قصص واقعيه لاربع نساء متزوجات

135 21٬174

قصص واقعيه لاربع نساء متزوجات

يا أهلا وسهلا فيكم في شلة الأنس بنرحب بكل العضوات السابقين والجدد معنا, اليوم في قسم المنوعات راح نتكلم بموضوع اجتماعي وبدنا نسمع رأيكم في التعليقات.

قصص واقعيه لاربع نساء متزوجات
قصص واقعيه لاربع نساء متزوجات

انا هتكلم النهارده مع كل واحده متجوزه وحاسه انها اتعس واحده في الدنيا لان زوجها فيه عيب
ولكل بنت فاكره الجواز راااااااحه عالاخر واتصدمت لما حصلت اول مشكله
ولكل بنت هتتجوز لازم تعرف ان كل انسان فيه عيب
ولكل واحده بتقول جوزي اسوأ انسان في الدنيا

بقولهم مفيش حد كامل
هحكلكم 4 قصص لبنات اصحابي مقربين مني جدا
اول قصه :
صديقتي الاولي بتحكي بيقول جوزي ما شاء الله عليه دخله كويس وجياب الخير ولو طلبت نجمه من السما يجيبهالي ماشاء الله وبيديها فلوس تجيب اللي نفسها فيه(طبعا كلكوا بتقولوا في المشكله)
المشكله:
لما تتعب لو ماتت ميسألش عليها ولا يوديها لدكتور ولو قالتله وديني لدكتور يعكنن عليها ويقولها انتي اصلك ضعيفه ومن يوم ما اتجوزتك وانتي عيانه ولو خرجها وجاب لها كل اللي نفسها فيه هيا واولادها ممكن يرمي كلمه تعكنن عليها ولو معاها حد من اهلها عادي جدا يحرجها او يكلمه بقله ذوق دايما متهامها بالتقصير في حقه وفي حق الاولاد مع العلم انه علاقته بالولاده يجيب لهم كل اللي نفسهم فيه ولو بالف جنيه لكن لا يقعد مع واحد فيهم ولا يتكلم معاهم ولا كأنهم اولاده بس يضربهم غير كده ملوش علاقه بيهم وحياته كلها التليفزيون ملل بطريقه رهيبه

لما نشوف كده نقول الحمد لله الذي عافانا
لان السعاده مش بالحاجه اللي يجيبها الزوج بس لا فيه حاجات تانيه كتير

القصه التانيه:
بيتقول
جوزي عاطيني مصروف البيت كله ماشاء الله مصروف كبير وبياخد مصروفه بس. محترم لما تتعب يكون تحت رجليها بتعامله بمنتهي الاحترام لما بتروح المستشفي تولد اول ما تفتح عنيها علي بوكيه ورد وهديه طقم دهب لو سلسله باحجار كريمه او اسوره اي حاجه دهب حلوه ليها غير هديه المولود لو حد طلب منه خدمه ميسكتش غير لما يعملهاله
المشكله
كل يوم يطلع من شغله الساعه 2 الظهر ينام ويصحي 4 يروح شغله التاني للساعه 9 يطلع منه علي اصحابه يرجع البيت الساعه 3 بليل اولاده بيبكوا نفسهم يقعد معاهم شويه يقولهم ان شاء الله هحاول افضي نفسي في يوم لو لمبه في البت اتحرقت ميغيرهاش لمبه الحمام اتحرقت شهر مكنش راضي يغيرها وعايز مراته هيا اللي تعملها من كسله.
الطامه الكبري امه عايشه مع مراته ست من اللي بتبحس عن المشاكل الهم بابره طول النهار ضرب في العيال ودعي علي مرات الابن دعا صعب محدش يستحمله لو الاولاد شكوا لباباهم يقولهم واجب عليا رضا امي عشان دي باب الجنه اللي مفتوحلي الاولاد يقولوله طيب احنا زنبنا ايه .تخيلي الاولاد دول ما شاء الله ملايكه بتقول عليهم حراميه قلالات الادب طول النهار ضرب وشتيمه لو دخلت تنام الريموت بتاع التليفزيون معاها بس عشان تنكد عالعيال

هاه مين تستحمل وتبدل حياتها بالحياه دي
نقول الحمد لله الذي عافانا

القصه التالته:
زوجها طيب جدا بيحب الاولاد ومهتم بيهم بيحب الناس مراته ست محتومه بيدافع عن مراته قدام اهله بيجبلها اللي هيا عاوزاه وحطي تحت ليها دي خط ,انسان خدوم بيحب اهلها وبيحبوه .

المشكله :
لو راحوا يجيبوا اكل للبيت يستكتر كل حاجه لحمه كتير كده السمك كتير الرز ملوش لزوم يرجعها من السوق معكنن عليها طيب هتقولي مش بتقولي بيجيب لها اللي هيا عاوزاه اه صح ليها هيا عايزه عبايه جزمه طرحه من عنيه الاتنين لكن اكل وشرب عكننه لو حد من اخواته زعله ميرضاش يجيب ليها وللاولاد اي حاجه ويقولها الي بعمله مبيطمرش فيهم هيطمر فيكم؟
مبيدلهاش مليم في ايدها مستحيل يقولها كل طلباتك موجوده عايزه فلوس لايه بعني لا ينفع مره تعطي مامتها ولا تجيب حاجه لحد من اخواتها هو بيجيب بس لو هيا عايزه حاجه مستحيل تقوله طيب فلوس مواصلات يقولها لا انا لما اجي اوديكي في اي مكانانتي عايزاه لكن فلوس لا.

ها مين تبدل حياتها معاها

القصه الرابعه
جوزها عاطيها الراتب كله احيانا بيعاملها كويس بيعامل اهلها كويس مجامل جدا مع كل الناس ومع اهلها.

المشكله
لو لاقاها لابسه قميص او اي حاجه جديده يعكنن عليها عكننه لا قبله ولا بعدها ومفيش مره تلبس حاجه ويقولها حلوه مره قالتله عايزه طقم سرير قالها طيب وراح معاها جابوه ولما فرشته وهو دخل شافه بتقسم بالله ان المشكله وصلت للطلاق هو بيعطيها مصروف شخصي وهيا بتجيب اللي هيا عايزاه من الفلوس دي وقالتله اكتر من مره الكلام ده انها مش بتاخد من فلوس البيت بس برضي لازم العكننه غير بقي اهله الله واحده اعلم بحالهم وبالرغم من كده دايما مكدبها ومصدقهم ضربها قبل كده بيستخسر فيها اي حاجه يعني لو بتحب فاكهه معينه علي استعداد ياكل من كل فكهايه حته ويسبها عشان هيا مش هتاكل وراه .

مين تبدل يلا ؟؟

انا يابنات مش بنكد عليكم والله بس عايزاكي تعرفي ان انتي كمان عندك حاجه كويسه المعلمه في المسجد قالت سبحان الله ممكن لما ابص لزوج واحده اقول ياريتني كنت مكنها وانا كنت هكون في قمه سعادتي بتقول وانتي لو دخلتي بيتها ممكن تلاقيها في ماساه بس البيت من بره هادي وجميل جدا

حاولي تدوري في بيتك علي حاجه كويسه واحمدي ربنا عليها
علي فكره دي طبعا نبذه مختصره بس عشان مطولش عليكم

في امان الله
منتظرين رأيكم في التعليقات يا شلة الأنس

 

عرض التعليقات (135)