img
الرئيسة / غير مصنف / عجينة البيتزا والمعجنات المميزة

عجينة البيتزا والمعجنات المميزة

/
/
/
9979 مشاهدات
عجينة البيتزا والمعجنات المميزة
عجينة البيتزا والمعجنات المميزة

عجينة البيتزا  والمعجنات المميزة, وصفة مدهشة تعطينا إياها المبدعة في عالم الكيك والمعحنات والحلويات Buthayna Ghanem, والتي لا تعطينا وصفة مزبوطة ومجربة فحسب, بل تعطينا طريقة في التزيين والاتقان في العمل, نترك المجال لمبدعتنا بثينة لتخبرنا طريقتها وسر هشاشة معجناتها, وكذلك سر اللون الذهبي الجميل الذي يكسو سطح معجناتها, فلنتابع معها.

الطريقة:

– 5 اكواب طحين حطيت عليه معلقة سكر كبيرة و معلقة باكنغ باودر كبيرة و معلقة ملح كبيرة وبيضة مخفوقة مع معلقة خل نص كوب زيت نباتي خلطتهم سوا مزبوط.

– حطيت مية دافية بنص كاسة شاي معلقة كبيرة خميرة فورية ومعلقة سكر كبير حركتهم مزبوط وتركتها عشر دقايق وبعدين ضفتها للمكونات السابقة.

-في هذه الأثناء حطيت عالنار علبة لبن زبادي 170 غرام و 200 مل حليب تقريبا كوب و معلقتين زبدة كبار تقريبا 20 غرام, تركتهم لحتى صارو دافيين اكتر بشوي من المعتاد والزبدة تقريبا ذابت, وبلشت أضيف الخليط للمكونات الاولى واعجن هلا ممكن نحتاج رشات طحين حسب نوعو , وبنعجن مزبوط مش اقل من ربع ساعة لحتى تصير عنا عجينة قطنيه وطرية دبقة شوي مش ناشفة.

– وبما انو الجو بارد شغلت الفرن 5 دقايق دفي بعدين طفيتو وحطبت العجينة فيه نص ساعة تختمر ويتضاعف حجمها, وبعدين قطعتها كرات صغيرة حسب الحجم اللي بدنا اياه تركتها ترتاح 5 دقايق وبلشت اجهزها افردها شوي بايدي واحط الحشوات. وخبزتها بفرن حامي على 200 درجة وبس جهزت غطيتها بفوطة ناشفة ونضيفة.

الحشوة للبيتزا:
بعد الصلصة تاعت البيتزا انا ضفت فلفل ملون مقطع ومشروم وزيتون مقطع وجبنة موزيريلا وحشيت الاطراف جبنة تشدر

الحشوة للسبانخ:
سبانخ وبصل مفروم وعصير ليمون ودبس رمان وزيت زيتون وملح وسماق.

وسر اللون الذهبي الجميل للمعجنات هو:
للوجه خفقت صفار بيضة مع معلقة نسكافبه ذايبة.

11071463_389173501254897_8402615264259971989_n

11070740_389173544588226_3584394785307420473_n

10653313_389173344588246_7465951906356128177_n

لمتابعة الوصفة على جروب “زاكي”:
عجينة البيتزا  والمعجنات المميزة

6 تعليقاً

اترك تعليقاً

لن يتم نشر عنوان بريدك الإلكتروني.