كيكة الرواني او كيكة البسبوسه

40 1٬977
 

كيكة الرواني او كيكة البسبوسه

كيكة الرواني....او كيكة البسبوسه

كيكة الرواني او كيكة البسبوسه

كيكة الرواني….او كيكة البسبوسه, معكم صديقة زاكي الشيف الموهوبة ,

المقادير

  • كاسة طحين
  • كاسة سميد ناعم
  • 9 نصف كاسة جوز الهند
  • كاسه شاي زيت او نص كاسه كبيره كاسة لبن رايب
  • كاسة سكر ممكن اقل
  • معلقة كنج باودر
  • معلق صغيره فانيلا
  • اربع بيضات
  • للقطر:
  • كاسة سكر
  • كاسه ونص مي
  • عصرة ليمون

الخطوات

بسم الله الرحمان الرحيم

السلام عليكم

حبيت اقدملكم كيكه كثخير طيبه وسهله وسريعه لسهرات رمضان ولا احلى من هيك وصفه لانه طعمتها بين الكيك والهريسه

تعالو نشوف الطريقه

اربع بيضات في الخلاط بخفقهم وبضيفلهم الفانيلا والسكر والزيت واللبن الرايب الدافىء بدرجة حرارة الفرفه وبعد الخفق بضعهم في جاط وبضيف جوز الهند ثم السميد مع التحريك المستمر وبنخل الطحين مع البكنج باودر وبضيفهم للخليط بالتدريج مع التحريك المستمر واذا شفتيها جامده ضيفي القليل من اللبن او الماء وبدهن الصينيه بزيت وبصب فيها الخليط وبهز الصينيه مزبوط حتى تتساوي العجينه فيها وبكون محميه الفرن على درجة حراره 180وبضع الصينيه بالرف الاوسط وبتابعها كويس حتى ما تنحرق واخسرها

بعد ما تخرج بشربها بالقطر البارد مباشره وهي ساخنه وبزينها بجوز الهند…طبعا القطر كلكم بتتقنوه تبارك الله وانا ضاعقت المقادير وعملت صنيتين بس طلعو رووووعه

بنصحكم تجربوها وانا متاكده انها رح تعجبكم

مع تمنياتي لكم بالصحه والسعاده والخير والبركه في حياتكم واعماركم

استودعتكم لله الذي لا تضيع ودائعه

40 تعليقات
  1. ام علاء ابو يحيى :

    صبايا رقم9مش تابع للوصفه طالع بالغلط….جوز الهند نصف كاسه فقط

  2. تسلم ايديكي يا فنانة المطبخ شي رائع
    ولذيذ
    مبين انو 9 فايتة تهريب ع الوصفة
    لانك كاتبة نص كاسة جوز الهند
    ربي يوفقك ويسعدك حبيبتي

    1. ام علاء ابو يحيى :

      يسعدلي قلبك يا ام ابراهيم تسلمي حبيبتي
      شفتي بالله انصدمت لما شفتها كيف وصلت لزاكي ما بعرف شكلي كابسه عليها بالغلط

  3. أية 🌹 :

    ما شاء الله عنك بتشهي يسلم دياتك وصحى وهنا يحلي أيامك متل الحلو لعاملتيه

    1. ام علاء ابو يحيى :

      حبيبتي ايه يسعد عمرك ويجعل كل ايامك خير وبركه😍😍
      جربيها رح تعجبك وطعمتها كثير اجمل من شكلها وبتقدري تزيدي السكر او جوز الهند او تنقصيهم زي حسب رغبتك

    2. أية 🌹 :

      إن شاء الله حبيبتي الله يرضى عليكي أكيد رح جربها حطيتها على المضلة

    3. أية 🌹 :

      دخيل عينك ما أطيب ألبك مجرد شوف أسمك بفرح فيكي الله يطول عمرك

  4. 🍒أم محمّد🍒 :

    ما شاء الله يسلم ديااتك ياا رب وصحه وعافيه عالقلوبكم

    1. ام علاء ابو يحيى :

      يسعد قلبك ام محمد تسلمي يا رب
      😍😍

  5. ام شام :

    تسلم الايادي المعدله

    1. ام علاء ابو يحيى :

      ربي يسلم قلبك ام شام😍😍😍

  6. أم صبحي :

    أمممم كيكة فخمة بمكونات بسيطة.. يسلموا إيديك حبيبتي على هالوصفة اللي بتشهي
    صحة وهنا 💞

    1. ام علاء ابو يحيى :

      الله يبارك بعمرك ويسعدك يا ام صبحي دايما مزوقه بتعليقاتك الرائعه😍😍😍

  7. 🌺 القدس عربية 🌺 :

    أم نبيل
    يسلمو هالايدين ويعطيكي ألف عافية وصحتين وهنا ع قلوبكم يارب زاكيه كتيييير الكيكه، 😋😍😍

    1. ام علاء ابو يحيى :

      هلا بام نبيل الله ينور عليك حبيبتي دايما منوره وصفاتي بتعليقاتك الزوق ربي يكرمك😍😍😍

    2. 🌺 القدس عربية 🌺 :

      أم نبيل
      الله يسعدك يارب ويبارك بعمرك وصحتك واولادك خالتو ام علاء دايماً مميزة وبنبسط كتيييير لما اشوف وصفه الك 😘😍🌹

  8. 😍 كتشهي الله يعطيك الصحة باينة من الداخل خفيفة ماشاء الله

    1. ام علاء ابو يحيى :

      تسلمي حبيبتي ربي يكرمك طلعت هشه وطيبه كثير خاصه لعشاق جوزالهند والي بجربها ما بستغني عنها

  9. مَأّ شٍأّء أّلَلَهِ عٌنِګ يِّأّ أّمَ عٌلَأّء
    فِّعٌلَأّ أّنِ فِّنِأّنِهِ أّلَلَهِ يِّبِأّرګ بِصٌحٌتّګ وِعٌمَرګ يِّأّ ربِ
    صٌحٌتّيِّنِ وِهِنِأّ يِّأّ قِلَبِيِّ
    دِمَتّيِّ بِګلَ خَيِّر عٌزِّيِّزِّتّيِّ

    1. ام علاء ابو يحيى :

      حبيبتي ام حمزه الله يكرمك ويسعدك ويبارك بعمرك كلك زوق يا ورده🌹🌹🌹

  10. 🌷❤ غزل ❤🌷 :

    يسلمو ايديكي بشهيييي

    1. ام علاء ابو يحيى :

      الله يسام عمرك عزيزتي تسلمي يا ورده🌹🌹

  11. هيام :

    صحه وعافيه انشالله

    1. ام علاء ابو يحيى :

      الله يعافي قلبك ويكرمك يا ورده🌹🌹

  12. رذاذ المطر 💦💦 :

    يسلم هاليدين وصحتين وهنا أصبحت بالمفضله

    1. ام علاء ابو يحيى :

      ربي يزيدك من فضله ويسعد قلبك جربيها رح تعجبك كثير انا اعتمدتها بتحسي حالك عامله كيك وهريسه مع بعض كثير طيبه وخفيفه لرمضان وبعد رمضان

  13. om hasn :

    روعاتك يا غالية ريتو الف صحة وهنا يا قلبي عنجد شكلها تحححححفة ربي يباركلك يا قلبي 🥰🥰🥰🥰

    1. ام علاء ابو يحيى :

      هلا بالغاليه نورتي الوصفه حبيبتي تسلميلي يا رب جربيها ام حسن كيير طيبه

  14. 💖نور💖أحمد💖 :

    أطايبك مالها حدود حبيبتي أم علاء😍
    شي بشهي والله وانا شكلي رح دمع ههههه
    ربي يباركلك ويسلم اناملك ويديم عليكي الصحة والعافية وتضلي تتحفينا على طول بوصفاتك الشهية😋

    1. ام علاء ابو يحيى :

      هلا بالورده المتالقه تسلمي حبيبتي طمنينا عنك اشتقنالك واشتقنا لوصفاتك الرائعه نور زاكي بوجودك يا ورده🌹🌹

  15. joudi :

    تسلم ايدك رائعه ام علاء الغالية تسلم الايادي يا قمر انت

    1. ام علاء ابو يحيى :

      تسلميلي يا ورده انت الاروع والاجمل دائما ربي يكرمك حبيبتي😍😍

  16. 🦋ام سليم 🦋 :

    وعليكم السلام ورحمة الله وبركاته

    ما شاء الله الغاااالية ام علاء ووصفاتها دمااااار شامل 😍😍
    حبييييت 🤗
    ان شاء الله نجربها بالمفضلة ❤️
    تسلم الأيادي يا عسل

    1. ام علاء ابو يحيى :

      يسعدلي قلبها الورده والله يا ام سليم تعليقاتك دمار شامل بتنعش القلب وبدل على ذوقك الرفيع وطيبة نفسك وحلاوة روحك ربي يكرمك ويعطيك اجر الكلمه الطيبه لانها صدقه وصدقاتك كثيره في قروب زاكي🌹🌹🌹

  17. Nadia :

    جميله يسلم الايادى

    1. ام علاء ابو يحيى :

      تسلمي حبيبتي ربي يكرمك

  18. ❤ام محمد❤ :

    تبارك الرحمن منظرها خورافي😍
    صحتين وعافية

    1. ام علاء ابو يحيى :

      الله بعافي قلبك حبيبتي ام محمد

  19. nawal :

    يسلمو ايدك حبيبتي روعة ماشالله صحة وهنا 🥰😘😋

    1. ام علاء ابو يحيى :

      الله يسلم عمرك حبيبتي ويسعدك

اترك رد

لن يتم نشر عنوان بريدك الإلكتروني.