دجاج مشوي بالخضار وبالخطوات المصورة

11 3٬432

دجاج مشوي بالخضار وبالخطوات المصورة
معكم صديقة زاكي المميزة الشيف لينا عرار

دجاج مشوي بالخضار وبالخطوات المصورة
دجاج مشوي بالخضار وبالخطوات المصورة

الطريقة:
بنغلف اسفل الصينية بالقصدير وبنحط الخضار المتوفرة ( كوسا، بصل، فليفلة،بطاطا،جزر،فاصوليا،زهرة،يقطين ) مع شرائح ليمون دائرية وبنحط راس ثوم جوا قصدير وبنحطهم ع الخضار بنجيب بطاطا حجم صغير بنغسلهم منيح وبنقسمهم من النص ،

بنحط عليهم زيت زيتون واكليل الجبل وبابريكا وفلفل احمر وفلفل اسود وبنحطهم ع الخضار المقطعة مسبقا بنظف دجاج ( العدد حسب الرغبة ) بالخل والليمون والطحين وبنظف تحت الجلد منيح ،

بنخلط البهارات التالية (ملح، فلفل اسود،بابريكا،ريحان بنخلطهم مع زيت زيتون وعصير ليمونة وبنخلطهم منيح وبندهن فيهن الجاجة من جوا وبرة وتحت الجلد ،

بنحشي الدجاج ريحان اخضر اذا متوفر وبصل مقطع مربعات وليمون ليعطيها نكهة من جوا بنحط الدجاج فوق الخضار وبنحط ع الخضار زيت زيتون وعصير ليمونة وملح وفلفل اسود ومرقة الدجاج ( او ماء مخلوط بهيل وقرفة ورشة ملح) تقريبا ليغمر الخضار

بندهن القصدير اللي حنغطي فيه الدجاج بزيت الزيتون حتى ما يلتصق بالدجاج وبنغلف الصينية وبنحطها عنار متوسطة بتوخذ ساعة الى ساعة وربع وبنفحص الدجاج بغرز شوكة لاختبار الشواء وصحة والف هنا.

دجاج مشوي بالخضار وبالخطوات المصورة 14958715_203456560095711_441259269_n 14958609_203456580095709_1496699143_n 14962363_203456590095708_130675529_n 14997221_203456586762375_877156198_n 14962279_203456603429040_1102275714_n 14962437_203456600095707_2050104301_n 14958799_203456610095706_1203631847_n 14971336_203456636762370_14041421_n 14958781_203456633429037_1747279414_n

عرض التعليقات (11)