الرئيسة / منوعات / كيف أدلع زوجي ؟

كيف أدلع زوجي ؟

/
/
/
8368 مشاهدات

كيف أدلع زوجي ؟
مرحبا بكل أعضاء شلتنا المميزة شلة الأنس
في فقرة المنوعات في زاكي نقدم لكم مواضيع اجتماعية ثقافية ترفيهية تثري حياتنا اليومية, اليوم الموضوع لكل أنثى متزوجة أو مقبلة على الزواج, لنتابع معا.

كيف أدلع زوجي ؟

تعتبر الرومانسية هي اساس العلاقة الزوجية التي تنادي بها ارواحنا فعند مزج الرومانسية بالحياة الزوجية سنجد ان حياتنا اصبحت مليئة بالحب والحيوية ونرى اننا قد اصبحنا على خطى السعادة وقريبين جدا من بعضنا البعض فعندما تمتزج الرومانسية بنا فاننا نصبح جزء لا يتجزء من بعضنا البعض فالحياة مليئة بالمصاعب علينا تجاوزها باستغلال اللحظات السعيدة والرومانسية لننساها

اول شي يوسفني حال الحلوات الي تقول انا ماعرف اتدلع مايضبط معي انتي اساس الدلع بانوثتك وكلامك وصوتك مو شرط الدلع بتصرفاتك حتى صوتك تقدرين تدلعين به حتى لبسك تقدرين تلبسين شي دلع
الدلع مو محصور بشي واحد

بالدنيا مافيه شي صعب وماراح يصعب عليك الدلع والغزل انا مابيك تصنعين الدلع لان الدلع المتصنع غير مرغوب فيه
انا ابيك تطلعين دلعك الي لايق بشخصيتك كل بنات ادم فيهم خصلة دلع
اعرف بنات كانو جافات في الكلام والاسلوب والحين من تسمعينه تنصدمين الكلام يقطر عسل والصوت قمة الانوثه


انا عن نفسي وربي كنت دفشه في الاسلوب والكلام والحمدالله لحقت ع عمري والحين الكل يمدح باسلوبي وكلامي
الي غير غيرك بيغيرك بس المسئله محتاجه شوي صبر وعزيمه00
اقفي مع نفسك وقولي ان شالله بتعلم اساليب ادلع وبتدلع وبقوله كلام حلو وش ناقصني وشجعي نفسك
للمعلومه يابنات ترا كلام تشجيع النفس من داخل له اثر حلو عليك

الكلام المعسول يوثر ع شعور الرجل ويعطيه احساس بالفرح والبهجه انتي لما يقعد يمدح فيك ويقولك كم كلمه حلوه اكيد راح تنبسطين هذا الشعور هو يحس فيه لما تغزلين فيه او تقولين له كم كلمه حلوه لاتحرمينه هالشعور

=صوتك كلنا اصواتنا ناعمه ومن المعروف الاذن تعشق قبل العين تقدرين تستيسرين زوجك بصوتك
صوتك يعتبر سلاح تجذبينه فيه لاتقولين صوتي مو حلو ماتدرين يمكن عاجبه ويشوفه احلى صوت
والله اعرف بنات اصواتهم مو حلوه وازواجهم متعلقين باصواتهم يقولون في صوتك نعومه
كلنا نتميز بالنعومه
الحين نشوف بعض الرجال ينجذبون للبنات من خلال سماعهم لاصواتهم بالجوال وتلقينه يمدح بصوتها00

كيف تدلعين بصوتك
ماراح يكلف عليك خطوتين بس سويهم وتطلع بعين زوجك ان صوتك دلع
لما تكلمين معه تكلمي بصوت هادي ومنخفض
انتم تعرفون ان نبرة الصوت الهادي تثير مشاعره لان الصوت الهادي والمنخفض يعتبر ناعم

الحين جربي مع نفسك تكلمي بصوت منخفض وهادي لاتقولين ماتعودت مو حلو الي بيسمعه زوجك ولا انتي
خليه يستمتع بصوتك
وفيه طريقه تخقق تخلي الرجل مهلوس فيك انك لما تكلمين معه كنك ذائبه صدقوني راح يخق
بصوتك تقدرين تجذبينه
نوعي بنبرات صوتك مره خلي صوتك منخفض مره خليه يقول ماسمعك صوتك منخفض
ومره خلي صوتك كنك ذائبه
ومره خلي صوتك هادي

امدحي صوت زوجك يتعلق فيك اكثر ياعمري صوتك هبل في حياتي صوتك اسرني وصرت كل يوم احتاجه
ياحلاوة صوتك لاسمعته
قلي ياعمري هو فيه احلى بهالدنيا من صوتك يارب مانحرم منه
ومره سوي نفسك سرحانه مو معه واذا سئلج قولي سرحانه بصوتك عليك نبرات تدوخ

انتن تعرفن ان هالكلمات البسيطه(ياعمري_ ياقلبي_ لبى روحك_ فديتك) هالكلمات الصغيره مفعولها مثل السحر لاتستهنن فيها
عودي زوجك عليها خليه يلمس هالكلمات فيك
صدقيني لو عودتي مسامعه ع هالكلمات وفقدهم راح يسئلج وين كلامك الحلو
الرجال مسكين عندهم ياعمري وياروحي كنك قايله له كلام حلو شفتن هالكلمات الصغيره تسوى عندهم الدنيا
عودي نفسك بكل مكالمه تقولين له هالكلام عوديه ع الكلام الحلو خليه يتعلق فيك من كلامك
حتى لو صوتك مو حلو كلامك يرقعه ويحلي صوتك بعينه
اما اذا صار الصوت مو حلو ولاكلام حلو وش بيلقى فيك00

بقولكم سالفه صديقتي
كانت تقول اختي الكبيره تهاوشني تقول لاتردين عليه اثقلي لاتغزلين فيه بيقول هذي ماتستحي ومن هالكلام والضعيفه تحطمت ماتدري وش تسوي وخطيبها يشتكي من تقصيرها اتجاهها انتي ماتعطيني كلام حلو انتي ماترسلين علي ماتردين احيان ع اتصالاتي
دايم تعتذرين بانك مستحيه واعذار مالها داعي
المهم انا اقنعتها وعطيتها كم نصيحه والحمدالله الحين مبسوط منها
ومن هالسالفه بقولكم شي

الحين اختك او الي بتنصحك عن خطيبك بتعيش معك يوم تسمعين كلامها
انتي الي بتعيشين مع خطيبك يعني شوفي وش يحب وش يكره وسويه اختك او صديقتك ماراح تنفعك لاصار شي

دائما تكلمي معه باحساس اجعلي كلامك معسول
اول مايكلمك رحبي فيه وهلي باسلوب حلو
هلا بالغالي
هلا باللي ينور دنيتي صوته
هلا بغلا سحوره
هلا بصوت حبيبي
يالبى هالصوت هلابك ياعمري
هلا بالغلا كله
مراحب ياعمري
هلا بغلاي
هلا بدنتي
هلا بشمعة حياتي
ياهلابك يابعد كل الاصوات
هلا باللي صوته يحرك كل احساس فيني
(يعني ابدعي بكلماتك الترحيبيه لاستقبال اتصاله)

واذا جيتي تسئلين عن احواله تطمني بطريقه حلوه
كيف غلاي عساه مبسوط
عمري كيفك اليوم
حبيبي طمني عنك
وش اخبارك يالغالي
غلاي وش مسوي
حبيب سحوره كيفه اليوم
الحلو وش اخباره
(خلي اسلوبك مغري ودلع)

وانتي تسولفين معه
احشري هالكلمات بكل كلمه تقولينها(ياعمري ياروحي ياقلبي ياغناتي يافديتك)
هالكلمات لاتفارقك ابد بكل كلمه اتبعيها بهالعبارات

تغزلي فيه واغرقيه بالعسل خليه يوم يسكر من عندك مايدري وين ارضه
الغزل مافيه اسهل منه بيعطيه احساس منعش
الغزل يعتبر نقطة ضعف الرجل من تغزلين فيه يضعف امامك وتقدرين تسيطرين عليه

تغزلي بصوته
يالبى الصوت
عليك نبرات صوت تدوخني
صوتك يجنن مثلك
وانا اقول صوتك ليش حلو اثاريه طالع عليك
حبيبي صوتك مرررررررررره حلو منين جايبه<خلي باسلوبك شوي دلع وبراه
واذا بتقولين هالكمه جري كلمة مرررررررره

صوتك اسرني وصرت احتاجه


تغزلي بشكله وكلامه
حتى لو زوجك مو حلو بغزلك بيشوف نفسه كنه توم كروزهههههههههههههه
امدحي جسمه وامدحي لبسه وامدحي كلامه
المدح له تاثير قوي انتي من يمدحك احد مو تستانسين هو نفس الشعور
دائمم لاوصيكم كثر من بهارات المدح
امدحي ضحكته
امدحي صفاته
تغزلي بجسمه وبكلامه
حبيبي انا محظوظه فيك لان الله عطاني انسان حلو وانسان فاهم واعي وانسان طيب وخلوق
الله منه لايحرمني

مثل استهبلي واكسري الروتين وابعدي الملل قولي انا ماقدر اثولف معك اثناني اكلتهم الثوثه لاني اكلت حلوات وادد<< صدقيني بيضحك ويستانس كثير بنات جربو هالاشياء واذكر نزلت موضوع باحد المنتديات عن هالاسلوب ومشى مفعولهااوقولي انا احبك هالكثر وافتحي يدينك مثل الصغار(لما يجي زياره عندك)
واذا طلب منك شي قولي ماني ماني مثل الاطفال

عمري تصدق مانمت امبارح زين كله قاعد افكر فيك وافكر بصوتك وشكلك وربي اسرتني بحلاوتك00
تكفى ياروحي انتبه ع نفسك وحصن روحك اخاف احد يعطيك عين

او اذا جاء عندك زياره قولي له اااااااه ياكثر زينك منين جايبه
او قولي له ياكثر زينك ياعمري وربي هبلت فيني

بقولكم شي مره حلو وبيستانس من فتره لفتره اطلبي صورته قولي مشتاقه لك ودي اشوف غلاي هذي النقطه تعتبر من باب الاهتمام والتعلق

واذا جاء يسكر من المكالمه وقال تبين شي قولي ايه ابي صوتك لاتطول علي الشوق حراق

الحين نجي للمهم

الحلوات الي يقولون مانعرف نتدلع مانعرف نقول كلام حلو انا بعطيكم كذا طريقه جربيها

=الكلام الحلو ماتعرفين تغزلين ماتعرفين تقولين كلام حلو روحي تصفحي الخواطر تلقين بين الاسطر كلمات حلوه صغيره اخذيهم واكتبيهم بدفتر وخصصي الدفتر ذا للكلام الحلو وكل فتره شيكي عليه وحاولي تحفظين منه
او شوفي بعض المسجات فيها عبارات حلوه اخذيها وسجليها بالدفتر
وحاولي تحفظينهم

= الكلام الحلو تحفظينه بس تنسينه بسيطه اكتبيه بورقه قدامك واذا كلمك طالعي بالورقه هو ماراح يشوف الورقه اخذي راحتك بس انتبهي تسردين الكلام كله ورا بعض لا

=احفظي لج سطرين من شعر حلو وقوليه له نوعي باسلوب الغزل عندك او اكتبيه بورقه وقوليه له

=شوفي الغزل والكلام الحلو ماراح يجي لحد عندك لا هو موجود فيك بس منتي قادره تطلعينه مافيه شي يجي الا بعزيمه واصرار اعزمي مع نفسك واصري وقولي ان شالله بقوله اليوم كذا
خليك قويه مع نفسك لمتى وانتي ع هالحال اذا مغيرتي من نفسك ماراح تغيرين
الناس تغير وتبدع وانتي هذا حالك
البنات الصغار يعرفون يتغزلون ويقولون كلام حلو وانتس وش ناقصك عنهم
بعض البنات يذبحوني بكلمتهم والله ماتعودت اقول هالكلام وانا صغيره
الحين انتي كبيره والي ماتعودتي عليه وانتي صغيره لاتربطينه فيك وانتي كبيره هذاك ماضي وانتي الحين بالمستقبل لازم تواكبين التطور

انتظر رأيكم بالتعليقاااااااااات يا شلتنا الحلوة 

139 تعليقاً

  1. مقال مفيد وشكرا الكم على البرنامج الرائع عنجد بجنن وشكرا الكم لأنكم مابطنشونا على أي طلب بنطلبة منكم وعفكرة في تعليق من أخت كانت بدها كيف تدلع زوجها وبعتقد هم مشان هيك حطو هاد المقال شكرا لمديرين البرنامج?☺?

  2. ما ها دا الملل عندما يكون عندك عيال زوجك ما يقلك شي بلعكس وفي الحقيقة هو الي يمدح و يقول كلام حلو للمرأة لترضي به

  3. كلام صحيح الرجل مثل الطفل
    اذا الاسد بتروض كيف عاد الانسان
    العبره بالتعامل والتحلي بالصبر ومن صبرت على خلق زوجها لها الجنه

  4. موقصة كلام حلو وتدليع الشغلة من ااداخل تنبع من ارادتها ازا هي بتحبو للرجال ف بتوهبو نظرها

  5. شكرا لموضوعك الجديد…لكن رجالنا اليوم امتلئت اذانها باصوات السافرات العاريات بالخارج واحنا الزوجات منا ملكات الجمال وقمة الدلع والانوثة والرقة والطيبه لكن ازواجنا اعووووز بالله شيء يسد النفس من كتر النكد وما ببين بعيونهم شي?

  6. ازواجنا شيء بيسد النفس وما ببين بعيونهم شي..واحنا انسدت منافسنا عنهم وبطلت تفريء معنا لا الحب ولا الرومنسيه اهم شي ولادنا…رجالنا متعمدين ما يدونا عين ومكتفين بما في الخارج ..لا اقول الكل لكن الاغلب?

  7. كلامك حلو وصحيح كتير أنا زوجي عصبي وأنا هاديه لما أعصب ما أرد عليه ابدا والحمد لله هلأ أسلوبه معي كتير حلو ودلعني كتير رغم اني ما ادلعه كتير في الكلام بس صوتي هادي ومنخفض بس رح جرب الكلام معه هيك بمتلكه عل الأخر

  8. إذا كان الشخص يبادرك نفس الشيء بالحب ولدلع طبعا حته لو ماعندي هذه الشي اكيد راح اتصنع حته أعود نفسي اعامله بنفس الطريقه حته نكون متفاهمين

  9. عنجد كلام ونصائح رائعه ما فيها جدال أنا زوجي حبيب قلبي نور عيوني الله يخليه ناخ فوق رأسي ممكن

  10. وِأّيِّدِ عٌجِبِنِيِّ أّرجِوِګ تّحٌګيِّنِأّ ګلَ مَرررهِ فِّدِيِّتّ أّلَأَّّسأّلَيِّبِ وِأّلَلَهِ??

  11. وِأّيِّدِ عٌجِبِنِيِّ أّرجِوِګ تّحٌګيِّنِأّ ګلَ مَرررهِ فِّدِيِّتّ أّلَأَّّسأّلَيِّبِ وِأّلَلَهِ??

  12. هسا انسي الزوج متفق معكي مية بالمية الناس تصير تحكي ييييي ليش تغنجي حكيك ليش هيك مايط علي صوتك والله حتى الحكي صار يضايقني كنير قد ما يحكولي لا تضلك تحكي هيك مع اني انا بحسو كتير حلو وعفكرة انا مش مبالغ بالدلع وما بعرف كيف الناس

اترك تعليقاً

لن يتم نشر عنوان بريدك الإلكتروني.