img
الرئيسة / أطباق رئيسية / أطباق دجاج وطيور / الرز المبخر مش طبيعي شو أحكيلهم عن زكاوتها

الرز المبخر مش طبيعي شو أحكيلهم عن زكاوتها

/
/
/
4150 مشاهدات

الرز المبخر مش طبيعي شو أحكيلهم عن زكاوتها
معكم صديقة زاكي المميزة الشيف Hedaya Abdelhai

الرز المبخر مش طبيعي شو أحكيلهم عن زكاوتها
الطريقة:
بنجيب جاجة وبنقطعها لاربع قطع وصدر الجاجة بنفسخوا بسكينة ،

وبنقعهم قبل بليلة بتتبيلة متل تتبيلة الشوي بهار جاج ، فلفل اسود ، وبابريكا ، شطة اي بهارات الي بتفضليها وبنعصر ليمونة وشوية خل ،

هلا بنجيب قصدير الهوا السلفانة ، وبنحطها بطنجرة وبنخليها كبيرة الي تغطي الطنجرة وتضل لبرة حتى نغطي الرز ،

بندهنا شوية زيت ذرة وبنحط قطع الجاج وفوق الجاج بنشرح دائر رفيعة بندورة ودوائر رفيعة بصل وفليفلة ملونة وفلفل اخر ،

والرز بنحط شوية سمنة وشوية زيت ذرة وبنشرح بصل جوانح وكم فص يوم ،

وبقلبهم وبنحط عليهم الرز ، وبنقلب شوي وبنحط بهارات الرز الي بتحبيها ، ومثلا حطيتي كاستين رز بدهم كاستين ميه وبنستويهم نص ستاو وبنطفي ما نخلي الرز ناشف لا مبلول شوية وبنصيفوا فوق اللحمة وبنسكروا بلقصديرة كويس من كل الجوانب وبنحطوا ع الغاز ع نار واطية جدا ،

وبتاخد من ساعة ونص لساعتين وانتي بتجربي شيلي نتفة رز من شقة واتفحصي اللحمة وصحة وعآفية

34 تعليقاً

  1. عادي صبايا بتحمل انا بعمل الخاروف المحشي والرز بحشي فيه مطبوخ وبقعد بالفرن 6 ساعات ما بسيرلو شي مدام مافي مي

  2. الدجاج أسرع بالنضج من اللحم
    يعني الدجاج ما يحتاج على النار وكمان مقفل بورق القصدير لمدة ساعه ونص ؟؟؟؟؟

  3. يعني هي الوصفة مش كتير واضحة بس مفهومة اللي فهمته انه بتكوني مبهرة الدجاج قبل بيوم وبتسلقي الرز مع الاضافات اللي حطتها نص سوا وبعدين بتحطي قصدير عادي في الطنجرة وبتحطي عليه الدجاج وفوقيه الرز وبتقفلي القصدير على الطبخة وبتسكري الطنجرة وبتشعلي تحتها نار هادية ساعة ونص

اترك تعليقاً

لن يتم نشر عنوان بريدك الإلكتروني.