الشيشبرك اكله طيبه كتيير وسهله

57 4٬485

الشيشبرك اكله طيبه كتيير وسهله
معكم صديقة زاكي المميزة الشيف المبدعة OM SHAM

الشيشبرك اكله طيبه كتيير وسهله

المقادير

  • العجين
  • كاستين طحين
  • رشه ملح
  • كاسه ل كاسه ونص مي او حسب نوع العجين مي فاتره طبعا
  • الحشو لحمه ناعمه مع بصل
  • كيلو لبن
  • معلقه نشا

الخطوات

منعجن المواد مع بعض ومنتركا ترتاح ليتفتح الغلوتين بالطحين

منجهز اللحمه منحمس البصل ليدبل مع رشه ملح ومنضيف اللحمه ومنتركا لتستوي منضيف رشه فلفل منتركا لتبرد

منفرد العجين رقيق ومنقسما باي شي دائري متوفر حجمو مناسب الكن بعدين منبلش نحشيا معلقه لحمه صغيره ومنسكرا على شكل سمبوسكه صغيره ومنلف الاطراف عبعضا منخلص الكميه منرش عليها طحين

منجهز اللبن منحطو بطنجره منضيف رشه ملح ومعلقه النشا منطبخو على النار ليغلي مع التحريك المستمر اذا شفتو سميك فيكن ضيفو مي ومنبلش نسقط العجين وحده وحده ونحرك ومنتركو يغلي ليبلش العجين يفوش على الوجه منختبر الاستواء ومنسكبو انا عملت نوعين نوع ضفت عليه تقلايه توم ونوع معلقه نعنع مع توم جربوا طيب كتييير وصحه وهنا للجميع

الشيشبرك اكله طيبه كتيير وسهله

عرض التعليقات (57)