كاتشب منزلي لذيذ وسهل وصحي ملكة تحضيرات رمضان

30 7٬648
 

كاتشب منزلي لذيذ وسهل وصحي ملكة تحضيرات رمضان

كاتشب منزلي لذيذ وسهل وصحي ملكة تحضيرات رمضان

كاتشب منزلي لذيذ وسهل وصحي ملكة تحضيرات رمضان

كاتشب منزلي لذيذ وسهل وصحي ملكة تحضيرات رمضان, معكم صديقة زاكي الشيف الموهوبة ,

المقادير

  • 3 كيلو بندوره جيده
  • نص كاسة خل
  • معلقتين نشا
  • معلقه زغيره بهارات مشكله اختياري
  • قرن فلفل احمر حار اختياري
  • سنين ثوم اختياري
  • معلقه ممسوح ملح
  • نص كوب سكر.

الخطوات

بسم الله الرحمان الرحيم..

السلام عليكم …كيفكم صبايا ان شاء الله الجميع بخير وصحه وسلامه يا رب

اليوم صبايا وصفتنا سهله وسريعه واكيد الكل بعملها بس حبيت اذكركم فيها بما انه البندور الجيده متوفره بالاسواق بارخص الاسعار ورمضان على الابواب وحبايبنا الصغار بعشقو الكتشب واكيد رح يكونو صايمين خلينا نعمللهم اياها بدون مواد حافظه وبدون اي شي خارجي وهذه الوصفه اذا احكمتي اغلاقها بتقعد شهر كامل بالثلاجه ورح تكون طيبه كثير لانها من دياتك الحلوين

تعالو نشوف كيف عملتها

بتحضري 3كيلو بندوره حمرا وسليمه وبتغسليهم كويس وبتقطعيهم قطع كبيره في طنجره وبتحطيهم على نار متوسطه لما تشعري انهم استووو طفي النار وتركيهم يبردوا شوي وعلى الخلاط اغلطيه مزبوط وصفيهم كويس ورجعيهم على النار مع التحريك لانك اذا تسيتيهم رح ينشعطو والنار تكون مش عاليه كثير بس يغلو ضيفي الملح والسكر وحركيهم كويس وحلي معلقتين النشا مع الخل على البارد ونزليهم على الخليط مع التحريك المستمر لما تشوقيه بلش يتماسك طفي النار واتركيه يبرد تماما واحتفظي فيه بالثلاجه للاطفال الحلوين لانهم بعشقوه مع البطاطا والساندويشات..ربي يحفظ جميع اطفالكم واطفال الامه جميعا

ملاحظه اذا كنت من عشاق الحار بامكانك وضع قرن فلفل حار من البدايه

لك الخيار باختيار النكهات التي تعشقينها كالثوم والبصل الباودر

بامكانك تقسيم الخليط الى قسمين قسم بالشطه الباودر وقسم للاطفال بدون شطه

ان شاء تعحبكم هالوصفه الطيبه السريعه وتتشجعو وتعملوها

دمتم بخير وصحه وعافيه

استودعتكم لله الذي لا تضيع ودائعه

اللهم بلغنا رمضان ونحن في تمام الصحه والعافيه

اللهم ارفع عنا الوباء والبلاء واكرمنا بتمام عفوك ومغفرتك

عرض التعليقات (30)