طباخ روحو ملكة الطبخ

48 837
 

طباخ روحو ملكة الطبخ

(ملكة الطبخ💖 ) طباخ روحو💖❤💖

طباخ روحو ملكة الطبخ

طباخ روحو ملكة الطبخ , معكم صديقة زاكي الشيف الموهوبة ,

المقادير

  • كوسا
  • بطاطا
  • بندورة
  • باذنجان
  • فليفلة خضرا
  • حمص مسلوق
  • توم
  • نعنع يابس
  • ماجي
  • كاري
  • ملح
  • ٤ معالق زيت او معلقتين سمنة

الخطوات

نغرم الخضرا مكعبات متوسطة(طبعاالخضراكلهاحسب افرادالعيلةكميةالخضرايلي رح نحطها) بنطبقها فوق بعض متل يلي بلصورة مع الكاري والملح والماجي ومي دافية ليغمر الخضرا وبنحط الزيت او السمنة وبنغطيها وع غاز متوسط الحرارة

ابدا ابدا ما بنحرك الخضرا

بعد الاستواء بندق ٤سنون توم مع معلقة كبيرة نعناع يابس والف هنا على قلبكن

ملاحظه:

انا ما حطيت لحمة ما في داعي كونها كلو خضرا

بس اذا بدك فيكي تحطي لحمة ناعمة او خشنة

48 تعليقات
  1. 🌷❤ غزل ❤🌷 :

    يسلمو ايديكي بتشهي

    1. اسمهان( ام ابراهيم) :

      ربي يسعدك ويسلمك يارب

  2. عائشة💚 :

    تسلم الأيادي شي بيشهي😋
    ماشاء الله صحة وألف هنا ع قلوبكم يارب 💞

    1. اسمهان( ام ابراهيم) :

      الله يسلمك يا رب حبيبتي كلك ذوء

  3. ميس الريم :

    شكلها زاكي بصير تحطي قطع دجاج؟. اكيد رح اجربها تسلم ايديكي😍

    1. اسمهان( ام ابراهيم) :

      هلا وغلا حبيبتي ربي يسعدك
      اكيد تحطي سفاين جاج مكعبات

  4. samaher :

    زاكي تسلم ايديكي وكتير صحيه

    1. اي والله حبيبتي اكلة طيبة وخاصة للاولاد مفيدة كتير

  5. ام علاء ابو يحيى :

    تسلم ايدك حبيبتي سبحان الله هذه الخضار بعملها للمفتول مع الحمص والبندوره والصلصه بدون النعنع والفليفله والثوم..احيانا الاكلات متشابه واسمائها مختلفه بدولنا العربيه
    اللهم اعنا على ذكرك وشكرك وحسن عبادتك

    1. الله يسلمك يا رب اي والله كل بلد والها طقوسها وزيها الحمد لله ع الصحة والعافية

  6. وردة الأردن(الجبل) :

    يسلموا ايديك أكيد الخضرا مع بعضها زاكية هيك طبيخ بس احكيلنا شو سبب الإسم طباخ روحو؟؟

    1. الله يسلمك يا عمري كلك ذوء بعتلك السبب

  7. ورردة :

    رووووعة شي طيب ليش اسمها هيك

    1. حبيبتي كلك ذوء بعتلك السبب فوق

  8. 💙أّمَ حٌمَزِّةّ💙 :

    يسلمووو ايديكي بتشهي صحتين وهنا يا 😋😋😋

    1. الله يسلمك يا رب ع قلبك حبيبتي

  9. حبيباتي والله ستي الله يرحمها ويرحم امواتكن جميعا بزمناتها حكتلي قصة الطباخ روحو بس والله نسيتها
    حطيتها ع الجوجل لشوف طلعتلي هي القصة يلي بعتلكن ياها والله اعلم 😉

    1. قصة الإسم جميلة و الأكلة أجمل

    2. الله يجبر بخاطرك يا عمري ماما عايدة

  10. هيام :

    شكلها طيبه الله يعطيك العافيه وألف صحه على قلوبكم انشالله

    1. ع قلبك حبيبتي هيام ربي يسعدك ويوفقك يارب

  11. الله يعطيك الصحة وصفة غنية بالمنافع عجبتني بزااف 😋

    1. ربي يسعدك ماما عايدة الغالية تسلميلي حبيبتي

  12. وردة الأردن(الجبل) :

    شكرا على المعلومة الحلوة والاكلة الحلوة كمان يا أحلى أسمهان كمان في طبخة تانية إسمها غريب هي شل باطو هههههه

    1. الله يسلمك يا عمري احلى وردة بكل الاردن من ذوئك ها الحكي الحلو حبيبتي الله يسعدك ويجبر بخاطرك
      في كتير اكلات اسمائها غريبة متل حراق اصبو بس اكللات فعلا لذيذة

  13. 🍒أم محمّد🍒 :

    طريقه جديده للطباخ روحو انا بعملها بالكوسا والدجاج مع صلصه موجوده طريقتها بملفي نزلتها قبل هالمره اذا بتحبي تجربيها وكثير طيبه وممكن تنعمل مع اي خضار بس انا حصرا بعملها بالكوسا كثير طيبه يسلم ديااتك يا رب عجبتني طريقتك كمان صحه وعافيه يا رب

    1. الله يسعدك ام محمد الغالية اشتقنالك وينك مو مبينة الي الشرف حبيتي جرب وصفتك
      تسلميلي ام محمد كلك ذوء يا عمري

    2. 🍒أم محمّد🍒 :

      تشتاقلك العافيه يا رب
      هيني موجوده بس انشغالات الحياه ما عنها
      ربنا يسعدك يا رب

    3. ميت اهلا وسهلا فيكي منورة حبيبتي

  14. ام شام :

    يسلموا ايديكي نحن بحماه منقلا كواج بس مامنضيف حمص

    يعيشوا هالديات

    1. ودياتك حبيبتي
      نحنا صينية البطاطا بنقلها كواج سبحان الله كلن منطقة والها عاداتها

  15. 🌺 القدس عربية 🌺 :

    أم نبيل
    يعطيكي الف عافية ويعيشو هالايدين ما شاء الله عنك

    1. تسلميلي حبيبتي كلك ذوء وكلامك في قمة السعادة والفرح مشكورة يا عمري

  16. الاء محمد :

    يسلم هالايدين وصفة مشهية و مغذية

    1. ودياتك حبيبتي منورة بوجودك

  17. مايا حسين :

    تسلم ايدك
    زاكي

    1. الله يسلمك يا عمري

  18. ام جنى :

    ماشاء الله عليك أسمهان الاموره ان شاء الله رح جربها 🌹👍

    1. حبيبتي ام جنى الله يسلمك ويسعدك يارب مشكورة على تعليقك العسل يا عسل

  19. نسرين بارافي :

    ماشاءالله عنك بتشهي ألف صحة وهنا موفقه حبيبتي كتير طيبة ونحبها

    1. الله يسلمك يا عمري كلك ذوء منورة زاكي بوجودك

  20. nawal :

    المنظر لحالو بيشهي ان شالله صحة وهنا

    1. تسلميلي حبيبتي ربي يسعدك ويكرمك بحياتك يارررب

  21. رذاذ المطر 💦💦 :

    يسلم هاليدين وصحتين وهنا حلوه وسهله وخصوصا أطفالي يعشقوها ❤❤❤

    1. اي والله كلامك صحيح وصحة وهنا ع قلبك وقلب اطفالك ربي يخليلك ياهن يارررب

  22. مايا حسين :

    ماشاء الله تسلم ايدك

اترك رد

لن يتم نشر عنوان بريدك الإلكتروني.