مندي على أصوله

/
/
/
5733 مشاهدات
مندي
مندي

المندي طبق تقليدي حضرمي اشتهر به اهل محافظة حضرموت شرق اليمن و أهل منطقة الباحة جنوب غرب السعودية و منتشر في أنحاء الجزيرة العربية وأقطار عربية مختلفة مثل الأردن ومصر وسورية وفلسطين و السعودية ودول الخليج عامة.
المبدعة Hala Dara El Amar ستأخذنا إلى مطبخها وتشاركنا أسرار نجاح المندي معها.


الطريقة :
بهارات مندي جاهزة واذا ما عندك كنت أعملها بالبيت ونفس الطعم تعطي ( 1 م ص هيل حب و 1 م ص كزبرة حب و نص عود قرفة وربع م ص فلفل أسمر حب و 8 مسمار قرنفل و وحدة لومي وبتحمصيهم شوووية عالنار وبتطحنيهم على مطحنة القهوة وحطي ربع معلقة ص كركم وإذا الكمية صغيرة عل المطحونة ضاعفي كمية البهارات الحب وحطيها ببرطمان لمرتين 3 )

لكل كاستين رز بتجيبي ->
البهارات المطحونة :
11/2م ص بهارات مندي و11/2 م ص هيل مطحون و 1/4 م ص كزبرة ناشفة ومثيلتها زنجبيل وقرفة وفلفل أسود وبتخلطيهم مع بعض وبتغطيهم وعلى جنب .

البهارات الصحيحة:
في صحن صغير حطي 2 حبة صغيرة لومي و م ص هيل حب و 8 حبات قرنفل و ربع م ص فلفل أسود حب و نص م ص كزبرة حب و 3 ورقات غار و نص عود قرفة وحطيهم على جنب

– جيبي بصلة وقطعيها شبرات .

-اغلي مية عالغاز على قد الرز أنا حطيت للكاستين 3 1/2 مية وفيهم مكعب ماجي ومعلقة ص ملح ..

-حمي الفرن على العالي على 230 سيلزيوس يعني ما بين الوسط وأعلى شي عندك. ..

-حمي في حلة ( ممكن تفوت الفرن لازم ) لازم معالق سمنة كبار وحطي نص البصل وبس يبدا يتغير لونه للبني حطي باقي البصل ودقيقة وحطي البهارات المطحونة والصحيحة وحمصيهم شوية شي دقيقة بعدين حطي الرز وحمصيه كويس مع البهارات يعني شي دقيقتين بعدين حطي المية المغلية عليه وهيا بتغلي لاازم المية تكون بتغلي وقصدري الحلة وخرمي القصدير بشوكة بعدين حطي الجاج وقصدري الحلة كمان مرة بورقتين ألومنيوم ومااا تخلي القصدير يلزق بالجاج علشان ما يستوي ببخار الرز مش حماوة القصدير وفورا على الفرن لمدة ساعة أو 50 دقيقة .

-جيبي فحمة وولعيها وحطيها بصحن ألومنيوم زغنطوط وحطيه جوة الحلة جمب الجاج وقصدريه تاني ل 3 دقايق أو 4 حتى ياخد الجاج والرز طعمة الفحم ..

ملاحظااات مهمة:
-لااازم اتبلي الجاج ببهارات المندي ومعلقة زيت ذرة من قبل بليلة واللحمة نفس الشي بس أزكى شي بلحمة الموز والكتف خيااااال .

– بالنسبة للون الجاج هاي صبغة دوبت نص م ص في 2 معلقة كبيرة زيت درة ودهنت الجاج بيها قبل ما أحطها جوة القصدير .

لمتابعة الوصفى على جروب “زاكي”:
مندي على الأصول

3 تعليقاً

اترك تعليقاً

لن يتم نشر عنوان بريدك الإلكتروني.