img
الرئيسة / حلويات / ريد فلفيت بحشوة التشيز كيك لأصحاب الذوق الملكي

ريد فلفيت بحشوة التشيز كيك لأصحاب الذوق الملكي

/
/
/
6495 مشاهدات

ريد فلفيت بحشوة التشيز كيك لأصحاب الذوق الملكي
تقدم لنا صديقة زاكي المميزة منال خاشوق, وصفة الكيكة المخملية الحمراء المحشوة بطبقة غنية من التشيز كيك, لنتابع الطريقة.

ريد فلفيت بحشوة التشيز كيك لأصحاب الذوق الملكي
ريد فلفيت بحشوة التشيز كيك لأصحاب الذوق الملكي

طبقة التشيزكيك
علبتين جبن فيلاديلفيا الوحدة ٢٠٠ غ بحرارة الغرفة
ثلثين الكوب سكر
رشة ملح
بيضتين كبار بحرارة الغرفة
ثلث كوب كريم فرش
ثلث كوب كريمة خفق سائلة
معلقة صغيرة فانيليا

طبقات الكيك
كوبين ونصف طحين
كوب ونصف سكر
٣ ملاعق كبار كاكاو غير محلى
معلقة ونصف صغار بيكنغ باودر
معلقة صغيرة ملح
بيضتين كبار بحرارة الغرفة
نصف كوب زبدة بحرارة الغرفة ( ١١٣غ )
كوب حليب
ربع كوب سائل ملون
ملعقتين صغار فانيليا
ملعقة خل ابيض
ملعقة بيكربونات الصودا

الطبقة الخارجية
علبة جبن فيلاديلفيا بحرارة الغرفة
علبة جبن ماسكربوني
نصف كوب زبدة بحرارة الغرفة
كوبين ونصف سكر ناعم
ملعقة صغيرة فانيليا

الطريقة
نحتاج ان نعمل التشيزكيك قبل بوقت ويمكن قبل بيوم
منحمي الفرن على ال ١٧٥ درجة منحط بالفرن صينية عميقة ومنغلي ماي ومنجهز القالب ألي بدنا نعمل فيه التشيزكيك ،الي هو بينفك على الدائر ، منرشه زيت ومنحط على دائرة القالب ورق الزبدة وبعدين منسكر على القالب ومنقص الورق الزايد ومنرجع منغلف القالب بالسانيتا منيح من برا حتى ما يدخل عليه الماي وقت بدنا نعمل الحمام المائي ..

بالجاط منخفق الجبنة حتى تصير كريمية وبعدين منحط السكر والملح ومنخفق دقيقتين وبعدين منحط البيض وحدة ورا التانية ونحنا عّم نخفق،، وبعدين منضيف باقي المقادير ومنخفق حتى يصير القوام كريمي وجميل ..

منحط هالخليط بالقالب الي جهزناه ومندخله الفرن بالصينينة الي وضعناها داخل الفرن وحوليه منصب بانتباه الماء المغلي لأنو الكيكة رح تستوي على الحمام المائي .. الماء لازم تكون بعلو السانيتا ،، منخليه ٤٥ دقيقة بس نطلعه لازم يكون اذا وضعنا اصبعنا عليه ما في شي بيلزق يعني ملمسه مش متل الجيلي..
منشيله منبرده منيح وبعدين منحطه بالفريزر اقل شي ٥ ساعات حتى يسهل التعامل معه وقت تطبيقه في الكيك ..

الآن طريقة الرد فيلفت ..
منحمي الفرن على ١٧٥ منجهز قالبين كيك بمقاس بعض منرشهم زيت وطحين ..
بجاط منخلط الطحين والسكر والكاكاو والملح والبيكنغ باودر منيح ،، نضع الزبدة في الخلاط ونمزج حتى تصير كريمية ومن ثم نضع بقية المقادير بالتبادل بين المواد الجافة والحليب الممزوج بالمادة الملونة … لكن نترك الصودا والخل على جنب لأننا سنضيفهم في آخر مرحلة ..
منخلط على سرعة خفيفة حوالي دقيقة منرجع بملعقة منخلط كل المكونات من تحت حتى نتأكد انو أخذناهم معنا منرجع بالخلاط دقيقتين على سرعة عالية ..
في المرحلة الاخيرة نضع ملعقة الخل على ملعقة الصودا ثم منخلطهم في المزيج جيدا ومنقسم الخليط بالقوالب الي جهزناهم ومنحطهم بالفرن مدة ٣٥ دقيقة بس نشيلهم منبردهم تماما قبل الاستعمال ..

التغطية: 
منخفق الزبدة منيح حتى تصير كريمية
بعدين منزيد السكر الناعم ومنخفق حتى يتجانسوا بعدين منضيف الجبن والفانيليا وما منخفق كتير مجرد يتجانسوا ..

تطبيق الكيك
منحرص انو الطبقات ال٣ بمقاس بعض
منحط أول طبقة كيك وبعدين منشيل التشيزكيك من الفريزر ومنحطها فرق الطبقة الاولى وبعد هيك منحط آخر طبقة اذا كان حسينا انو في شواذات بالطبقات منقص منهم وهني فوق بعض حتى يصيروا بمستوى بعضهم ..
هلأ منحط الطبقة الخارجية اول مرة ومندخلها البراد نص ساعة ومنرجع منحط منها مرة تانية ومنسكر كل الفراغات الي فيها ..
وبتزيني على ذوقك ..

ريد فلفيت بحشوة التشيز كيك لأصحاب الذوق الملكي

ريد فلفيت بحشوة التشيز كيك لأصحاب الذوق الملكي
ريد فلفيت بحشوة التشيز كيك لأصحاب الذوق الملكي

12510431_627970194020660_3409520551869331024_n

ريد فلفيت بحشوة التشيز كيك لأصحاب الذوق الملكي

تحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب

عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية

عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد

احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي

21 تعليقاً

اترك تعليقاً

لن يتم نشر عنوان بريدك الإلكتروني.