الرئيسة / مرجعك لشهر رمضان / تعالوووووووو ازاى توفرى فى رمضان

تعالوووووووو ازاى توفرى فى رمضان

/
/
/
2414 مشاهدات

تعالوووووووو ازاى توفرى فى رمضان

18670916_472262946452887_1656858121653595996_n

تعالوووووووو ❤❤❤❤
🔱ازاى توفرى فى رمضان 🔱
كل حاجه غاليه وفى نفس الوقت فى اكل كتير بيترمى مننا وبجد حرام وتبذير والاسعار بقت نار بصوا بقى….✋
💮انتى تعدى افراد اسرتك وتعملى اكل اقل من العادى بكتير لان فى الفطار الواحد مش بياكل زى العادى بالعكس بيركز على العصائر والمياه 🍸 يعني مثلا 👇👇
🌟الرز تعمليه لكل فرد فى الاسره نصف كوب طبعا بعد السوى هتزيد وهيبقوا كتير وياريت تنقصى فرد لان فى احتمال ان واحد مياكلش رز ويكمل اكله بالعيش وده علشان الرز ميبتش عندك او ترمى الباقى 😷
🌟اللحوم تعملى لكل فرد جزء ولو اتبقى اى حاجه سيبيها واعمليها شاورما تانى يوم او حتى بيتزا او خلطيها مع مكرونه ودخليها الفرن وحطلها شويه صلصه عليها هتوفر معاكى 😉
🌟العيش طلعى لكل فرد نص اكلته فى الايام العاديه يعنى لو بياكل رغيف اعملى حسابه فى نصف رغيف لان زى ما قولتلك التركيز بيكون على الميه لان الدنيا حر والصيف مش بيحب الاكل قوى ✋
🌟اعملى طبق سلطه صغير متكتريش لانها مينفعش تبات فى الثلاجه🍅
🌟 مش شرط شورب وطبيخ وفراخ وصنيه فى الفرن كفايه قوى صنفين يعنى لو عملتى صنيه فى الفرن اعملى جمبها ملوخيه او شوربه مع شويه سلطه وياريت تستخدمى اصغر صوانى وحلل عندك انتى وبتطبخى علشان يادوب يبقى على اد وجبه الفطار وتخلص مش تبات وتترمى استغفر الله العظيم 😡
🌟الحلويات بقى كفايه بقى تشكيله الكنافه والقطايف والبسبوسه وكله فى يوم واحد لا طبعا ليه يعنى ده رمضان فى الصيف يعنى شويه جلى او مهلبيه او كاستر وكل واحد طبق 🍨 والصوانى بقى تبقى صنف واحد ومتكتريش مكسرات كفايه شويه السودانى وجوز الهند والذبيب وهاتى الكياس الصغيره مش شرط نصف كيلوا من كل نوع ولا الجوز واللوز وعين الجمل والحاجات اللى اسعارها بقت فى متناول تجار المخدرات دى 😂
🌟 اما عن الخشاف والتين والمشمش والقرصيا دى لا سنه ولا فرض السنه عن الرسول عليه الصلاة والسلام هو البلح بس ✋✋ يعني مش لازم تحملي ابو العيال فوق طاقته الراحمن يرحمهم الله سااامعه يرحمهم الله ياختي 😂😂
🌟 والسمن يا جماعه بيتخن فكفايه اوى معلقه تدى طعم وكملى بزيت 🍗🍖
🌟وبرده فى العزومات نفذى نفس المبدا التوفير مش التبذير 😉
🌟 السحور بقى موفر لوحده فول و زبادى و جبنه اى حاجه انتوا بتحبوها وتكون خفيفة علشان متتعبوش تاني يوم فالصيام 😘
🌟 اما اخر حاجه وفروا للاخره حسنات تنفعنا احنا واولادنا يعنى مش شرط مسلسل ورا مسلسل كله بيتعرض بعد رمضان صلى واذكرى الله وقبل السحور زودى قيام الليل واعملى لنفسك ورد من القران كل يوم جزء او اتنين انتى واستطاعتك وخلى اولادك كمان يتنافسوا على ختم القران واعملى جائزه ليهم علشان يحفذهم ويحببهم فى طاعه الله
⏳كل سنة وانتو طيبين وكل رمضان وانتم الي الله اقرب 😍
منقول

86 تعليقاً

اترك تعليقاً

لن يتم نشر عنوان بريدك الإلكتروني.