الكيكة الشيشانية او كيكة العسل

17 11٬755
الكيكة الشيشانية او كيكة العسل, مناسبة لأيام الشتاء, لأنها تشعرك بالدفء, وصفة مميزة جدا من إبداع حنين المسالمة, فلنتابع مع مبدعتنا هذه الكيكة الشيشانية.

10500513_1524678221135591_6932792003532758917_n

المقادير:
علبة حليب مكثف محلى
علبتين قشطة

3 بيضات
زبدة 400 غ
فانيﻻ
بيكربونات الصوديوم ((كربونة))
فنجان عسل
كاسة سكر

كيكة العسل
الطريقة:
– هي الكيكة بتنطبخ على حمام مائي يعني بتحطي طنجرة وبتعبيها مي وبتحطي فوق الطنجرة المليئة بالماء طنجرة فاضية منشان تطبقي المواد فيها.

– اول خطوة بتجيبي علبة الحليب المكثف وبتنزعي الورقة عنها وبتحطيها بوعاء وبتغمريها بالمي وبتخلي المي تغلي ساعتين وبهذه العملية بصير الحليب كراميل ويفضل عمل هذه الخطوة قبل بيوم من صنع الكيكة ﻻنو بعد ماتغلي بتحطيها بالبراد اقل شي 5 ساعات.

– ثاني يوم بدنا نبلش بصنع الكيكة اول خطوة الصوص اﻷبيض هوة عبارة عن:
علبة الحليب المكثف فضيها وحطي نص قالب الزبدة واخفقيهن لحتى يختلطوا تماماً بعدين حطي علبتين القشطة واخفقي وهكذا الصوص جهز, حطيه بالفريز.

– ثالث خطوة العجينة متل ماحكينا على حمام مائي بتحطي النصف اﻻخر من قالب الزبدة بس يدوب تماماً بتحطي كاسة السكر او نصف كاسة باﻹضافة لفنجان العسل وبتخفقي بعدين الفانيلا بعدين البيض عدد 3 مع الخفق المستمر والسريع لحتى ماينطبخ البيض بعدين بتكوني ناخلة كاستين طحين وضايفتيلهم ملعقة صغيرة بيكربونات الصوديوم وضيفيهم لخليط البيض والزبدة وشيليه عن النار وعلى ورق الخبز حددي دائرة ومدي العجينة واخبزيهم وحدة وحدة.

– اخر شي بتجيبي الطبقات وبتحطي بين كل طبقة وطبقة الصوص اﻻبيض وبتزبطي شكل الكيكة بالسكينة شيلي الزوائد انا بخبز طبقة زيادة وبحطها بالخﻻط مع جوز او اي نوع مكسرات وبغلف الكيكة فيهم وبتنحط بالبراد تاني يوم بتتاكل وصحة.

10500513_1524678221135591_6932792003532758917_n

الكيكة الشيشانية
الكيكة الشيشانية


شاهد الطريقة بالفيديو:

لمتابعة هذه الوصفة المميزة ووصفات أخرى شهية, تابعونا على جروب “زاكي” لفن الطهي:
الكيكة الشيشانية او كيكة العسل

عرض التعليقات (17)