كرات الدجاج بطعم رائع جديد لاينتسى ملكة الطبخ

33 1٬364
 

كرات الدجاج بطعم رائع جديد لاينتسى ملكة الطبخ

كرات الدجاج بطعم رائع جديد لاينتسى _ ملكة الطبخ

كرات الدجاج بطعم رائع جديد لاينتسى ملكة الطبخ

كرات الدجاج بطعم رائع جديد لاينتسى ملكة الطبخ , معكم صديقة زاكي الشيف الموهوبة , مرحباااا يا أحلى وردات وصفة اليوم سهلة و مميزة ورائعة فعلا ، أي حدا داقها عندي عجبتو كتير وأخد طريقتها بتمنى من كل قلبي تجربوها ومتأكدة إنها رح تصير من الأكلات المعتمدة عندكن
بس اقترحوا عليي شي اسم مناسب الها مسكينة من لما ولدت ما عم لاقيلا اسم هههههه

المقادير

  • وتعالو معي نشوف المقادير، لخلطة كرات الدجاج منحتاج :
  • كيلو صدر دجاج
  • ربع كوب بقدونس مفروم
  • ربع كوب بكصمات
  • بيضة
  • ملعقة ونصف طحين
  • ملعقة زنجبيل طازج (يمكن استبداله باليابس إن لم يوجد)
  • البهارات:
  • نصف ملعقة ك بابريكا
  • نصف ملعقة ك كركم
  • ربع ملعقة ك فلفل أسود
  • ربع ملعقة ك كزبرة يابسة مطحونة
  • ربع ملعقة ك هيل مطحون
  • ملح حسب الرغبة
  • للصوص بدنا :
  • ملعقتين زبدة
  • ملعقتين زيت نباتي
  • مكعب ماجي
  • ملعقة كبيرة ونصف طحين
  • ثلاث أرباع الملعقة زنجبيل مبروش
  • نصف ملعقة توم مهروس
  • كوبين حليب
  • كوب ونصف ماء
  • البهارات:
  • ربع ملعقة ك فلفل أسود
  • نصف ملعقة ك كركم
  • ملح حسب الرغبة

الخطوات

“بسم الله الرحمن الرحيم”

* أول خطوة منطحن صدور الدجاج ومنحط فوقها باقي المكونات تبع الكرات ومنخلطهم منيح ومنشكلهم كرات

* منحط شوية زيت بمقلاية ومنحط الكرات ومنقلبهم كل ما تحمصو من طرف لحتى ياخدو لون محمر من كل الجهات وبعدا منغطيهم ومنتركهم يستوو وبهالأثناء منجهز الصوص اللذيذ

* منحط الزيت والزبدة والبهارات والماجي والتوم والزنجبيل بطنجرة عالغاز ومنقلبهم لتسيح الزبدة ويتحمصو شوي سوا وطبعاً مش هكلمكوا عن الروايح ياضنايا

بعد مانحمص الطحين والبهارات شوياية منضيف الحليب والمي بالتدريج ونحنا عم نحرك باستمرار حتى مايتكتل الطحين ، منتابع التحريك ليبلش الصوص يتكثف

* وبس يتكثف مننزل فيه كرات الدجاج ومنتركهم يغلو سوا على نار هادية لحتى ياخدو نكهات بعض ، حوالي ثلث أو نص ساعة بكون الجاج كمل نضوجو وكل شي امتزج سوا

* قدموها جنب الرز البسمتي الأبيض المطبوخ مع القرنفل ولا تنسو تعزموني ، من زمان ماحدا عزمني حرام أنا بخاف انحف بعدين هههه

ولاتنسوني من صالح دعواتكن الحلوة♥️

33 تعليقات
  1. ام همام :

    ما شاء الله يسلم ايديكي حبيبتي
    عالمفضلة ان شاء الله
    ورح اجربها 💞💞💞

  2. عائشة💚 :

    يالله مننك يانور 😢😢😢😢
    من وين بتجيبي هالحكيات الحلوين
    نفسي اشوفك واكل من طبخك
    ماشاء الله عليك تبارك الرحمن
    ريتو صحة وألف هنا ياقلبي ❤

  3. ام فادي :

    ياعيني عليكي وعلى أكلك الطيب
    😘😘😘😘😘😘

  4. فوفه🥀🥀 :

    من لماانولدت للان مش لاقيه اسم الها
    الله يسامحك عهالعمله🤦‍♀️😆
    سميها قنابل نور الدجاجيه 😂واق واق

    صحتين وهنا

    1. 3beer :

      صباح الخير

    2. فوفه🥀🥀 :

      يختي اهلا اهلا كيفك ست دكتورة عبير 🌷🌷🌷🌷

    3. 3beer :

      والله الحمدلله تمام وانتي كيفك يا فوفو
      قعدت ادور بين التعليقات ع تعليقك عشان أسلم عليكي😂😂

    4. فوفه🥀🥀 :

      الحمد لله بخير تسلميلي 💞

  5. زهورر⁦❤️ :

    تعيش وتتربا بعزك😂😂😂😂😂
    سميها قنابل الدجاج المؤقتة😂😂😂😂😂
    الله يعطيكي ليرضيكي حبيبتي ويعوض عليكي بالذرية الصالحة يارب⁦❤️⁩⁦❤️⁩⁦❤️⁩⁦❤️⁩

  6. ماما عايدة المغربية :

    تبارك الله عليك طريقة جديدة لكرات الدجاج أحضر تقريبا مثلها لكن عوض الحليب أضيف كريما و لا أستعمل توابل كثيرة فيها فقط الملح و الفلفل و الثوم و البقدونس عجبتني طريقتك لون الصوص مميز الله يعطيك الصحة 😘 إن شاء الله نجربها

  7. ام شام :

    يسلموا ايديكي بتشهي كل شي من تحت دياتك مميز

  8. Farah Masoud :

    فنانة يسلم دياتك حبيبتي

  9. Farah Masoud :

    صحتين وعافية يارب

  10. اسمهان( ام ابراهيم) :

    يسلمو دياتك نوررررررر
    شو هاد والله شكلو بياخد العقل ع المفضلة والتجريب مباشرة

  11. ساجدة :

    الله يبارك عليك ابداع جوعتيني ❤❤❤❤😭😭😭

  12. um saleem :

    يسلمو ايديكي نوارة العسل
    اي شو هاد ولسا بدك اسم ماضل أحلا من هالاسم
    منظر بشهي 😋 😋 😋

  13. هيام :

    صحتين وعافيه انشالله

  14. ❤ام محمد❤ :

    صحتين وهنا ياقلبي
    فكرة حلوة يسلمو ايديكي

  15. ام ملك.... :

    ما شاء الله عليكي
    حبيبتي نووور
    يسلمو ايديكي يا قلبي 💖

  16. 🍒أم محمّد🍒 :

    يا سلااام وصفه رااائعه وبتشههههي يسلم ديااتك يا رب دائما مبدعه ووصفاتك طيبه وما عليها حكي ..صحه وعافيه يا نوارة زاكي

  17. ام علاء ابو يحيى :

    تسلم الايادي على هالوصفه الرائعه
    تبارك الله بتشهي واكيد طعمتها خيال الله يعطيكي الف عافيه وصفاتك دايما مميزه

  18. 🌼 ياسمين 🌼 :

    أم نبيل
    يا سلام على هالوصفه والله شكلها رووووعه واكييد طعمها
    يعيشوا هالايدين يا فنانه وست المعدلات ما شاء الله عنك
    🌼🌼🌼🌼

  19. dina :

    تسلم ايدك ماشاء الله عليكِ اكله طيبه ننوشه❤

  20. 💙أّمَ حٌمَزِّةّ💙 :

    الله يسعدك يا نور انتي وكلاتك شو بفتحو👍🏼 النفس يا قلبي دمتي بكل خير غاليتي حفظكي الرحمان

  21. ام احمد العزاوي :

    ما شاءالله عليكي
    الله يعطيك العافيه 😋😋

  22. ام حمزه :

    ماشاء الله يسلمو ايديكي حبيبتي شكلها بشهي صحتين والف عافيه يارب

  23. الاء محمد :

    هون كل الخطورة تسلم دياتك ما شاء الله تبارك الله عنك وصفة رائعة و جديدة حبيت

  24. 😍😍😍😍 :

    ام سيف
    ياسلام سلم شو هاد المنضر يمه
    😋🤤
    ييسلم هاديات يارب صحه وهنا ع👈 ♥️
    سعد قلبك وروحك صديقتي الغاليه🥰😍😘

  25. ام تيم :

    بسم الله ماشاء الله
    ربنا يحميكي ويخليكي لينا وتقدميلنا من ابداعاتك المميزة والغنية بالصحة الزايدة والدسم ورفع ارقام الميزان بسرعة ،،🤣🤣🤣🤣
    بس عن جد وصفاتك بتجنن عملي وكتريلنا منون،😍😍 الله يجزيكي الخير يارب

  26. رذاذ المطر 💦💦 :

    يا سلام على المنظر يفتح النفس يشهي يسلم هاليدين وصحتين وهنا

  27. 🌷❤ غزل ❤🌷 :

    يسلمو ايديكي بتشهي

  28. nawal :

    ياسلام المنظر لحالو بيحكي عن الطعم😋يسلم ايدم

اترك رد

لن يتم نشر عنوان بريدك الإلكتروني.