الرئيسة / منوعات / قصة جريمة غير تامة الحلقة الأولى

قصة جريمة غير تامة الحلقة الأولى

/
/
/
3966 مشاهدات

قصة جريمة غير تامة الحلقة الأولى 
هذه القصة مقدمة لكم من قسم المنوعات في زاكي, متابعة ممتعة نرجوها لكم, وننتظرر رأيكم في التعليقات.

قصة جريمة غير تامة الحلقة الأولى
قصة جريمة غير تامة الحلقة الأولى

#قصص_من_الواقع
#جريمة_غير_تامة الحلقة الأولى
#بقلم_حلا_الشويكي

رغد : بحبك
هيثم : بموت فيكي
رغد : كمان بحبك
هيثم : وانا بعشقك
رغد : لو ابقى قول بحبك ليطلع الضو ما بخلص
هيثم : لو ابقى قول بعشقك طول العمر ما بخلص

كانت الساعة 12 بالليل ورغد وهيثم ما بدن يسكرو الموبايل لحتى غلبن النعس وما عاد يعيونن يتفتحو

رغد : ما بدي اتركك ونام
هيثم : ولا انا .. بس خلص يلا ننام مشان نفيق بكير ونلتقي بالشركة بكرا
رغد : اوكي حبيبي
هيثم : تصبحي على خير

النجوم بالسما عم تلمع السما صافية ما فيا ولا غيمة .. 14 نص الشهر والقمر بدر وفي نسمة عم تحمل معا ريحة الياسمين يلي بتحبو رغد .. ليفوت من شباك غرفتا وهي مغمضة عيونا وبدا تنام وعم تفكر بخطيبا هيثم .. خطيبا يلي انقذها من الوحدة والقهر يلي كانت عايشتو
=======================================
في بيت هند ….

هند عم تتفرج على فيلم التايتنك وتاكل بوشار وتبكي

ام هند : شبك عم تبكي ؟
هند : على حظي المعتر
ام هند : شبو حظك ؟
هند : بدي مسكن وجع راس ضل عنا؟
ام هند : انتي ما عم تخلي مسكن كلو بتاخدي اول بأول متل التسلاية
هند : وبدي ضل اخد لحتى موت اي ؟؟
ام هند : لا اله الا الله

هند : هفففففففف ياه شو هالحياة المقرفة هي؟
ام هند : يا بنتي احمدي الله .. انتي الله اعطاكي الصحة وكتير محروم من هالنعمة
هند : عطاني صحة وحرمني الزواج صرت على ابواب ال40 ولسا ما حد دق بابي !!!
ام هند : نصيب يا امي
=======================================
هند سكرتيرة هيثم بالشغل
هيثم صاحب اكبر شركة للألبسة بالبلد
رغد حبيبة هيثم وخطيبتو وعرسهن قرب
=======================================
تاني يوم الصبح …

هيثم : صباح الخير انسة هند
هند : …….
هيثم : انسة هند ؟
هند : اه اي استاذ بعتزر ما انتبهت
هيثم : انسة هند تفضلي عالمكتب بدي احكي معك

فات هيثم وقعد ورا مكتبو .. ولحقتو هند بسرعة

هند : جيت استاذ شو بتريد مني؟
هيثم : انسة هند .. شغلك ما عاد عاجبني عطول سارحة وعم تفكري بقلك اطلبيلي الموظف فلان بتقعدي ساعة وبالآخر بتقوليلي نسيت .. بالي مشغول بقلك اطلبيلي فنجان قهوة بنطر ساعتين ليوصلني شو قصتك ؟؟
هند : استاذ انا ….
هيثم : تفضلي هاد قرار فصلك من الشركة
هند : استاذ لا لا يا استاذ انا بصرف على امي والله ما الها غيري اخواتي كلهن متجوزين وعندن مسؤولياتن (تبكي) استاذ بوعدك ركز بشغلي بس لا تفصلي

رغد : صباح الخير حبيبي شوفي شبك هند ليش بكيانة؟

(هند عم تقول بينا وبين حالا : حبيبك ما حبك حب وغضب الرب على شو بيحبك ما بعرف)

هند : يا انسة رغد استاذ هيثم بدو يفصلني من الشغل بسبب تقصيري بعترف اني قصرت بس انا امي كانت مرضانة لهيك قصرت وازا فصلني امي مين رح يصرف عليها ؟؟
رغد : خلص حبيبي كرمالي هالمرة لا تفصلا حرام
هيثم : رغد ….
رغد : حبيبيييي كرمالي شق هالقرار بقا لا تقطع رزقا للبنت
هيثم : (شق الورقة) تكرمي رغودتي .. انسة هند روحي على مكتبك .. بس ازا برجع بشوف منك تقصير ما رح خليكي بالشركة ولا دقيقة
هند : حاضر استاذ .. شكرا انسة رغد (بينا وبين حالا : الله لا يخليني ازا بخليكي معو اصلا ما بيستاهلك انا احلا منك .. اييي شو جاب لجاب انا احلا منها بكتييير)

رغد : مسكينة هند .. صار عمرا بحيطان ال41 سنه وما تجوزت لهيك نفسيتا بتتعب اتحملا حبيبي
هيثم : شوفي شلون شكلا الكحل رح يوصل انفا من كترو .. بحسا ساحرة مو انسانة عادية ههههه
رغد : اي والله شكلا غريب بس الله يعينا ياقلبي
هيثم : اي ما قلتيلي .. بأي اوتيل نحجز لحفلة عرسنا؟
رغد : حبيبي يا عمري .. ما بدي بأوتيل
هيثم : ليش؟
رغد : مصاريف زيادة بلا لزوم
هيثم : ههههه حبيبتي انا مبسوط هيك .. اليوم بعد الدوام بمر عليكي عالبيت وبنشوف اي فستان بتحبي من الكتالوج وباي اوتيل العرس .. فرحة عمرنا ولو لا تعقديهاااا
رغد : حاضر حياتي
=======================================
في بيت رغد …

رغد : امي .. ليش بتكرهي هيثم ما عم اعرف
نهال : لأنه ما بحبو هيك لازم يكون في سبب؟
رغد : طيب شو عملك ؟ وضعو ممتاز .. وعيلتو محت…..
نهال : اوعك تقولي محترمين .. ما بطيقهن
رغد : شفتي انو في سبب لكرهك الو ؟؟

(نهال عم تحكي مع حالا .. ولييي ياربي ما بدي تدرى بشي .. ما بدي تعرف بشي شو اعمل)

رغد : هيثم بالطريق .. ممكن لا تزعجيه امي هاد خطيبي .. خطيب بنتك الدلولة رغد
نهال : ماشي

(رغد بينا وبين حالا : يا الله ليش امي ما بتحب هيثم والله هيثم ما في منو ليش امي ما بتطيقو كل هالقد؟)

دق جرس الباب وطلعت رغد فتحت …

هيثم : حبيبي رغووودة
رغد : اشتقتلك يا قلبي
هيثم : وانا اشتقتلك كتييير يلا تعي خلينا نحكي بالمهم
رغد : ليش في اهم من حبنا؟
هيثم : وليكمل حبنا شو بدو؟
رغد : زواج هههههه صح
هيثم : كتيييير زكية انتي ههههههههه
=======================================
هند بغرفتا تسطحت عالتخت وصارت تتزكر كلام هيثم ونظراتو .. هيثم شب وسيم وصوتو رجولي كتير ..
وفجأة خطرت على بالا خطيبتو رغد .. تغيرت ملامح وشا و انتفضت من مكانا صارت تمسح على راسا وترجف وتقول .. انا لازم ابعدهن عن بعض انا لازم فرقهن ما رح يتهنو اي ما رح يتهنو
=======================================
رغد : بدي هاد الفستان .. ولييي غالي غالي لا لا بلاه
هيثم : لا مو غالي خلص هاد الفستان رح وصيلك عليه
رغد : امانه بلاها كتير غالي ما بدي
هيثم : (مسك ايدا وشد عليها) ما في شي بيغلى عليكي يا روحي
=======================================
بعد اسبوع …

في بيت عائلة ام سعيد …

ام سعيد : تعالي يا نور اقعدي بدي احكي معك
نور : اي مرت عمي قولي تفضلي
ام سعيد : ما بيصير يا حبيبتي كل شوي تسألي نجوى ازا حامل او لا .. عم تجرحيها انتو سلفات المفروض تكونو متل الأخوات وتخافو على مشاعر بعضكن ما هيك؟
نور : …….
ام سعيد : لا تزعلي مني بس انا ازا سمعتك عم تجرحيها بكلمة بعد هلأ رح خبر ابني سعيد ماشي؟
نور : ( نترت حالا وقامت من مكانا بسرعة ) اي حاضر حاضر

سعيد : شو في امي ليش مزعلة مرتي؟
ام سعيد : انا زعلت مرتك؟
سعيد : اي اجت عم تبكي عالغرفة بتقلي انك بتحبي نجوى اكتر منها
ام سعيد : اي بيطلعلا تتبلاني كمان …. بس اجت منها ما اجت مني .. اجت لعندك شكتك وهي الغلطانه .. كل شوي بتسمع مرت اخوك حكي لأنها ما بتجيب ولاد بيصير هيك؟
سعيد : اكيد ما بيصير هالشي خلص ولا يهمك امي بوعدك ما يتكرر هالشي

دق جرس الباب ..

ام سعيد : نجوى يا نجوى الله يرضى عليكي افتحي هالباب
نجوى : مرت عمي .. شوفي مين اجا لعنا خالتو نهال وبنتها رغد
ام سعيد : اهلا وسهلاااا حبيباتي نورتووو
نجوى : شو تشربي خالتو ؟
نهال : ما بدي غلبك حبيبتي اقعدي خلينا نشوفك
نجوى : اي هلأ بقعد بس لأعمل شي نشربو سوا اؤمريني خالتو
نهال : خلص بدي عزبك فنجان قهوة
نجوى : حاضر

راحت نجوى لتعمل قهوة

نهال : يا حبيبة قلبي هالبنت شو حبابة
ام سعيد : اي والله .. ربي يعوض عليها ويبعتلا الذرية صالحة
نهال : يارب

سعيد : يا سلاااام خالتي الحلوة وبنتا عنا يا اهلا وسهلا
نهال : هلا حبيبي كيفك؟
سعيد : والله مشتاق لعيونك الحلوة
نهال : يسلملي لسانك شو حلو
رغد : امي .. اميييي .. امي
نهال : اييي شبك؟
رغد : لازم نروح عالبيت هلأ شوفير خطيبي عم ينطرنا لناخد فستان العرس منو واقف على باب البيت
نهال : طيب ليش ما قال قبل ما يجي
رغد : ما بعرف هلأ وصلني مسج من رقم انه انا شوفير هيثم واقف على باب بيتكن لأسلمك فستان العرس
نهال : طيب بنرجع حبيبتي ام سعيد .. انشالله بكرا بنرجع لا تواخذينا ياعمري
ام سعيد : الله يتمملن على خير يارب

ودعتن ام سعيد عن الباب وفاتت بس قبضى قلبها ووقفت بمكانا عم تتعوذ من الشيطان وتقرأ قرآن لتهدى شوي
=======================================

** ملاحظة : #جريمة_غير_تامة مسلسل رمضاني كل يوم حلقة بعد الفجر **
===============================

32 تعليقاً

اترك تعليقاً

لن يتم نشر عنوان بريدك الإلكتروني.