كنافة بالقشطة ملكة رمضان

11 3٬628
 

كنافة بالقشطة ملكة رمضان

ملكة الحلويات كنافة بالقشطة

كنافة بالقشطة ملكة رمضان

ملكة الحلويات كنافة بالقشطة, معكم صديقة زاكي الشيف الموهوبة ,

المقادير

  • نصف كيلو كنافة
  • كاستين سمنة
  • الحشوة ليتر حليب
  • ملعقتين خل
  • علبة قشطة
  • للقطر خمس كاسات سكر
  • ثلاث كاسات ماء
  • عصرة ليمونة

الخطوات

السلام عليكم ورحمة الله وبركاته

يسعد اوقاتكم شيفات زاكي اخواتي العزيزات اليوم رح نعمل كنافة بالقشطة بالفرن واكيد الكل بيعرفها بس حبيت اشاركو طريقتي ويارب تعجبكم أول خطوة

بنحضر الحشوة بنحط بطنجرة ليتر حليب عالغاز وقبل مايغلي بنضيف ملعقتين خل ابيض وبس تغلي بتعزل القريشة وبتطلع عالوجه وبعدين بنحضر شعر الكنافة أنا بحطو بالفريزة وبس يجمدو بطالعن وبكسرو وهو جامد وبتركون شوي يفكو من الثلج برش عليهن بواسطة بخاخة مي وبفكك الشعر وبصينية يلي بدنا نخبز بيها بحط ملعقتين سمنة وبوزعها وبدخلها الثلاجة تجمد وبس تجمد بطالعها وبصير

اوزع شعر الكنافة بشكل متساوي وبضغط بأيدي بقوة وبحط نايلون غذائي على الوجه وبحط صنينة وبحط فوقها شي ثقيل مدة ربع ساعة وبعدين بوزع القشطة وبحاول ابعد عن الأطراف شوي وبوزع باقي الكنافة وبضغط بأيدي منيح وبقوة وبوزع عليها السمنة وبكون محميه الفرن بدخلها الفرن بس تتحمر الاطراف بهز الصينية هذا مهم جدا وبحط عالرف العلوي منشان تتحمر وبس تتحمر بطالعها وبقلبها بصينية ثانية وبضيف عليها القطر

ومابتتخيلو القرمشة والطعم الطيب واللون ذهبي بيشهي ان شالله صحة وهنا

عرض التعليقات (11)