شيخ المحشي تغيير عن محشي الكوسا

شيخ المحشي تغيير عن محشي الكوسا
معكم صديقة زاكي الشيف الموهوبة Rola Madadha Tarawneh

شيخ المحشي //
المقادير :
كوسا ، لحمه مفرومه ، بصل مفروم ناعم ، ملح ، فلفل اسود مطحون ، صنوبر مقلي ، لبن ، نشا .

ألطريقه:
بتحفري الكوسا بس راعي ما يكون رقيق لازم يكون سميك شوي ، بتقلي البصل الناعم مع شوي زيت نبااتي وبعدين بتضيفي اللحمه وملح وفافل اسود وبهارات حسب الرغبه ، بعد ما تبرد اللحمه بتحشي الكوسا ،

بعدين في مقلايه ما بتلرق بتحطي شوية زيت وبتشوحي الكوسا من كل الجوانب ، بعدين بتسخني ميه وبتسقطي الكوسا فيها لحتى ينظف من اثار الزيت ،

وبعدين انقلي ع مصفايه ، جهزي اللبن ، بخلط اللبن مع ٣ معالق نشا لكل لتر ميه وملحي اللبن واخلطي على البارد بعدين حطي عالغاز واستمري بالخلط باتجاه واحد حتى ما يفرط اللبن وبعد ما يتماسك اللبن ويغلي سقطي في الكوسا ..

وبعد ما يستوي زيني بصنوبر ونعنع ناشف او بقدونس مفروم حسب الرغبه وبتقدم جنبه رز مع شعيريه …