المقلوبة الطيبة الشهية كل حبة رز واختها عطريقتي الخاصة
المقلوبة الطيبة الشهية كل حبة رز واختها عطريقتي الخاصة
معكم صديقة زاكي الشيف الموهوبة NOOR EL HUDA
المقادير
- 2 كيلو بيتنجان
- 3 كاسات رز بسمتي او رز قصير مصري
- شرحات بندورة او بطاطا عشان ما تلزق بقاع الطنجرة
- ملح_ فلفل _مكعب ماجي _كاري _بهار _ حبهان مطحون
- لحمة ناعمة ومكسرات اذا حبيتي
الخطوات
ننقع الرز ساعة ثم نغسلة ونصفيه منيح
ومنضفله ملح وفلفل وبهار مشكل ورشة حبهان وكاري ومنخلطه.
نقشر البيتنجان ثم نقطعه شرحات ونملحه ثم نقليه .
منصف بالطنجرة طبقة بندورة وإذا بتحبي طبقة بطاطا ثم بيتنجان ثم الرز مندوب مكعب الماجي بماء ساخن وفينك تستغني عنو .
منحط عليهون طبق وتقلة لو حبيتي يطلع شكلها هيك متل القالب ومنضيف الماء ومنحطو عنار عالية وبعد ما تخف ميتها شيلي التقلة والطبق وهدي النار وبعد ما تستوي اقلبيها وزينيها باللحمة المحموسة والمكسرات يلي متوفرة عندك.
وصحتين وهنا
الملاحظات
كمية المي حسب نوع الرز بالبحرين رز البسمتي والمصري كل كاسة بدها تنتين ماء.
الشكل متل مابتحبي بتحطيه اما طبقة وحدة عالوجه بيتنجان او طبقتين فوق ومالنص بصراحة مرات بعمل هيك ومرات هيك لاني بحب التغيير.
