منسف بلدي اردني على اصوله

96 11٬079

منسف بلدي اردني على اصوله

معكم صديقة زاكي الشيف  Tasneem Ahmad

منسف بلدي اردني على اصولو

المقادير

  • ٥ كاسات ارز تايجر او اي ارز تكون حبتو قصيرة
  • نص جعجول لبن وبضيف معاه لبن جميد سائل او لبن الكسيح بعطيه نكهة كتير زاكية
  • ٣ كيلو لحمة او حسب الكمية الي بدك تعمليها
  • معلقة صغيرة كركم
  • معلقة كبيرة سمنة
  • زيت قلي
  • بصلة كبيرة مع ٤ ورقات غار و١٠ حبات هيل ورشة صغيرة فلفل اسود وملح واذا بتحبي بتقدري تحطي كمان شوية هيل مطحون
  • ٢ رغيف شراك
  • ماء
  • لوز وبقدونس للتزيين

الخطوات

اول شي بنجيب طنجرة الضغط بنحط فيها شوية زيت قلي واللحمة وبنشوحها شوي عالنار بعدين بصب عليها مي لحد ما اغمر اللحمة منيح

وبس تغلى بشيل الزفرة الي بتطلع عالوجه

بعدين بحط الورق غار والهيل والفلفل الاسود والبصلة بقطعها خشن وبحطها معهم

وبضغطها حوالي ساعة الا ربع او حسب حجم اللحمة عندك

وبس اشوف اللحمة استوت بكون ناقعة الجميد قبل بمي سخنة وطاحنيتو عالمولينكس منيح وبديرو فوق اللحمة مع اللبن الجميد السائل وذوقي ملحها اذا بتحبي اضيفي وبخليهم يغلو مع بعض لحتى اللحمة تتشرب طعم اللبن شوي واذا بدك بتقدري تحطي معلقة كبيرة سمنة بلدية واللحمة عم تغلي

هسا الرز بتكوني ناقعيتو بمي سخنة مع الكركم حوالي ربع ساعة..

بتحطي ٦كاسات مي عالغاز مع معلقة كبيرة سمنة وملح حسب الذوق وبس يغلو بتديري الارز فوقهم وبس يغلو شوي بتوطي النار لحد الاستواء

عند التقديم بتقسمي الشراك لقطع وبتصفيه بالسدر وبتشربيه شوية لبن وبعدها بتحطي الارز وفوقها اللحمة وبتزينيه باللوز والفستق والصنوبر والبقدونس والف صحة وهنا

بدي تشجيع للي بحب هالاكلة
منسف بلدي اردني على اصوله

منسف بلدي اردني على اصوله

عرض التعليقات (96)