سبانخ باللحمه المفرومه والحمص ملكة المطبخ

47 476
 

سبانخ باللحمه المفرومه والحمص ملكة المطبخ

سبانخ باللحمه المفرومه والحمص ملكة المطبخ

سبانخ باللحمه المفرومه والحمص ملكة المطبخ

سبانخ باللحمه المفرومه والحمص ملكة المطبخ, معكم صديقة زاكي الشيف الموهوبة ,

المقادير

  • كيلو ونص سبانخ
  • نص كيلو لحمه مفرومه
  • كوب حمص مسلوق
  • زيت
  • بصل حسب الرغبه
  • فلفل اسود
  • كوبين شوربة دجاج
  • معلقة ملح
  • معلقة بهار مشكل صغيره

الخطوات

بسم الله الرحمان الرحيم

يسعد اوقاتكم اخواتي الغاليات ان شاء الله تكونو جميعا بالف خير وصحه وسلامه

اليوم طبختنا سهله وسريعه ولذيذه ومفيده مع انه جيل الشورما ما بحب هيك طبخات لكن صدقا انها مفيده للجسم اضعاف اضعاف الوجبات الجاهزه لانها مليانه بالحديد وكثير من الفيتامينات

تعالو نشوف الطريقه مع انكم فنانات ومبدعات بس كل وحده الها طريقتها ويمكن تستفيد منها احد حبيباتي الصغار المبتدئات

اول شي بنقي السبانخ من الحشائش والاوراق التالفه وبفرمه وبغسله عدة مرات حتى اتأكد انه صار تمام وبضعه بالمصفايه حتى يتصفى

طبعا بحضر طنجره على الغاز وبضع فيها الزيت والبصل بس وبحركه لما يتذبل وبضيقله اللحمه المفرومه ويقلبها كويس وبضيفلها قليل من الشوربه حتى اشعر انها قاربت على الاستواء وميتها جفت بنزل السبانخ شوي شوي مع التقليب المستمر لما اشعر انه السبانخ ذبل مزبوط بضيف الحمص والفلفل وشوية بهار مع شوية شوربة لحمه او دجاج لتعزيز النكهه وبضيف الملح حسب الرغبه بضيف قرص ماجي اذا ما توفرت الشوربه مع اني ضد الماجي واستخدامه بكثره

وبتركه حتى ينضج وبقدمه مع الارز الابيض وبعض المخللات او السلطات او اي شي بتحبيه

وصحه وهنا على قلبكم وتقبلوا حبي واحترامي للجميع..الله ما يحرمني منكم يا احلى صبايا

استودعتكم لله العلى العظيم الذي لا تضيع ودائعه

47 تعليقات
  1. ام شام :

    يسلموا ايديكي خاله ام علاء كل شي من ايدك بركه

    1. ام علاء ابو يحيى :

      الله يسلم عمرك با ام شام ويسعد قلبك وانتي كلك على بعضك بركه واسمك احلى بركه بالدنيا بتذكرينا بسوريا الغاليه على قلبنا..ربنا ينصرها وينصر شعبها ويفرحهم بلم شملهم قريبا يا رب

    2. ام شام :

      امين يارب العالمين الله يسمع منك
      وان شالله بتفرحي بزيارة الكعبه

  2. الله يسلم ايديكي يا قلب
    شهتيني اذوقها ما عمري ذقتها
    ان شاء الله بدي اجربها
    👍🏼👍🏼😋😋

    1. ام علاء ابو يحيى :

      تسلمي ام حمزه جربيها كثير طيبه ومفيده ان شاء الله تعجبك يا ورده

  3. 🌹🌹🌹 :

    يسلمو اديك أم علاء
    أكله طيبة وبتشهي
    ورح اجربها بإذن الله

    1. ام علاء ابو يحيى :

      تسلمي حبيبتي ربي يكرمك جربيها طيبه ومفيده ان شاء الله تعجبك

  4. 🌺 القدس عربية 🌺 :

    أم نبيل
    يسلمو ايديكي ويعطيكي ألف عافية وصحتين وهنا ع قلوبكم كتيييير زاكيه هالاكله في الشتا

    1. ام علاء ابو يحيى :

      الله يسلم عمرك يا ام نبيل ويكرمك
      انا بعتبرها هي والملفوف والعدس من اطيب الاكلات الشتويه

    2. 🌺 القدس عربية 🌺 :

      اه والله صدقتي انا الملفوف عندي غرااام 😄😄😋😋

  5. يسلمو ايديكي حبيبتي الغالية السبانخ ولا بعدها بيشهي ماشاء الله

    1. ام علاء ابو يحيى :

      الله يسلم قلبك ويسعد عمرك حبيبتي ام ابراهيم

  6. الاء محمد :

    ربي يسلم دياتك نورتي زاكي زمان عن وصفاتك الشهية

    1. ام علاء ابو يحيى :

      الله ينور ايامك حبيبتي بنور الايمان والتقوى ما بتستغني عن الحبايب لكن الظروف اقوى منا احيانا
      ربي يكرمك ويسعد ايامك

  7. 🌷❤ غزل ❤🌷 :

    يسلمو ايديكي بتشهي

    1. ام علاء ابو يحيى :

      تسلمي حبيبتي غزل ربي يسلمك ويسعد قلبك

  8. 🍒أم محمّد🍒 :

    يا سلاااام ما ازكى اكلة السبانخ بالشتويه يسلم ديااتك يا رب شكلها بشههههي نور زاكي بوصفتك صحه وعافيه يا رب

    1. ام علاء ابو يحيى :

      حبيبتي ام محمد ربي ينور قلبك بنور الايمان ويسعد قلبك الغالي والله وانا اشتقتلك واشتقت لوصفاتك المميزه يا ست الستات

    2. 🍒أم محمّد🍒 :

      اللهم امين يا رب ربنا يسعدك يا رب تشتاقلك العافيه وانا اكثر والله وبتنوري وصفاتي دائما بتعليقاتك وبرأيك المهم عندي
      ربنا يجبر بخاطرك يا رب

  9. مايا حسين :

    كتير حلو تسلم ايدك

    1. ام علاء ابو يحيى :

      يسلم عمرك حبيبتي مايا ويكرمك بالدنيا والاخره

  10. ام جنى :

    شكلها مشهي تسلم ايدياتك خالتي ام علاء. ربي يحفظك 🌹

    1. ام علاء ابو يحيى :

      تسلمي حبيبتي ام جنى كلك زوق ربي يكرمك

  11. رزان :

    صحه وهنا تسلم اديكي

    1. ام علاء ابو يحيى :

      الله يسلم عمرك حبيبتي رزونه تسلمي يا رب

  12. رزان :

    صبايا كيف اقدر انزل وصفات

  13. رزان :

    نزلت كم وصفه من قبل بس اشتريت خط جديد وهلق ما عم يزبط

    1. ❤ام محمد❤ :

      السلام عليكم كيف حالك
      تكلمي مع ادمن زاكي وهي بترجعلك حسابك

  14. ام تامر :

    صحة وعافية يسلموو ايديكي

    1. ام علاء ابو يحيى :

      تسلمي يا ورده ربي يسعد قلبك ويكرمك

  15. بالصحة و الراحة الوصفات التقليدية ألذ منها ما كاين و مفيدة جدا ❤ تبارك الله عليك انك تفكري هذا الجيل بها

    1. ام علاء ابو يحيى :

      الله يسعدها ماما عايده المبدعه بارك الله فيكم هذا الجيل متعلق بالشورما والوجبات السريعه والبروستد المغرقه بالملح الصيبني وهو سبب النكهة الطيبه بالاكل الجاهز لكنه دمار على الجسم وغفل عن الاكلات المفيده للجسم..الله يحميهم ويحفظهم ويبعد عنهم كل مكروه

    2. آمييين يارب
      صحيح كلامك

  16. نسرين بارافي :

    ماشاءالله عنك تسلم الايادي المعدلة ألف صحة وهنا موفقة

    1. ام علاء ابو يحيى :

      الله يسعد قلبك حبيبتي نسرين ويبارك بعمرك تسلمي حبيبتي

  17. nawal :

    يسلم ايدك وان شالله صحة وهنا بتشهي 😋

    1. ام علاء ابو يحيى :

      على قلبك حبيبتي ربي يكرمك ويسعد قلبك

  18. رذاذ المطر 💦💦 :

    يسلم هاليدين وصحتين وهنا اكله كلها فيتامينات وخصوصا السبانخ مفيد جدا يعطيك العافيه ام علاء وصفاتك رائعه ومفيده دائما بالتوفيق بالمسابقه

    1. ام علاء ابو يحيى :

      الله يسلم عمرك حبيبتي تسلمي ربي يسعد قلبك ويكرمك انتي الاروع يا ورده

  19. هيام :

    ألف صحه وهنا على قلبكن انشالله اكله طيبه

    1. ام علاء ابو يحيى :

      اللهم امين تسلمي حبيبتي ربي يكرمك

  20. um saleem :

    يسلمو ايديكي يا عسل
    الله يطول بعمرك وتضلي تبهرينا باكلاتك😍😍

    1. ام علاء ابو يحيى :

      تسلمي حبيبتي ام سليم ربي يكرمك ويعطيك الصحه وتضلي انتي كمان تبهرينا بتعليقاتك وكلامك الجميل ربي يسعد قلبك

  21. فوفه🥀🥀 :

    اكله شتوية تراثيه
    تسلم ايدك 🌹 🌹

    1. ام علاء ابو يحيى :

      فعلا من اطيب الاكلات الشتويه التراثيه ربي يسلم عمرك

  22. مايا حسين :

    تسلم ايدك ماشاء الله

    1. ام علاء ابو يحيى :

      الله يسلمك حبيبتي ويكرمك

اترك رد

لن يتم نشر عنوان بريدك الإلكتروني.