كيف تصنع كريم كراميل بالفرن؟

1 5٬380
كريم كراميل بالفرن سهل اوى و طعمه جنان, هكذا عبر المبدع Mohamed Mohamed في فن الطهي عن وصفته, القليل من ربات البيوت من جرب عمل الكريم كراميل بالبيت بطريقة سهلة وبسيكة فلنتابع مع مبدعنا الطريقة.

كريم كراميل بالفرن
كريم كراميل بالفرن

المقادير للكراميل:
كوب سكر
3 معالق ماء

المقادير للكريم كراميل:
9 بيض
6 كوب حليب سائل
فانليا
كوب وربع سكر

الطريقة:
– لعمل الكراميل المحروق في القالب نستعمل كوب سكر مع 3 معالق ماء نحطهم على النار لحد ما يبقو كراميل بس مش يتحرق خلي لونه فاتح شوية ﻻنه لسه هيدخل فرن و يغمق كمان شوية ولما يبقى جاهز نحطه في القالب الي هيدخل الفرن.

– و نجهز دلوقتي خليط الكاسترد أو الكريم كراميل, نستعمل فيه 9 بيض و 6 كوب حليب و فانليا وكوب وربع سكر والطريقة نحط الحليب على النار مع الفانليا حتى الغليان و نخلط في وعاء تاني البيض و السكر لغاية ما يدوب السكر و بعدين نبدا نزود على وعاء البيض الحليب الي غليناه شوية شوية و احنا بنقلب البيض عشان ميستويش البيض منا.

– وبعدين نصبه في القالب و نحطه جوا صنية اكبر منه و نحط ميا في الصنية الي برا لغاية منتصف القالب و يدخل الفرن لمدة تقريبا نص ساعه او لغاية ما نجرب ندخل فيها خلة سنان و تطلع مش ﻻزق عليها حاجة زي الكيك لما نعمله و بعد ما يخرج من الفرن و يبرد شوية ندخله الثﻻجة لمدة ﻻ تقل عن 4 ساعات و بعدها جاهز نقلبه و الف هنا على قلوبكم.

لمشاهدة الوصفة بالفيديو,الفيديو ده نفس الي انا عملته تماما بس الفرق انا عملته بقالب كبير يعني زودت الكمية بس حطيت ضعفين المقدار عشان املى الصنية بتاعتي و الي يحب يعمل حجم صغير زي الفيديو يبقى يلتزم بالكمية تفضلوا:

كريم كراميل بالفرن

لمتابعة الوصفة على جروب “زاكي”:
كيف تصنع كريم كراميل بالفرن؟

عرض التعليقات (1)