الرئيسة / منوعات / عجزنا ياستي بدري وجانا السكر كمان

عجزنا ياستي بدري وجانا السكر كمان

/
/
/
1724 مشاهدات

عجزنا ياستي بدري وجانا السكر كمان
نقدم لكم في زاكي مجموعة من المقالات المميزة التي تثري حياتنا الاجتماعية لنتابع.

عجزنا ياستي بدري وجانا السكر كمان
عجزنا ياستي بدري وجانا السكر كمان

ستي وهي قدي كانت صبية?
وأمي? مثل عود الريحان …
عجزنا ياستي بدري وجانا السكركمان …
ستي بعد ال60 حملت كيس الدوا..?
وإحنا من 30 صار عندنا أكياس??? وعجزنا قبل الأوان …
بيشوفونا بقولوا للبنت يلا جيبيلك كمان واحد متل فلان وعلان …
مو عارفين إنو البنت هالايام هي عجوزة زمان …
ستي بتخلف بالحارة وبيتها السبت مليان..
وأمي على الغسيل جاها الطلق ودغري ولدت بساعة زمان …
ونحنا دكتورة ومستشفى وممرضة وأجهزة أشكال وألوان…
ومابتولد الوحدة إلا بطلوع الروح? وبعد لطف الرحمن …
كانت ستي حلوة وما كانت تحط مكياج وألوان …
وأمي قمر ضاوي? ماكان عندها غير المكحلة والحمرة السحرية حق زمان …
ونحنا في أيامنا علب المكياج??? وعمليات وسشوار وبس تمشي الوحدة بتلاقي كلهم شبه بعض هالنسوان !!! …
على أيام ستي كانو ياكلوا كل شي ويطبخو كل شي لا كان في سكر ولا ضغط ولا انسداد بالشريان …
وكانت الوحدة توصل لل 100 وهي قوية? وتلاحق ورا الأولاد …
ونحنا قال يعني صحي ومش صحي ورجيم وماناكل وتصير جوعان …
ومافي مرض الا صابنا والله المستعان …
على أيام ستي كانوا يقعدوا بالحارة أولها وآخرها ويسألوا عن بعض ويعرفو مين الوجعان…
وحارتنا ضيقة وبنعرف بعض وياحي الله الضيفان …
وهالايام جنب بعض ومابنعرف بعض والحارة وسعت وبطلنا نعرف بعض.. ولولا الفيس بوك والانستجرام …كان نسينا أسامي بعض والبعيد اقربلنا من الجيران …
وبس يجي ضيف طلبات وإستئذان
وماأثقل دمو? إللي يجي وما يتصل او يرسل مسج ليزور السلطان….
كان صحن الفول بالزيت و حبة الطماطم مع التميس وشرب الشاي..
تلاقيهم أطعم و أشهى وبنشكر الرحمن …?
و هالايام سكلوب ومالوب ومشوح وملوح وفليه وبانيه وبتاكل ومابتشبع وبتحس نفسك جوعان…
ويرحم أيامك ياستي ويرحم أيام زمان…
لما كانت الناس طيبة ويحبوا بعض أصحاب وخلان…
ولقمة هنية بتكفي مية… والضيف ضيف الرحمن…
وبيت الضيق بيوسع الف صديق وبالك مرتاح ورايق وتنام وموكل امرك للحنان المنان …
ماكان في طمع وكان فيه معنى للإنسان…
وعلى أيامنا الإنسان هلكان وشقيان ..
الله يرحم أيامك ياستي? وسقى الله أيام زمان…

111 تعليقاً

  1. محلا ايامكوا يا سيدي وستي كان بالهم هادي عايشين على القله ومبسوطين اما ايامنا الاخ ما بحن على اخوه الابن صار اب لابوه بطل احترام للاكبر مننا

  2. انا بذكر زمان كانت ماما برمضان تعمل الاكله وتبعت منها لجيران ولدار سيدي ولجيران يبعتو لبعض وعموعد لفطور يكون اكثر من اربع اصناف

اترك تعليقاً

لن يتم نشر عنوان بريدك الإلكتروني.