img
الرئيسة / أطباق رئيسية / أطباق لحوم / طريقة الكبة المقلية بالتفصيل والشرح الوافي

طريقة الكبة المقلية بالتفصيل والشرح الوافي

/
/
/
3309 مشاهدات

طريقة الكبة المقلية بالتفصيل والشرح الوافي, من الاكلات المفضلة في بلاد الشام وبالتحديد سوريا ولبنان, ولها أشكال وطرق كثيرة, صديقة “زاكي” المبدعة Reema Awwad, ستعلمنا طريقة إعداد الكبة بالتفصيل.

طريقة الكبة المقلية

المقادير:
٢كوب برغل أسمر ناعم
١٥٠غم لحمة هبرة بدون دهن
بصلة متوسطة الحجم
١/٢ م ص فلفل أسود
١/٢ م ص بهار حلو
١/٢ م ص كمون
١/٢ م ص بهارات الكبة
رشة قرفة
١/٢ م ص ملح
١/٢ م ص مردقوش

الطريقة:
– بغسل البرغل وبنقعه في الماء وبتركه نص ساعة
لحد ما يتشرب كل الماء.

– بطحن البرغل مع اللحمة والبصلة بمفرمة اللحمة على الحديدة المخرمة صغير مع إضافة حوالي ٤ مكعبات ثلج أثناء الطحن للحفاظ على اللحم.

– و نترك حوالي معلقتين كبار برغل بدون طحن بضيفهم على الكمية اللي طحنتها عشان تعطي شوية خشونة وقرشة للكبة لما تنقلى, وبضيف البهارات كلها والملح وبجهز صحن فيه ماء بارد ببلل ايدي فيه وبعجن بس ما أكتر.

– بجهز الحشوه المكونة من ١/٢ كيلو لحمة مفرومة، ٢بصلة كبيرة، أقل شوي من ملعقة صغيرة فلفل أسود،ملعقة صغيرة بهار حلو،أقل شوي من ملعقة صغيرة كمون، ١/٢ م ص بهارات الكبة، ٢ملعقة صغيرة سماق، صنوبر مقلي، بقلب اللحمة مع البهارات والبصل بدون زيت لحد ما تنشف ميتها، بعدين بضيف الزيت وبقلبها لحد ماتستوي مزبوط، برفعها عن النار وبضيف السماق والصنوبر المقلي وبحركم مزبوط.

– بترك الحشوة تبرد، بعدين باخد كرة من العجينة وببلل ايدي بماء بارد وبحفر فيها حفرة وبرققها على الداير وبضيف الحشوة وبسكرها منيح، وهيك لحد ماتخلص الكمية.

طريقة الكبة المقلية
– للقلي بحتاج زيت عميق وحامي، وإذا الكبة متلجة بطلعها من الفريزر قبل بساعه من القلي وبفكفك الحبات عن بعض وبفردهم على فوطة مطبخ وبعد مرور الساعة بقليهم مباشرة في الزيت الحامي، وصحتين وألف هنا.

طريقة الكبة المقلية

نرحب بك لتكون من أصدقاء زاكي, وذلك بالانضمام لجروب “زاكي” على الفيس بوك:
طريقة الكبة بالتفصيل والشرح الوافي

اترك تعليقاً

لن يتم نشر عنوان بريدك الإلكتروني.