما بشارك بس بتابع الجميع… اتمنى ما تقطعينا من وصفاتك

  2. ام احمد :

    منظرها بشهي😍😍
    صحتين وعافيه

    1. 💖نور💖أحمد💖 :

      عقلبك حبيبتي
      هاد من زوئك😍

  3. ام شام :

    يسلموا ايديكي نور بتشهي

    1. 💖نور💖أحمد💖 :

      الله يسلمك ياقلبي نورتيني😘

  4. ماما عايدة المغربية :

    صباح النور لنور لي نورت علينا زاكي من جديد ❤
    تبارك الله عليك توحشناك انتي و وصفاتك 💝 كتشهي بصحتكم و راحتكم 😋

    1. 💖نور💖أحمد💖 :

      زاكي منور فيكي وبطيبتك وابداعك اللي مالو حدود ياحنونة😘
      ربي مايحرمني منك ويحفظك ويبعد عنك كل مكروه♥️

  5. زهوور :

    يا صباح الورد
    والله زمان عن وصفاتك الحلوة
    شكلها بتشهي بالعافية على قلبك😋😋😋

    1. 💖نور💖أحمد💖 :

      صباحك ومساكي عسل 😍
      الله يسعدك ياقلبي منورتيني والله

  6. رذاذ المطر 💦💦 :

    يا هلا و الله بنور الحمدلله على وجودك بزاكي وصفاتك مميزه ومرجع لست بيت تحب التألق والتميز

    1. 💖نور💖أحمد💖 :

      انتي متألقة دايما بأخلاقك العالية ولطفك اللي غامرتيني فيه والله
      منورتيني ياقلبي
      ربي يسعدك دنيا وآخرة 😘♥️

  7. فوفه🥀🥀 :

    بعد كل هالغيبه ويطلع معك اعشاش😆😆😆😂
    الشجر كله مابكفي كروشنا😮🤦‍♀️
    تسلم ايدك ونورتي مكانك… ودايما متألقه 🌹 🌹

    1. 💖نور💖أحمد💖 :

      🤣🤣🤣 لعيونك الوصفة الجاية طبخة مميزة من شغلي وماعم لاقيلا اسم لهيك نزلت هي قبلا🤣🤣
      الله يسعدك أم علي الحب منورتيني دايما 😍

    2. 💖نور💖أحمد💖 :

      بدي شوف وصفاتك من أول وجديد ها😈

    3. ام جنى :

      هههههههه الله يسعدك ام علي

    4. فوفه🥀🥀 :

      تسلميلي نواره… وجودك بيغني عني 💞💞
      ويسعدك يااارب ام جنى

  8. ع :

    وعليكم السلام ورحمة الله وبركاته
    ماشاءالله تبارك الله
    يكحل عينك بشوفة النبي نوراة
    الحمدلله رجعت وصفاتك المميزة
    المكرونة أكلتي المفضلة بس بدون أجبان وألبان
    تسلم يدك .

    1. 💖نور💖أحمد💖 :

      آميييين يارب الله يسمع منك ويجعلها صحبة خيتي الغالية ومايحرمني من وجودك ودعمك المستمر الي♥️
      انا من بعد ابداعك 😘

    2. 💖نور💖أحمد💖 :

      هية الجبنة مو ضرورية بس مابفهم كيف مابتاكليا😁
      انا فارة جبنة🤣

    3. ع :

      🌹🌼🌹
      كل الدعم لعيونك نور الغالية

      ههههههههه بالعافية على قلبك
      ما أعرف ليش ما أحب الأجبان فيه من العائله مثلي شكلنا ورثنا أحد من أهلنا .

  9. 🤩🤩🤩🤩 :

    🎊🎊🎊🎊🎊🎊🎊🎊🎊🧨🧨🧨🧨🧨🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊🎊مبارك رجوعك النا باحلى الوصفات
    عنجد رهيبه ماشاءالله تبارك الله اعشاشك ابيييي الجبنه الزيزة السايحه الي بتمط القلب مط
    ولا اللحم الي منو البايركس
    ولا ايديكي الي عامله هالتحفه تبارك الله لاحول ولاقوة الابالله
    قيد التجربه هيها ع المفضله
    ع خير بكرة عامليتها بس من غير ماادوقك منها 😁😁

    1. 💖نور💖أحمد💖 :

      الله يبارك فيكي ويسعدك حبي هدولة ويحققلك كل شي بتتمنيه 😘
      بس شو هي ماتدوقيني يختي شكلنا رح نتخانق🤣

  10. 🤩🤩🤩🤩 :

    صحيح نور طلعلي مع بكايت الرز هديه مغلف خليط البشاميل بودرة كيف اعملوا مابعرف صراحه

    1. ماما عايدة المغربية :

      إقرئي طريقة التحضير خلف الكيس كيكون مكتوب عليه مقدار الحليب أو الماء لي تخلطي معه و تحطيه على النار مع التحريك المستمر

    2. 💖نور💖أحمد💖 :

      صحيح متل ماقالت ماما عايدة الله يجزيها الخير😘
      شوفي الطريقة اللي مكتوبة لأنو بتفرق من ماركة لماركة وبس تعمليه لاتاكلي منو🤣😈

  11. ام يزيد :

    روعاتك نور يسلم ايديكي منظرها بيفتح النفس على المفضلة على طول 😘😘

    1. 💖نور💖أحمد💖 :

      الله يسلمك ويكرمك حبيبتي أم يزيد
      منورتيني والله وممنونة للطفك كتييير😘♥️

  12. غير معروف :

    ام عمر .اهلا وسهلا نور منورة زاكي وين هالغيبة

    1. 💖نور💖أحمد💖 :

      ام عمر الغالية ربي يسعد قلبك
      طمنيني عنك وعن أمورك ان شاء الله تمام 😘
      هي رجعت انا ان شاء الله مابقى غيب كتير😁

  13. Om AMR :

    ما شاء الله عنك رجعت الإبداعاات تنور صفحة زاكي ما أنحرم منك يا غالية ولا من ابداعاتك الي مالنا غنى عنها

    1. 💖نور💖أحمد💖 :

      الله يسعدك دايما بكل لحظة يا احلى ام عمرو
      من بعدك انا يا مبدعتنا الغالية😘😍

  14. نسرين بارافي :

    نورتي ياعسل اهلا وسهلا فرحت برجعتك تسلم الايادي المعدلة ألف صحة وهنا

    1. 💖نور💖أحمد💖 :

      حبيبتي نسرين المبدعة ان شاء الله عطول فرحانة
      منورتيني والله كلك لطف وزوء 😍

    2. نسرين بارافي :

      ربي يسعدك سعادة الدارين

  15. إم مصطفي 😉 :

    وعليكم السلام ورحمة الله وبركاته 🌹

    أخيرررا نور زاكي والحياه رجعتله لا وكمان راجعه بوصفه دمار وبتشهيييي ما شاء الله عليكي يا غاليه متميزه كالعاده يسلمووو ديادك الحلوين ❤😙

    1. 💖نور💖أحمد💖 :

      عمريييييي انا يا ناس
      اشتقتلك كتير كتير كتيييير واشتقت لتعليقاتك
      فرفح قلبي بس شفت اسمك والله😍
      من بعدك انا قلبوشتي ربي مايحرمني منك يا عسولة زاكي♥️

  16. وردة الأردن(الجبل) :

    يسلموا ايديك ويا هلا فيك وبوصفتك الروعة ما عاد تغيبي يا مبدعة أبدا

    1. 💖نور💖أحمد💖 :

      الله يسلمك ويخليلي ياكي يا أحلى وردة😘

  17. الاء محمد :

    يسلم هالانامل زمان عن صفاتك الرائعة

    1. 💖نور💖أحمد💖 :

      الله يسلمك آلاء الغالية ومايحرمني طلتك اللطيفة😘♥️

  18. 🍒أم محمّد🍒 :

    يا سلااام نور زاكي بوصفتك اهلا وسهلا برجعتك نواره
    يسلم ديااتك يا رب عالوصفه الرهيييبه وشكلها بشههههي ولا عاد تحرمينا من ابداعاتك

    1. 💖نور💖أحمد💖 :

      ياعمري أم محمد زاكي منور بوجود الطيبين أمثالك والله 😍
      الله يسعدك ياعسل متل مابتسعديني دائماً ♥️😘

  19. اسمهان( ام ابراهيم) :

    يا عيني اي شو هاد يا نور الصورة لحالها عم تحكي
    ربي يسلم ايديكي ياررب
    اكلتي المفضلة يمي يمي الذ وصفة
    موفقة يارب بالمسابقة

    1. 💖نور💖أحمد💖 :

      الله يسلمك ويسعد قلبك حبيبتي منورتيني والله😍
      طالما بتحبيها لكن حولي لعندي اعملك اطيب صينية😚😋

    2. اسمهان( ام ابراهيم) :

      حبيبتي يا سلام عليكي
      لكن فطوري اليوم معكرونة يلا لصلي الصبح وجايتك مسافة الطريق
      يسلم ايديكي يا عمري

  20. um saleem :

    يا سلاااااام عليكي 👏🏼 👏🏼 👏🏼

    نورتي يا قمر تسلم ايديكي وعينيكي يا عسل

    الف صحه وعافيه يارب عليكم 😘❤️😘❤️

    1. 💖نور💖أحمد💖 :

      الله يسلمك ويعافيكي ويجبر خاطرك حبيبتي أم سليم
      منورتيني ياغالية😘😍

  21. 🌼 ياسمين 🌼 :

    أم نبيل
    ما شاء الله عنك روووووووعه يعطيكي الف عافيه ويعيشو هالايدين يا رب
    أهلا وسهلا فيكي ووصفاتك من جديد والله اشتقنا كتيييير وعودة حميدة لاحلى نور
    🌺🌼🌺🌼🌺🌼🌺🌼

    1. 💖نور💖أحمد💖 :

      أم نبيل هي انتي ماغيرك😢
      ياقلبي شو فرحت بتعليقك وبشوفة اسمك
      عدتو أكتر من مرة لاتأكد اني ماقريت غلط
      نووووورتي والله ♥️ انا مابنسى ابدا تعليقاتك اللطيفة ودعمك الي قد ماغبت
      انتي من الناس اللي بضلو بالقلب والذاكرة😍
      الله يسلمك ويحلي أيامك بكل شي حلو متل قلبك😘

  22. ام جنى :

    روووووعاتك نوارتنا الحلوه انستي ونورتي زاكي 🌹

    1. 💖نور💖أحمد💖 :

      منور فيكم ياقلبي😍
      الله يسعدك ومايحرمني هالطلة

  23. ام تامر :

    يا عيني على الإبداع رووووعة يسلموووا هالايدين

    1. 💖نور💖أحمد💖 :

      هاد من زوءك ياعسل
      الله يسلمك ويسعدك 😘

  24. ورردة :

    تسلم الأيادي اكلة اولادي المفضلة 💝💜💝💜💝

    1. 💖نور💖أحمد💖 :

      الله يسلمك ياقلبي ويحفظلك ولادك😚♥️

  25. ام تيم :

    اي هااا هلق فرفح قلبي يسلم ايديكي ياغالية
    وصفاتك بتعطي طاقة إيجابية للشخص بتخلية يعمل الوصفة هوة ومغمض،😌😍
    لا طولي علينا بالوصفات كل كم يوم بدنا وصفة وكتريلنا حلويات🤭🤭
    وبدي طريقة الكيك الاسفنجي مع التزين على زوئك حابة جرب طريقتك 😘😘

    لولوشية إذا شفتني تعليقي ياريت طمنيني عنك كتير مشغول بالي عليكي

    1. 💖نور💖أحمد💖 :

      الله يسلمك ويخليلي ياكي ويضل قلبك مفرفح على طول يا أحلى أم تيم😍
      يارب تطمنا عنها لولو دايما بتجي ببالي😔

      ومشان الكيك تكرم عيونك ياغالية الك عندي وصفة كيك ولا ألذ من هيك
      مافي حدا داق الكيك تبعي الا بيسأل من أنو محل جايبتو🤣
      اذا شفتي تعليقي هاد قوليلي لأعرف إنك موجودة😘

    2. ام تيم :

      ويخليلي ياكي يانوارة
      اي انا كل يوم موجودة بزاكي🤗🤭🤭
      الله يكرمك يارب وبعرفك مابتقصري تؤبشيني
      ما انا عرفانة انو الكيك تبعك بجنن لهيك قلتلك لان بنفسي اعمل كيك ويطلع ناجح انا بانتظار كيكتك ياروحي 😍😍
      الله يجزيك الخير يارب على تعبك ووقفتك بالمطبخ لان مو قليلة والله

    3. 💖نور💖أحمد💖 :

      تسلمي لقلبي يا اغلى ام تيم 😍
      ربي مايحرمني منك ومن ثقتك ولطفك اللي غامرتيني فيه دائماً
      فيكي الخير والبركة والله♥️
      طيب شوفي شو
      اذا صحلي نزل الكيك بالتفصيل عزاكي بنزلو ان شاء الله واذا ماصحلي بتلاقيني باعتلك الوصفة هون بالتفصيل بإذن الله هاليومين
      تمام هيك؟😍

    4. ام تيم :

      يا الله لوتعرفي اديش بحبك وبعزك بحسك اخت من اخواتي الله يجمعني فيكي بالدنيا يارب
      والله وقت غبتي وبطلتي تبيني زعلت كتير وتمنيت لو اقدر اتواصل معك بمكان تاني
      بس الحمد لله رجعت كانت كتيير حلوة الله يديم
      المحبة يارب
      تمام ياغالية انا بطلطل هون كل كم يوم إذا ما قدرتي تنزليها باخدها من هون أن شاء الله

  26. nawal :

    يسلم ايدك منظرها بتشهي صحة وهنا

    1. 💖نور💖أحمد💖 :

      عقلبك حبيبتي الله يسلمك ويسعدك 😚

  27. ياسمين الشام :

    اهلا وسهلا بنوارة زاكي وبوصفاتها الحلوين متلها لعد تعيديها وتحرمينا من طلتك علينا الله يسعدك يارب ويعطيكي الي ببالك يارب

    1. 💖نور💖أحمد💖 :

      واياكي ياقلبي الله يحلي أيامك بكل شي بتتمنيه ويجزيكي الخير على لطفك وزوءك😘😍
      نورتيني ياعسل وخجلتيني بكلامك الحلو♥️

  28. دانية :

    ماشاءالله بتشهي يسلم ايديكي يا قلبي 😋

اترك رد

لن يتم نشر عنوان بريدك الإلكتروني.