بطاطا بورية بالدجاج

13 4٬071

بطاطا بورية بالدجاج
معكم صديقة زاكي المميزة الشيف لينا عرار

بطاطا بورية بالدجاج
بطاطا بورية بالدجاج

الطريقة:

نسلق بطاطا (العدد حسب الرغبة) نسلقها منيح ونتأكد انها استوت من جوا ، بنقشرها وبنهرسها كثير منيح بحيث ما يكون فيه تكتلات بنحط عليها ملح وفلفل اسمر ، بنحط عليها زبدة مذابة بنضيف الزبدة بالتدريج حتى نحصل ع هريس طري.

بنقطع صدور الدجاج مربعات صغيرة (حوالي صدرين دجاج احتجت) وبنتبلها ب ( صويا صوص ، فلفل اسمر ، ثوم بودرة، كزبرة بودرة ) بتركهم ساعتين فاكثر في الثلاجة

خليط الدجاج : بمقلاة بنحط ربع اصبع زبدة ، نهرس 3 فصوص ثوم وبس يذبلوا بنحط خليط الدجاج حتى يستوي. بمقلاة ثانية بنحط شوية زبدة و بنقلي بصلة مقطعة جوانح لحتى تذبل ، بنضيف فليفلة مقطعة مربعات صغيرة ونص علية فطر وبنتركهم ليتذبلوا بنحطهم ع خليط الدجاج وبنحركهم سوا.

بنتبل الخليط برشة من ( ملح ، فلفل اسمر ، كركم ، بهارات مشكلة ، كزبرة بودرة ، كمون). اخر شي بنقطع نصف ضمة كزبرة خضرا وبنحطها عخليط الدجاج وبنتركهم عنار هادية.

ببايركس بنحط نصف كمية البطاطا المهروسة بعدها رشة جبنة موزريلا بعدها خليط الدجاج بعدها باقي كمية البطاطا المهروسة.

بنحط ع الوجه موزريلا وبدخلها الفرن من تحت عشر دقايق عنار هادية ومن فوق حتى تذوب الجبنة دون ما تتحمر.

التزيين : بكيس صغير عملت خطوط طولية من المايونيز والصلصة الفرنسية والكاتشب وبنكاشة الاسنان مزجت الخطوط سوا وصحة والف هنا.

14937998_203430763431624_637003037_n

عرض التعليقات (13)