كبسة الكستناء الرائعة ملكة الطبخ

المقادير

• تعالو معي نشوف المقادير :
• كيلو دجاج
• لتتبيلة الدجاج منحتاج
• ملعقة كبيرة دبس بندورة
• ملعقة كبيرة شطة أو دبس فليفلة
• نصف ملعقة كبيرة خل
• نصف ملعقة كبيرة توم مهروس
• ملعقة كبيرة بهارات دجاج حسب الرغبة
• للأرز منحتاج
• نصف كيلو أرز بسمتي
• سمنة + زيت (أو أحدهما)
• بصلة متوسطة مقطعة جوانح
• حبة بندورة متوسطة مفرومة ناعم
• حبة فليفلة خضراء صغيرة مفرومة ناعم
• كمية (حسب الرغبة) من الكستناء المشوية والمقشرة
• زبيب منقوع بعصير برتقالة (اختياري)
• البهارات الصحيحة عبارة عن:
• فلفل أسود حب
• عود قرفة
• هيل
• قرنفل
• ورق غار
• لومي
• البهارات الناعمة عبارة عن:
• ملعقة كبيرة بهار كبسة
• ربع ملعقة ك كركم
• ربع ملعقة ك كاري
• ملح حسب الرغبة
• مكعبين مرق ماجي، ويمكن استبدالهم بمرق دجاج طبيعي

الخطوات

“بسم الله الرحمن الرحيم”

* أول خطوة تجهيز الجاج

منخلط كل مكونات تتبيلة الدجاج ومنخففها بشوية مي ومنتبل الجاج فيها واذا قدرنا ننقعهم كم ساعة أو ليلة كاملة بكون ممتاز،

بعدين منصفهم بصينية ومنحط عالوش شوية زيت وبأرضية الصينية شوية مي

منغلفها بورق قصدير ومندخلها الفرن لحتى يستوي الجاج منيح، منشيل ورق القصدير ومنحمرو شوي وبصير جاهز لل هم هم

* الخطوة التانية

أثناء شوي الجاج منجهز الرز

منحط الزيت والسمنة والبهارات الصحيحة ومكعبات الماجي مع بعض عالغاز ومنحمص البهارات، وبس تبلش الروايح الطيبة تطلع ونسمع صوت البهارات تشك تشك

منحط البصل ومنقلبو حتى يدبل شوي ومن ثم نضيف البندورة ومنقلبها (كيفني معكن وأنا عم اتفصحن ههههه)

بعد هيك منحط الفليفلة والبهارات الناعمة ومنغطي الطنجرة وبس تتسبك الصلصة منحط حبات الكستنا ومنقلبها منيح

ومنضيف مقدار الماء المناسب لكمية الرز ومنخليه ليغلي منركز الملح ومنضيف الرز المنقوع والمغسول مسبقاً ومنترك الرز يغلي حوالي عشر دقايق على نار عالية

* بعد هيك منضيف الزبيب مع العصير اللي منقوع فيه ومنحرك كل شي سوا

منوطي النار على أهدى شي ومنغطي الطنجرة ومنترك الرز يستوي على أقل من مهلو

بصراحة أنا بهالأثناء بكون عم استوي معو *_*

وهيك بتكون خلصت وصفتنا الشهية لليوم وعنجد من قلبي بتمنى تجربوها وتعجبكم وخصوصاً إنو هلأ وقتا قبل ماتخلص الكستنا اللي رح تنقل الطبخة لمستوى تاني..

^ بحبكن كتير وبتمنى تكونو بأحسن حال ^